ខេត្តត្បូងឃ្មុំ ៖ បុរស២នាក់បានស្លាប់បន្តបន្ទាប់គ្នាដោយសារជិះម៉ូតូ១គ្រឿង ចូលចំណែកផ្លូរថយន្តលើផ្លូវជាតិលេខ៧ ត្រង់ចំណុចចន្លោះគីឡូលេខ២១០-២១១ ស្ថិតនៅភូមិជាំទ្រៀក ឃុំត្រមូង ស្រុកមេមត់ ។ ហេតុការណ៍នោះកើតឡើងនៅវេលាម៉ោង៨និង៤០នាទីយប់ ថ្ងៃទី០៥ មិថុនា ឆ្នាំ២០១៨ ចំណែកអ្នកបើកបររថយន្តម៉ាកហ៊ីយ៉ានដាយវិញ បានរត់គេចខ្លួនបាត់ ។
នគរបាលចរាចរណ៍ស្រុកមេមត់ប្រាប់ឲ្យដឹងថា នៅពេលមុនកើតហេតុម៉ូតូ មិនមានពាក់ស្លាកលេខនោះ បានបើកបរដោយឈ្មោះ នៅ សុខលាប ភេទប្រុស អាយុ២២ឆ្នាំ នៅភូមិខ្នងក្រពើកើត ឃុំត្រមូង
ស្រុកមេមត់ ដោយបានឌុបឈ្មោះ ផ្អក គោ ភេទប្រុស អាយុ២៧ឆ្នាំ នៅភូមិអណ្តូងក្រហម ឃុំត្រមូង
ជិះក្នុងទិសដៅពីលិចមកកើត តាមបណ្តោយផ្លូវ ថែមទាំងបានប្រើប្រាស់លឿនថែមទៀតផង ។
នគរបាលចរាចរណ៍ស្រុកមេមត់ប្រាប់បន្តថា អ្នកជិះម៉ូតូទាំង២នាក់ខាងលើមិនបានពាក់មួកសុត្ថិភាព
នោះទេ ហើយបានជិះវ៉ាម៉ូតូ១គ្រឿងទៀត ស្របទិសគ្នាក៏ចូលមកចំណែកផ្លូវរថយន្តបុកពេញទំហឹង តែម្តងក្នុងទិសដៅច្រាសទិសគ្នា ។ បណ្តាលឲ្យរងរបួសជាដំណំនូវដង្ហើមចង្រិត ចំណែកអ្នកបើកបររថយន្តវិញបានរត់គេចខ្លួនបាត់ក្នុងពេលដែលសមត្ថកិច្ចបានចុះមកដល់បានហៅរថយន្តសាមុយមកដឹកយកមកសង្គ្រោះនៅមន្ទីរពេទ្យបង្អែកស្រុកមេមត់ តែអាណោចអាធម៌ណាស់បុរសទាំង២នាក់ បានស្លាប់បន្តបន្ទាប់គ្នា ។ ហើយក៏បានទាក់ទងទៅសាច់ញាតិឲ្យមកទទួលយកសពទៅធ្វើបុណ្យតាមប្រពៃណីផងដែរ ។
លោកថាញ់ សុខវ៉ាតអធិការរងនគរបាលស្រុកមេមត់ទទួលផែនសណ្តាប់ធ្នាប់បញ្ជាក់ថា អ្នកបើក
ម៉ូតូខាងលើនោះបានស្តីកូនក្រមុំគេម្នាក់នៅស្រុកមេមត់ ហើយក៏ជិតដល់ពេលវេលាដែលនឹងត្រូវចូល
រោងការផងដែរ ។ ក្រោយពីបានដឹងគូរដណ្តឹងស្លាប់ស្ត្រីនោះបានមកយំសោកស្តាយអាណិត ហើយ
ថែមទាំងបានពោលពាក្យថា «បើបងស្លាប់ទៅហើយបានអ្នកណារៀបការជាមួយអូន?» ។
ហើយទីតាំងខាងលើនេះនាពេលកន្លងមកធ្លាប់ត្រូវបានរថយន្តធំ០១គ្រឿងមកបុកពីក្រោយ បណ្តាល
ឲ្យធុងការ៉េមជ្រុះខូចខាត និងបែកទូរកញ្ចក់ក្រឡាប់រថយន្ត តែសំណាងគ្រានោះអ្នកបើកបរគ្រាន់តែ
រងរបួសស្រាល ៕
ចែករំលែកព័តមាននេះ