ថ្លើម គឺជាសរីរាង្គក្នុងពោះដែលធំជាងគេបំផុត ហើយក៏ដើរតួនាទីដ៏សំខាន់មួយផងដែរ។ វាជួយកែប្រែអាហារទៅជាជីវជាតិ ។ វាក៏ជួយច្រោះជាតិពុល និងបំលែងជាតិពុលនោះចេញពីរាងកាយបានថែមទៀត ។ អ្នកអាចជួយឲ្យថ្លើមធ្វើការកាន់តែងាយស្រួល តាមរយៈជួយឲ្យវាមានសុខភាពកាន់តែល្អ…
ថ្លើម គឺជាសរីរាង្គក្នុងពោះដែលធំជាងគេបំផុត ហើយក៏ដើរតួនាទីដ៏សំខាន់មួយផងដែរ។ វាជួយកែប្រែអាហារទៅជាជីវជាតិ ។ វាក៏ជួយច្រោះជាតិពុល និងបំលែងជាតិពុលនោះចេញពីរាងកាយបានថែមទៀត ។ អ្នកអាចជួយឲ្យថ្លើមធ្វើការកាន់តែងាយស្រួល តាមរយៈជួយឲ្យវាមានសុខភាពកាន់តែល្អ ជាមួយនឹងការញ៉ាំអាហារត្រឹមត្រូវ ។ តើគួរជ្រើសរើសអាហារអ្វីខ្លះទៅដើម្បីថ្លើមមានសុខភាពល្អ ?
បន្លែពណ៌បៃតង
រ៉ាឌីកាលសេរីគឺជាមូលេគុលជាច្រើនដែលអាចបំផ្លាញកោសិការបស់អ្នក និងធ្វើឲ្យមានបញ្ហាច្រើនដូចជា ជំងឺថ្លើមជាដើម ។ សារធាតុហៅថា អង់ទីអុកស៊ីដង់អាចជួយអ្នកយកឈ្នះរ៉ាឌីកាលសេរីបាន ។ បន្លែពណ៌បៃតងដូចជា ស្ពៃស្ពីណាច ផ្ទុកទៅដោយអង់ទីអុកស៊ីដង់ច្រើនណាស់។ វាក៏មានជាតិសរសៃ និងសារធាតុ ផ្សេងៗទៀតផងដែរដែលថ្លើមអ្នកត្រូវការ ។
ស្រូវអូដ
អាហារមួយនេះមានជាតិសរសៃខ្ពស់ ហើយអាចជួយការពារថ្លើមពីការរលាកបានថែមទៀត។ វាក៏អាចជួយថែរក្សាជាតិស្ករក្នុងឈាម និងអេឡិចត្រូលីត្របានល្អផងដែរ ។ អង្ករសម្រូបក៏សម្បូរជាតិសរសៃច្រើនដែរ ។
ផ្លែប៉ោម
ការសិក្សាបានបង្ហាញថា ផ្លែឈើដែលមានជាតិសរសៃខ្ពស់ដូចជា ផ្លែប៉ោមប្រហែលជាជួយដល់អ្នកដែលមានជំងឺខ្លាញ់រុំថ្លើម ជាពិសេសអ្នកដែលធាត់ជ្រុលតែម្តង។ ចូរប្រាកដថា អ្នកញ៉ាំវាទាំងសម្បកព្រោះវាជាកន្លែងដែលមានជាតិសរសៃច្រើនជាងគេ។ ផ្លែឈើផ្សេងៗទៀតដែលសម្បូរជាតិសរសៃដែរមានដូចជា៖
•ផ្លែចេក
•ក្រូច
•ស្ត្របឺរី
សាច់ទ្រូងមាន់គ្មានស្បែក
រាងកាយមនុស្សយើងត្រូវការប្រូតេអ៊ីនដើម្បីបង្កើតជាសរីរាង្គរួមទាំងថ្លើមផងដែរ ហើយក៏ជួយឲ្យវាមានសុខភាពល្អទៀត ។ ប៉ុន្តែថ្លើមរបស់អ្នកមិនត្រូវការខ្លាញ់ច្រើនឡើយ ។ សាច់បក្សីសុទ្ធគ្មានខ្លាញ់អាចជាមធ្យោបាយដ៏ល្អមួយក្នុងការទទួលបានប្រូតេអ៊ីនដែលអ្នកត្រូវការ។ ដូច្នេះចូរអាំងវាញ៉ាំចៀសជាងចៀន ។
