ខេត្តឧត្តរមានជ័យ ៖ ម្ចាស់ផ្ទះទាំង២នាក់ប្តីប្រពន្ធត្រូវសមត្ថកិច្ចស្រុកបន្ទាយអម្ពឹលឃាត់ខ្លួន ខណៈបើកលេងល្បែងស៊ីសងដោយខុសច្បាប់នៅនឹងផ្ទះរបស់ខ្លួន កាលពីវេលា៥និង៥០នាទីល្ងាចថ្ងៃទី៣០ ឧសភា២០១៨ ។ ហេតុការណ៍នេះកើតឡើងនៅក្នុងភូមិស៊ីលៀម ឃុំគោកមន ស្រុកបន្ទាយអម្ពឹល…
ខេត្តឧត្តរមានជ័យ ៖ ម្ចាស់ផ្ទះទាំង២នាក់ប្តីប្រពន្ធត្រូវសមត្ថកិច្ចស្រុកបន្ទាយអម្ពឹលឃាត់ខ្លួន ខណៈបើកលេងល្បែងស៊ីសងដោយខុសច្បាប់នៅនឹងផ្ទះរបស់ខ្លួន កាលពីវេលា៥និង៥០នាទីល្ងាចថ្ងៃទី៣០ ឧសភា២០១៨ ។ ហេតុការណ៍នេះកើតឡើងនៅក្នុងភូមិស៊ីលៀម ឃុំគោកមន ស្រុកបន្ទាយអម្ពឹល ខេត្តឧត្តរមានជ័យ ។
ម្ចាស់ផ្ទះទាំង២នាក់ប្តីប្រពន្ធដែលសមត្ថកិច្ចឃាត់ខ្លួន ប្តីឈ្មោះឈឺន ឆៃ អាយុ៣៨ឆ្នាំ និងប្រពន្ធឈ្មោះពាន ពេក អាយុ៣៧ឆ្នាំ មុខរបរធ្វើស្រែចំការ រស់នៅក្នុងភូមិឃុំកើតហេតុខាងលើ។
ប្រជាពលរដ្ឋនៅក្នុងស្រុកបន្ទាយអម្ពឹលបាននិយាយដឹងថា ពួកគាត់មិនសប្បាយចិត្តឡើយ ពេលដែលកើតមានល្បែងស៊ីសងគ្រប់ប្រភេទនៅក្នុងមូលដ្ឋាន ហើយធ្វើឱ្យបាត់បង់ការអភិវឌ្ឍន៍ក្នុងគ្រួសារនីមួយៗ កើតមានជម្លោះរវាងប្តីប្រពន្ធ ជាពិសេសអាចកើតមានចោរកម្ម ឆក់ ប្លន់ បង្កឱ្យមានផលប៉ះពាលដល់សន្តិសុខ និងសុវត្ថិភាពរបស់ពលរដ្ឋក្នុងមូលដ្ឋាន។
ទាក់ទិននឹងការបង្ក្រាបកន្លែងលេងល្បែងស៊ីសងដោយខុសច្បាប់នេះ ប៉ូលិសស្រុកបន្ទាយអម្ពឹលកន្លងមកតែងតែយកចិត្តដាក់បំផុតក្នុងការបង្ក្រាប ដោយយោងទៅតាមបទបញ្ជាពីស្នងការដ្ឋាននគបាលខេត្តឧត្តរមានជ័យ និងសំណូមពររបស់ពលរដ្ឋនៅក្នុងមូលរដ្ឋានផងដែលបានសហការជាមួយសមត្ថកិច្ច នៅទីណាកើតមានល្បែងស៊ីសង ពួកគាត់ជាប្រជាពលរដ្ឋតែងមករាយការណ៍ ។
ជាក់ស្តែង ដូចករណីខាងលើ សមត្ថកិច្ចឃាត់ខ្លួនប្តីប្រពន្ធដែលបើកលេងល្បែងស៊ីសងខុសច្បាប់ រួចសមត្ថកិច្ចនាំខ្លួនមកអធិការស្រុកដើម្បីធ្វើការអប់រំ និងធ្វើកិច្ចសន្យាមិនឱ្យបើកលេងបន្តទៀត រួចឱ្យវិលត្រឡប់ទៅផ្ទះវិញផងដែរ៕
ចែករំលែកព័តមាននេះ