រាជធានីភ្នំពេញ ៖ កម្លាំងនគរអន្តោប្រវេសន៍នៃក្រសួងមហាផ្ទៃ ដឹកនាំដោយលោកឧត្តមសេនីយ៍ឯក អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តនីតិវិធី សហការជាមួយកម្លាំងនគរបាលការិយាល័យស៊ើបអង្កេត និង…
រាជធានីភ្នំពេញ ៖ កម្លាំងនគរអន្តោប្រវេសន៍នៃក្រសួងមហាផ្ទៃ ដឹកនាំដោយលោកឧត្តមសេនីយ៍ឯក អ៊ុក
ហៃសីឡា ប្រធាននាយកដ្ឋានស៊ើបអង្កេត និងអនុវត្តនីតិវិធី សហការជាមួយកម្លាំងនគរបាលការិយាល័យស៊ើបអង្កេត និង អនុវត្តនិតិ វិធីរាជធានីភ្នំពេញ ដោយបានការសម្របសម្រួលពីលោក សៀង សុខ ព្រះរាជអាជ្ញារងអមសាលាដំបូងរាជធានីភ្នំពេញ បានចុះធ្វើការត្រួតពិនិត្យការស្នាក់នៅ និងបំពេញការងាររបស់ជនបរទេសនៅក្នុងហាងកាហ្វេ និងផ្ទះជួលចំនួន២ទីតាំង ក៏បានឃាត់ខ្លួនជនជាតិវៀតណាមប្រុស-ស្រីចំនួន ១៥នាក់ (ស្រី១១នាក់) ។ ប្រតិបត្តិការនេះ ធ្វើឡើងកាលពីវេលាម៉ោង១០ និ៣០នាទីព្រឹកថ្ងៃទី០៦ មិថុនា ស្ថិតតាមបណ្តោយផ្លូវលេខ៩០ (ក្បែរវត្តភ្នំ) ក្នុងសង្កាត់ស្រះចក ខណ្ឌដូនពេញ ។
ប្រភពឱ្យដឹងថា ការចុះពិនិត្យនេះ គឺស្ថិតនៅទីតាំងតាមបណ្តោយផ្លូវលេខ៩០ មានចំនួន២គោលនៅជាប់ៗគ្នា ទី១-នៅក្នុងហាងកាហ្វេ និងទី២-នៅចំណុចផ្ទះជួល ។ ដោយឡែក ជនជាតិវៀតណាមប្រុស-ស្រីសរុបទាំង១៥នាក់ ក្នុងនោះស្រីមានចំនួន១១នាក់ និងបុរសមានចំនួន៤នាក់ ដែលកំពុងតែបានលួចចូលមកស្នាក់នៅ និងបំពេញការងារដោយគ្មានលិខិតឆ្លងដែន និងឯកសារត្រឹមត្រូវទៅតាមច្បាប់ទេ ។
គួរបញ្ជាក់ថា កាលពីថ្ងៃទី០១ មិថុនា កន្លងទៅថ្មីៗនេះ កម្លាំងក៏ធ្លាប់បានចុះធ្វើការត្រួតពិនិត្យការស្នាក់នៅ និង បំពេញការងាររបស់ជនបរទេសនៅតាមបណ្តារ ហាងកាហ្វេ មួយចំនួនដែលមានទីតាំងនៅតាមបណ្តោយផ្លូវលេខ៩០នេះម្តងរួចមកហើយ ដោយបានធ្វើការចាប់ឃាត់ជនជាតិវៀតណាមប្រុស-ស្រីចំនួន ៨នាក់(ស្រី៤នាក់) ហើយដែរ។
ចែករំលែកព័តមាននេះ