ត្រីសាលម៉ុន
ត្រីសាលម៉ុនផ្ទុកទៅដោយប្រូតេអ៊ីនច្រើន ប៉ុន្តែមិនទាំងអស់ឡើយ ។ ត្រីដ៏ពេញនិយមមួយនេះក៏មានអាស៊ីតខ្លាញ់អូមេហ្គាបិ ដែលអាចបន្ថយកូឡេស្តេរ៉ុល បំបាត់ការរលាក និងជួយឲ្យមានទម្ងន់ប្រកបដោយសុខភាពល្អទៀត ។ រឿងអស់ទាំងនេះអាចជួយដល់ថ្លើមអ្នកបាន ។ ចូរធ្វើយ៉ាងណាញ៉ាំត្រីសាលម៉ុនពីរទៅបួនពេលក្នុងមួយសប្តាហ៍ ។
សណ្តែក
អ្នកមិនបាច់ញ៉ាំសាច់ច្រើនដើម្បីទទួលបានប្រូតេអ៊ីននោះទេ ។ អ្នកអាចទទួលបានប្រូតេអ៊ីន ហើយជាតិសរសៃច្រើនទៀតតាមរយៈការញ៉ាំសណ្តែក ។ ហើយវាក៏មិនមានខ្លាញ់អាក្រក់ដូចក្នុងសាច់សត្វដែរ ។
ប្រេងផ្តល់សុខភាព
ជម្រើសក្នុងការជ្រើសរើសប្រេងដែលផ្តល់សុខភាពគួរតែជាប្រេងអូលីវ និងប្រេងល្ហុងក្នុងការចម្អិនអាហារញ៉ាំនៅតាមផ្ទះ ។
កាហ្វេ
ទម្លាប់ពេលព្រឹករបស់អ្នកប្រហែលជាត្រូវមានកាហ្វេមួយពែងចូលពោះដែរ ប៉ុន្តែវាប្រហែលជាអាចជួយថែរក្សាថ្លើមឲ្យមានសុខភាពល្អបានដែរ ។ អ្នកវិទ្យាសាស្ត្រជាច្រើន មិនបានប្រាកដអំពីមូលហេតុរបស់វាឡើយ ប៉ុន្តែការសិក្សាបានបង្ហាញថា ការញ៉ាំកាហ្វេពីរបីពែងក្នុងមួយថ្ងៃប្រហែលជាបន្ថយឱកាសកើតជំងឺមហារីកថ្លើមបាន ។
តែបៃតង
វាគឺជាភេសជ្ជៈដ៏ពេញនិយមមួយ ហើយក៏មានអង់ទីអុកស៊ីដង់ និងសារធាតុគីមីជាច្រើនទៀតដែលអាចជួយការពារថ្លើមពីការខូចខាតរបស់កោសិកា និងការរលាកបានដែរ ។ ការញ៉ាំតែបៃតងទៀងទាត់ប្រហែលជាជួយបន្ថយឱកាសនៃការកើតជំងឺខ្លាញ់រុំថ្លើម រលាកថ្លើម ក្រិនថ្លើម និងជំងឺថ្លើមរ៉ាំរ៉ៃបាន ។
ទឹក
ថ្លើមគឺមានជាតិទឹករហូតដល់៧៣ភាគរយ ដូច្នេះយកល្អគួរតែប្រាកដថា អ្នកទទួលបានជាតិទឹកគ្រប់គ្រាន់ក្នុងខ្លួនដើម្បីជម្រុញដល់សរីរាង្គក្នុងខ្លួនធ្វើការកាន់តែល្អ ។ ការខ្វះជាតិទឹកអាចធ្វើឲ្យតម្រងនោមខូចបានដែរ ។
អ្វីដែលមិនគួរញ៉ាំ
ជាមួយនឹងការញ៉ាំអាហារបានត្រឹមត្រូវ យកល្អគួរតែចៀសវាងឲ្យឆ្ងាយពីអាហារដែលមិនត្រឹមត្រូវ ។ អ្វីដែលគម្រាមគំហែងខ្លាំងបំផុតចំពោះថ្លើមនោះមានដូចជា៖
•អាហារឆា ឬចៀន
•អាហារមានជាតិខ្លាញ់ Saturated Fat ខ្ពស់
•អាហារកៃច្នៃ
•គ្រឿងស្រវឹង ៕
ស្រង់ពីគេហទំព័រសុខភាព
ចែករំលែកព័តមាននេះ