ខេត្តកំពង់ធំ ៖ អនុប្រធានទី២ នៃរដ្ឋសភាជាតិ លោក ងួន ញ៉ិល បានអំពាវនាវដល់ជនរួមជាតិ រួមទាំងព្រះសង្ឃដែលមានសិទ្ធិបោះឆ្នោត អញ្ជើញទៅបោះឆ្នោតទាំងអស់គ្នា ដើម្បីជ្រើសរើសអ្នកដឹកនាំ ប្រទេសដែលខ្លួនស្រឡាញ់ និងពេញចិត្ត។ ការអំពាវនាវនេះធ្វើឡើងក្នុងពិធីសម្ពោធសមិទ្ធផលនានានៅក្នុងវត្តស្វាយភ្លើ ង ស្រុកបារាយណ៍ ខេត្តកំពង់ធំ កាលពីព្រឹកថ្ងៃទី១០ មិថុនា ឆ្នាំ២០១៨។ លោកអនុប្រធានទី២ បានបញ្ជាក់ថា« ប្រសិនពលរដ្ឋមិនទៅបោះឆ្នោត ពលរដ្ឋនឹងបាត់បង់សិទ្ធិ និងឱកាសក្នុងការជ្រើសរើសតំណាងរបស់ខ្លួន និងថ្នាក់ដឹកនាំប្រទេសជាតិ។ ខ្ញុំសូមជម្រាបប្រគេនព្រះសង្ឃ និងជូនប្រជាពលរដ្ឋថា តម្លៃនៃការទ្រទ្រង់គោរពប្រតិបត្តិរបស់ពុទ្ធសាសនិកដើម្បីវិស័យព្រះពុទ្ធសាសនាតាំងនៅយូរអង្វែងតាមពុទ្ធបញ្ញត្តិ ហើយការវិវត្តន៍នៃព្រឹត្តិ ការនយោបាយណ៍ក្នុងប្រទេសកម្ពុជាតាំងពីរបបខ្មែរក្រហមរហូតមកដល់បច្ចុប្បន្ននេះ និងអំពីតម្លៃនៃសន្តិភាពដែលជាមូលដ្ឋានគ្រឹះសម្រាប់ធ្វើការអភិវឌ្ឍប្រទេសជាតិលើគ្រប់វិស័យ »។
ជាមួយគ្នានោះដែរ អនុប្រធានសភាទី២ រដ្ឋសភាក៏បានលើកឡើងពី ពីស្ថានការណ៍ថ្មីៗ របស់ប្រទេសកម្ពុជា បោះឆ្នោតជ្រើសរើសសមាជិករដ្ឋសភានីតិកាលទី៦ នៅថ្ងៃទី២៩ ខែកក្កដា ឆ្នាំ២០១៨ ដែលនឹងឈានចូលមកដល់ក្នុងពេលឆាប់ៗនេះ និងជាការអញ្ជើញទៅបោះឆ្នោតឲ្យបានគ្រប់ៗគ្នា ក្នុងន័យបំពេញកាតព្វកិច្ចជាពលរដ្ឋដើម្បីជោគវាសនាខ្លួន និងដើម្បីចូលរួមជាមួយរាជរដ្ឋាភិបាលបន្តអនុវត្តនូវលទ្ធិប្រជាធិបតេយ្យ និងការរីកចម្រើនរបស់សង្គមជាតិយើង ដោយកុំជឿតាមជនអគតិខ្លះដែលបានអំពាវនាវកុំឲ្យពលរដ្ឋ ទៅបោះឆ្នោតនោះ។ លោកបានគូសបញ្ជាក់ថា« ការបោះឆ្នោតគឺជាការប្រើប្រាស់សិទ្ធិ អំណាចរបស់ពលរដ្ឋ ដោយផ្ទាល់ ក្នុងការជ្រើសរើសតំណាងរាស្ត្រ និងថ្នាក់ដឹកនាំប្រទេស។ បើពលរដ្ឋមិនទៅបោះឆ្នោត នឹងបាត់បង់សិទ្ធិក្នុងការសម្រេចចិត្ត ពីរឿងប្រទេសជាតិរបស់ខ្លួន»។
សូមជម្រាបថា សមិទ្ធផលដែលដាក់ឱ្យសម្ពោធ នាឱកាសនេះ បានចំណាយថវិកា អស់ប្រមាណជាង៨ម៉ឺនដុល្លារ មានកុដិធំ កុដិតូច ព្រមទាំងសាលាពុទ្ធិកជាដើម។ លោកក៏បានលើកឡើងពី ការរីកចម្រើនរបស់ប្រទេសជាតិពីមួយថ្ងៃទៅមួយថ្ងៃ មិនថាវិស័យអាណាចក្រ ឬពុទ្ធចក្រនោះទេ។ ជាក់ស្តែងសមិទ្ធផលជាច្រើនដែលបានសម្ពោធនាឱកាសនេះ គឺដោយ សារមានការរីកចម្រើនដែលយើងទទួលបាននូវសុខសន្តិភាព និងស្ថិរភាពនយោបាយដែលប្រសូតចេញពីកិច្ចខិតខំប្រឹងប្រែងរបស់រាជរដ្ឋាភិបាលក្រោមការដឹកនាំរបស់សម្តេចតេជោ ហ៊ុន សែន នាយករដ្ឋមន្ត្រី ហើយបើប្រទេសជាតិមិនមានសន្តិភាពនោះទេ អ្វីៗមិ នអាចកសាងបានឡើយ ហើយជំនឿសាសនារបស់ពលរដ្ឋក៏គ្មានដែរ។ លោក ហាក់ ម៉ុងហ៊ួត អភិបាលស្រុកបារាយណ៍ បានមានប្រសាសន៍ឲ្យដឹងថា វត្តស្វាយភ្លើងមានអាយុកាល១៥០ឆ្នាំមកហើយ ដោយប្រជាជនទូទៅទទួលស្គាល់ គោរពប្រតិបត្តិ ប៉ុន្តែក្នុងរបបប្រល័យពូជសាសន៍៣ឆ្នាំ៨ខែ២០ថ្ងៃ ត្រូវបានបំផ្លិចបំផ្លាញគ្មានសល់៕
ចែករំលែកព័តមាននេះ