អ្នកបួសត្រូវសង្រួមភ្នែកឱ្យបាន
ឥន្ទ្រិយ៦យ៉ាងអ្នកបួសគប្បីសង្រួមឱ្យបាន ១-សង្រួមភ្នែក ហៅចក្ខុន្ទ្រិយ ២-សង្រួមត្រចៀក ហៅសោតិន្ទ្រិយ ៣-សង្រួមក្រមុះ ហៅឃានិន្ទ្រិយ ៤-សង្រួមអណ្តាត ហៅជីវ្ហិន្ទ្រិយ ៥-សង្រួមកាយ…
ឥន្ទ្រិយ៦យ៉ាងអ្នកបួសគប្បីសង្រួមឱ្យបាន ១-សង្រួមភ្នែក ហៅចក្ខុន្ទ្រិយ ២-សង្រួមត្រចៀក ហៅសោតិន្ទ្រិយ ៣-សង្រួមក្រមុះ ហៅឃានិន្ទ្រិយ ៤-សង្រួមអណ្តាត ហៅជីវ្ហិន្ទ្រិយ ៥-សង្រួមកាយ ហៅកាយិន្ទ្រិយ និង៦-សង្រួមចិត្ត ហៅមនិន្ទ្រិយ។ ឥន្ទ្រិយទាំង៦នេះ ពិសេសការសង្រួមភ្នែកសំខាន់ណាស់សម្រាប់អ្នកបួសក្នុងព្រះពុទ្ធសាសនាត្រូវប្រតិបត្តិឱ្យបាន ។
កាលបើភ្នែកឃើញរូបជាដើម បើរូបនោះល្អជាចំណែកឥដ្ឋារម្មណ៍ គឺអារម្មណ៍គួរស្រឡាញ់ គួរប្រាថ្នា ក៏ញ៉ាំងចិត្តលោភចង់បាន ។ តែបើរូបនោះមិនល្អជាចំណែកអនិដ្ឋារម្មណ៍ គឺអារម្មណ៍មិនគួរស្រឡាញ់ មិនគួរប្រាថ្នា ក៏ឃាត់ការពារប្រយ័ត្នចិត្តមិនឱ្យកើតទោមនស្ស កិរិយាដូច្នេះហៅថាការសង្រួមឥន្ទ្រិយសូម្បីក្នុងកាលត្រចៀកឮសំឡេងជាដើម ក៏មានន័យដូចគ្នានេះដែរ ។
បើតាមផ្លូវវិន័យក្នុងចំណោមឥន្ទ្រិយទាំង៦គឺការសង្រួមភ្នែកសំខាន់ណាស់សម្រាប់អ្នកបួសក្នុងព្រះពុទ្ធសាសនា បើភ្នែកក្រឡេមក្រឡឺមដូចស្វា គេហៅលោកសង្ឃអត់វិន័យ ។
ចែករំលែកព័តមាននេះ