រាជធានីភ្នំពេញ ៖ នាយចឺមដែលក្លាយជាតារាលេចធ្លោប្រចាំផលិតកម្មសាន់ដេ មានក្តីសប្បាយរីករាយដែលផលិតកម្មនេះផ្តល់តម្លៃសម្រាប់នាយ ។ ជំហានលូតចេញពីអ្នកកំប្លែងទៅជាអ្នកចម្រៀង នាយចឺម មិនចង់ចេញទៅផលិតកម្មណាក្រៅពីសាន់ដេទេ ។ នាយចឺម…
រាជធានីភ្នំពេញ ៖ នាយចឺមដែលក្លាយជាតារាលេចធ្លោប្រចាំផលិតកម្មសាន់ដេ មានក្តីសប្បាយរីករាយដែលផលិតកម្មនេះផ្តល់តម្លៃសម្រាប់នាយ ។ ជំហានលូតចេញពីអ្នកកំប្លែងទៅជាអ្នកចម្រៀង នាយចឺម មិនចង់ចេញទៅផលិតកម្មណាក្រៅពីសាន់ដេទេ ។
នាយចឺម បានរៀបរាប់ក្នុងជំនួបជាមួយភ្នាក់ងារកោះសន្តិភាពកាលពីពេល ថ្មីៗកន្លងមកថា បន្ទាប់ពីបានក្លាយជាអ្នកចម្រៀងមក លោកព្យាយាមហាត់រៀនជាបន្តទៀតដើម្បីឱ្យមានការរីកចម្រើនឡើង ។ មានតែការប្រឹងហាត់ទាំងច្រៀងទាំងការហាត់រាំ ព្រោះតារាចម្រៀងឥឡូវទាល់តែមានក្បាច់រាំក្រុមរាំ ប្លែកៗទើបមានការចាប់អារម្មណ៍ បែបនេះហើយទើបលោកខំដុសខាត់ខ្លួន។ តាំងពីក្លាយជាតារាចមៀងប្រចាំផលិតកម្មសាន់ដេមក ប្រជាប្រិយភាពឡើងជាងមុន ដោយសារតែបទចម្រៀងពេញនិយមច្រើន ជាពិសេសអ្នកតាមខេត្តគឺស្រឡាញ់ពេញចិត្តច្រើន ។
មូលហេតុបែបនេះទើបលោកគ្មានគំនិតចាកចេញទៅផលិតកម្មណាក្រៅពីទ្រនំសាន់ដេ ឡើយនៅទាល់តែដុះស្លែឱ្យតែថ្នាក់លើពេញចិត្ត។ កិច្ចការសិល្បៈចម្រៀងរវល់ណាស់រកពេលសម្រាកគ្មានទេ ណាមួយត្រូវហាត់បទ ថ្មីៗចូលផលិតកម្មដើម្បីបំពេអារម្មណ៍មិត្តអ្នកស្តាប់ដូចជាឆ្លើយតបការគាំទ្រ ។
តារាចម្រៀងលោកសុខ មេសា ហៅ នាយចឺម បានប្រាប់ដល់អ្នកសារព័ត៌មាន ក្នុងពេលចូលរួមប្រគំតន្ត្រី «Carabao Spark Concert TV5» កាលពីថ្ងៃអាទិត្យទី២៧ ខែឧសភា ឆ្នាំ ២០១៨ ឱ្យដឹងថា លោកមិនមានគម្រោងដើរ ចេញពីផលិតកម្មសាន់ដេនោះទេ បើទោះជា ផលិតកម្មមួយនេះមានមនុស្សកាន់តែច្រើន បាន លើកឡើងថា មិនសូវមានសកម្មភាពក្ដី ។ ទោះបីជាផលិតកម្មសាន់ដេមិនសូវផលិតបទចម្រៀង ឱ្យតារាចម្រៀងណាម្នាក់ដូចការលេចឮ ប៉ុន្តែ សម្រាប់រូបលោក គឺនៅតែមានដោយក្រោយ ឱកាសបុណ្យចូលឆ្នាំខ្មែរ ផលិតកម្មមាន គម្រោងចេញបទឱ្យលោកចំនួន៦ទៅ៧បទ នៅមុនដំណាច់ឆ្នាំ២០១៨នេះ ។ វត្តមានរបស់លោកនៅលើឆាក Caraboa Spark Concert លើកទី២នេះលោកបាននិយាយថា «សម្រាប់អ្នកណាយល់យ៉ាងម៉េចខ្ញុំអត់ខ្វល់ តែ សម្រាប់ខ្ញុំនៅសាន់ដេ គឺគ្រប់គ្រាន់ដោយសារ សាន់ដេផ្ដល់ភាពកក់ក្ដៅឱ្យរហូត » ។
នាយចឺមបញ្ជាក់ថា ជាក់ស្ដែងផលិតកម្មសាន់ដេបានបញ្ចេញមួយបទក្រោម ចំណងជើងថា «ចង់ក្លាយជាអ្នកចម្រៀង» ដែលបទចម្រៀងនេះ គឺជាការបើកឆាកបន្ទាប់ពីលោកបានល្បីនូវបទ «ហាមលេងជេរម៉ែ» ហើយមានការគាំទ្រខ្លាំង ។ លោកនៅជាប់កិច្ចសន្យាជាមួយសាន់ដេចំនួន៣ឆ្នាំ មកទល់នឹង ក្លាយជាតារាចម្រៀងពេញសិទ្ធិ ប៉ុន្តែបើទោះជា គ្មានកិច្ចសន្យក៏លោកមិនចោលសាន់ដេនោះដែរ គឺមិនខ្វល់ពីការឆ្លេឆ្លាហក់ចូលផលិតកម្ម ណាមួយជាដាច់ខាត ។
អំឡុងពេលចូលឆ្នាំខ្មែរឆ្នាំ២០១៨ នាយចឺម ទទួលការគាំទ្រខ្លាំងដែលផលិតកម្មសាន់ដេ បាន ផលិតបទញាក់ជាច្រើនឱ្យលោកច្រៀង ជាពិសេសបទ «ហាមលេងជេរម៉ែ» ។ ប៉ុន្តែបទ កម្សត់ៗជាច្រើនផ្សេងទៀតរបស់តារាចម្រៀង នេះក៏ទទួលការគាំទ្រដែរដូចជាបទ «ខានជួបគ្នា យូរអូនមានកូនបាត់» «អារហាម» «ក្បត់បង ទៅបងសុំអង្វរ» «នរក១៨ជាន់» «រាត្រីឯកា» «មនុស្សមានសង្សារច្រើនមិនមែនសុទ្ធសាវ៉ា» «លួចស្រឡាញ់សុខ ពិសី» «នឹកអូនឡើង សរសៃប្រសាទ » «យំដាក់ធុងបាស់» និងបទ «ពុកអើយម៉ែអើយនាងរៀបការចោលខ្ញុំហើយ» ជាដើម ៕
ចែករំលែកព័តមាននេះ