ការណ៍ពិតអំពីលិង្គមិនព្រមឡើងរឹងតែងតែស្ថិតក្នុងភាពអាថ៌កំបាំងនៃរបបអាហារ និងរបៀបរស់នៅ ។ តើអ្នកកំពុងតែពិបាកធ្វើឲ្យលិង្គឡើងរឹងមែនទេ? បើសិនជាអ៊ីចឹងមែន អ្នកពិតជារកអុសប្រទះចង្គ្រានហ្គាសហើយ ។ ខាងក្រោមនេះ គឺជាឬសគុល សំខាន់ៗដែលនាំឲ្យលិង្គមិនឡើងរឹងដូចធម្មតា៖…
ការណ៍ពិតអំពីលិង្គមិនព្រមឡើងរឹងតែងតែស្ថិតក្នុងភាពអាថ៌កំបាំងនៃរបបអាហារ និងរបៀបរស់នៅ ។ តើអ្នកកំពុងតែពិបាកធ្វើឲ្យលិង្គឡើងរឹងមែនទេ? បើសិនជាអ៊ីចឹងមែន អ្នកពិតជារកអុសប្រទះចង្គ្រានហ្គាសហើយ ។ ខាងក្រោមនេះ គឺជាឬសគុល សំខាន់ៗដែលនាំឲ្យលិង្គមិនឡើងរឹងដូចធម្មតា៖
ការជក់បារី
ការជក់បារីធ្វើឲ្យលិង្គមិនព្រមឡើងរឹងដោយសារតែសរសៃឈាមរួមតូច ។ វានឹងបង្កើតជាកំណកឈាម និងជាតិខ្លាញ់ដែលកកជាប់នឹងសរសៃឈាម ដែលជាហេតុនាំឲ្យសរសៃឈាមទាំងនោះរួមតូចរហូតដល់លិង្គមិនអាចធ្វើការកើត ។
គ្រឿងស្រវឹង
ការញ៉ាំគ្រឿស្រវឹងតិចតួចបំផុតអាចធ្វើឲ្យប្រព័ន្ធសរសៃប្រសាទរងការប៉ះពាល់បាន ។ សញ្ញាជាច្រើនដែលបញ្ជូនចេញពីខួរក្បាលទៅសរសៃឈាមក្នុងលិង្គក៏ត្រូវបានរំខានដោយសារតែរឿងនេះដែរ ។ ដូច្នេះចំណង់ផ្លូវភេទនឹងត្រូវថយចុះ។ យ៉ាងណាមិញទោះបីជាអ្នកខំប្រឹងឲ្យលិង្គរឹងហើយក៏ដោយ វាក៏នឹងមិនអាចធ្វើឲ្យអ្នកសប្បាយចិត្តដែរ ។
ការប្រើថ្នាំ
តើអ្នកចូលចិត្តជក់ថ្នាំជក់ដែរទេ? ការប្រើប្រាស់ថ្នាំញៀនច្រើនពេកអាចបណ្តាលឲ្យមានបញ្ហាចំពោះសុខភាព ហើយក្នុងនោះក៏មានលិង្គមិនព្រមឡើងរឹងដែរ ។ បញ្ហាបេះដូងសម្ពាធឈាមមិនទៀងទាត់ និងខ្លាចខុសទំនងសុទ្ធតែជាជំងឺបណ្តាលមកពីការប្រើថ្នាំខុសក្បួន ។
ស្ត្រេស
ស្ត្រេសអាចធ្វើឲ្យអ្នកលែងសប្បាយចិត្ត បំផ្លាញចំណង់ផ្លូវភេទ និងមិនអាចឲ្យលិង្គឡើងរឹងបានទេ ។ ស្ត្រេសអាចប៉ះពាល់ដល់ប្រព័ន្ធរបត់ឈាមរត់ និងកាត់បន្ថយលំហូរឈាមទៅលិង្គបាន ។ នេះដោយសារតែអ៊័រម៉ូន Cortisol ដែលចេញច្រើនក្នុងពេលស្ត្រេស ។
ធាត់ជ្រុល
ការធាត់ជ្រុលមានការទាក់ទងនឹងការបង្កើតជាតិខ្លាញ់កក់ជាប់ប្រព័ន្ធសរសៃឈាម ។ វានឹងបង្កឲ្យស្ទះដល់ចរន្តឈាម ជាពិសេសឈាមមិនអាចផ្គត់ផ្គង់នៅតំបន់លិង្គគ្រប់គ្រាន់ រហូតដល់លិង្គមិនអាចឡើងរឹងបាន ហើយខ្សោយផ្លូវភេទទៀត ។
បើសិនជាអ្នកកំពុងតែមានបញ្ហាលិង្គមិនព្រមឡើងរឹង ហើយមិនដឹងអំពីមូលហេតុរបស់វា យកល្អគួរតែពិគ្រោះជាមួយគ្រូពេទ្យទៅ ៕
ស្រង់ពីគេហទំព័រសុខភាព
ចែករំលែកព័តមាននេះ