ខេត្តកំពង់ធំ ៖ តាមសេចក្តីរាយការណ៍បឋមបានឲ្យដឹងថា ហេតុគ្រោះថ្នាក់ចរាចរណ៍ដោយយុវជនម្នាក់ស្រវឹងស្រាជិះម៉ូតូបុកឆ្កែងាប់ បណ្ដាលឲ្យរងរបួសធ្ងន់ខ្លួនឯងបានកើតឡើងកាលពីវេលាម៉ោង២៣និង១០នាទីយប់ ថ្ងៃទី៣១ ខែឧសភា ឆ្នាំ២០១៨ នៅចំណុចមុខផ្ទះឈ្មោះអ៊ឹម សុផល…
ខេត្តកំពង់ធំ ៖ តាមសេចក្តីរាយការណ៍បឋមបានឲ្យដឹងថា ហេតុគ្រោះថ្នាក់ចរាចរណ៍ដោយយុវជនម្នាក់ស្រវឹងស្រាជិះម៉ូតូបុកឆ្កែងាប់ បណ្ដាលឲ្យរងរបួសធ្ងន់ខ្លួនឯងបានកើតឡើងកាលពីវេលាម៉ោង២៣និង១០នាទីយប់ ថ្ងៃទី៣១ ខែឧសភា ឆ្នាំ២០១៨ នៅចំណុចមុខផ្ទះឈ្មោះអ៊ឹម សុផល ភូមិព្រែកស្បូវ សង្កាត់អូរកន្ធរ ក្រុងស្ទឹងសែន ខេត្តកំពង់ធំ ។
សេចក្តីរាយការណ៍សមត្ថកិច្ចបានរៀបរាប់ថា ម៉ូតូដែលជិះបុកឆ្កែខាងលើម៉ាក C125 ពណ៌ខ្មៅ ពាក់ស្លាកលេខ កំពង់ធំ 1J- 9570 បើកបរដោយឈ្មោះ វ៉ាន់ សាវី ភេទប្រុស អាយុ២៦ឆ្នាំ មានទីលំនៅភូមិតាព្រាច ឃុំទីពោ ស្រុកសន្ទុក ខេត្តកំពង់ធំ។
បច្ចុប្បន្នស្នាក់នៅ និងធ្វើជាកម្មករឲ្យក្រុមហ៊ុនមួយកន្លែង ស្ថិតនៅភូមិអូរកន្ធរត្បូង សង្កាត់អូរកន្ធរ ក្រុងស្ទឹងសែន ខេត្តកំពង់ធំ រងរបួសធ្ងន់ ខណៈស្រវឹងស្រាជោគជាំ ជិះម៉ូតូលឿនបុកឆ្កែ បណ្តាលឲ្យស្លាប់០១ក្បាល ខូចម៉ូតូ និងរងរបួសធ្ងន់ខ្លួនឯង អ្នករងរបួសត្រូវកម្លាំងប៉ុស្តិ៍នគរបាលអូរកន្ធរបញ្ជូនទៅសង្គ្រោះនៅពេទ្យ(កំពង់ធំ) ៕
ចែករំលែកព័តមាននេះ