រាជធានីភ្នំពេញ ៖ បុរសជាជាងផ្សារដែកម្នាក់ត្រូវចរន្តអគ្គិសនីឆ្លងតាមម៉ែត្រ និងប៉ុស្តិ៍ផ្សារឆក់ស្លាប់បាត់បង់ជីវីតនៅពេលបញ្ជូនទៅកាន់មន្ទីរពេទ្យ ។ ហេតុការណ៍នេះបានកើតឡើងកាលពីម៉ោង១០និង១៥នាទីព្រឹកថ្ងៃទី៣១ ខែឧសភា ឆ្នាំ២០១៨ នៅចំណុចដីឡូតិ៍មួយកន្លែង ក្នុងក្រុម២…
រាជធានីភ្នំពេញ ៖ បុរសជាជាងផ្សារដែកម្នាក់ត្រូវចរន្តអគ្គិសនីឆ្លងតាមម៉ែត្រ និងប៉ុស្តិ៍ផ្សារឆក់ស្លាប់បាត់បង់ជីវីតនៅពេលបញ្ជូនទៅកាន់មន្ទីរពេទ្យ ។ ហេតុការណ៍នេះបានកើតឡើងកាលពីម៉ោង១០និង១៥នាទីព្រឹកថ្ងៃទី៣១ ខែឧសភា ឆ្នាំ២០១៨ នៅចំណុចដីឡូតិ៍មួយកន្លែង ក្នុងក្រុម២ ភូមិបន្លាស្អិត សង្កាត់ឃ្មួញ ខណ្ឌសែនសុខ ហើយរហូតដល់ម៉ោង១២ថ្ងៃត្រង់ទើបភ្ញាក់ដល់សមត្ថកិច្ចមូលដ្ឋាន ។
ជនរងគ្រោះដែលស្លាប់នោះឈ្មោះយ៉ាក រ៉ា អាយុ២៨ឆ្នាំ មុខរបរជាងផ្សារដែក ស្នាក់នៅក្នុងឃ្លាំងផ្សារដែក នៅក្បែរកន្លែងផ្សារដែកខាងលើ និងមានស្រុកកំណើតភូមិព្រៃកណ្តៀង ឃុំព្រៃកណ្តៀង ស្រុកពាមរ ខេត្តព្រៃវែង ។
តាមប្រភពព័ត៌មាននៅកន្លែងកើតហេតុបានឲ្យដឹងថា នៅមុនកើតហេតុជនរងគ្រោះបានទាញខ្សែភ្លើង និងបុស្តិ៍ផ្សារចេញពីរោងឃ្លាំង ផ្សារដែកយកមកដាក់ក្នុងដីឡូត៍ក្បែរនោះ ។ ខណៈនោះមានរថយន្តស្ទូចមួយគ្រឿងបានស្តួចដែកទម្លាក់ក្បែរនោះ ហើយជនរងគ្រោះបានទាញម៉ែត្រលេង ស្រាប់តែឆ្លងចរន្តភ្លើងឆក់ដាច់ផ្ងារដួលតែម្តង ។
ភ្លាមៗនោះជាងដូចគ្នាក៏បានរត់ទៅដកភ្លើង និងនាំគ្នាជួយសង្គ្រោះដោយសែងយកទៅកប់ដីខ្សាច់ និងដឹកតាមម៉ូតូយកមកសង្គ្រោះនៅមន្ទីពេទ្យសាកលវិទ្យាល័យអន្តរជាតិសែនសុខ តែអកុសលពេលមកដល់ខាងមន្ទីរពេទ្យបញ្ជាក់ថា ជនរងគ្រោះស្លាប់បាត់ទៅហើយ ។
តាមនគរបាលបានឲ្យដឹងថា ជនរងគ្រោះត្រូវចរន្តអគ្គិសនីឆ្លងតាមម៉ែត្រប៉ះនឹងខ្សែភ្លើងប៉ុស្តិ៍ផ្សារឆក់ស្លាប់តែម្តង ។ សពត្រូវបានក្រុមគ្រួសារនាំទៅស្រុកកំណើតធ្វើបុណ្យតាមប្រពៃណីផងដែរ ៕
ចែករំលែកព័តមាននេះ