ខេត្តបន្ទាយមានជ័យ ៖ ជនសង្ស័យដែលបោកស្រីស្អាតនាំនាងឡើងផ្ទះសំណាក់យកអស់ទាំងប្រាក់ និងខ្លួនប្រាណ រួចគេចបាត់បង្កការភ្ញាក់ផ្អើលទាំងព្រឹកព្រលឹម កាលពីថ្ងៃទី២៨ ឧសភា នៅក្រុងប៉ោយប៉ែតពេលនេះស្គាល់មុខមាត់ពិតហើយ ។ ជនសង្ស័យមិនត្រូវបានស្គាល់អត្តសញ្ញាណពិតប្រកដនៅឡើយទេ…
ខេត្តបន្ទាយមានជ័យ ៖ ជនសង្ស័យដែលបោកស្រីស្អាតនាំនាងឡើងផ្ទះសំណាក់យកអស់ទាំងប្រាក់ និងខ្លួនប្រាណ រួចគេចបាត់បង្កការភ្ញាក់ផ្អើលទាំងព្រឹកព្រលឹម កាលពីថ្ងៃទី២៨ ឧសភា នៅក្រុងប៉ោយប៉ែតពេលនេះស្គាល់មុខមាត់ពិតហើយ ។
ជនសង្ស័យមិនត្រូវបានស្គាល់អត្តសញ្ញាណពិតប្រកដនៅឡើយទេ ប៉ុន្តែបើយោងតាមស្ត្រីរងគ្រោះឈ្មោះឡត មុំ អាយុ៣៧ឆ្នាំ មានទីលំនៅភូមិលាបទង ក្នុងឃុំទ្រា ស្រុកស្ទោង ខេត្តកំពង់ធំប្រាប់ថា នាងមានទំនាក់ទំនងស្នេហ៍ជាមួយម្ចាស់ហ្វេសប៊ុកមួយជាខ្មែរ តែគេតាំងជាអក្សថៃ គឺឈ្មោះ វ៉ាន់ រយៈពេលជិត១ខែ ។
ស្ត្រីខាងលើបន្តថា ក្រោយស្គាល់គ្នាតាមហ្វេប៊ុកជនសង្ស័យបានលួងលោមនាងសុំស្នេហ៍ ហើយបបួលនាងធ្វើលិខិតឆ្លងដែនទៅធ្វើការនៅប្រទេសថៃ ដោយគេឲ្យនាងរកប្រាក់ត្រឹម១ម៉ឺនបាតប្រាក់ថៃ ខ្វះប៉ុន្មានគេ និងជួយ ។ ស្ត្រីខាងលើក្រោយពីមកដល់ក្រុងប៉ោយប៉ែតត្រូវបានប្រុសព្រាននាំឡើងផ្ទះសំណាក់ ហើយបុរសនោះព្យាយាមបោកយកប្រាក់ពីនាងអស់សរុប៤លានរៀល រួចគេចខ្លួនទៅបាត់នៅព្រឹកថ្ងៃទី២៨ ឧសភា ។
ជនសង្ស័យក្រោយបោកយកខ្លួនប្រាណ និងប្រាក់របស់ជនរងគ្រោះដំបូងនាងចុចទូរស័ព្ទទាក់ទងបាន គឺគេឲ្យនាងរង់ចាំនៅបរិវេណវត្តបាលិលេយ្យ ដឹងអីជននោះគេចបាត់ ហើយថែមទាំងបិទទូរស័ព្ទ និងបិទហ្វេសប៊ុកទៀត ។ ថ្ងៃកើតហេតុគេឃើញនគរបាលប៉ុស្តិរដ្ឋបាលសង្កាត់ប៉ោយប៉ែតបានដឹកជនរងគ្រោះទៅផ្ទះសំណាក់ស្ទឹងមាស ជាប់ផ្លូវជាតិលេខ៥ ក្នុងភូមិក្បាលស្ពាន១ សង្កាត់ប៉ោយប៉ែត ដើម្បីឆែកមើលកាមេរ៉ាសុវត្ថិភាពរកមុខជនសង្ស័យ ។
ទីបំផុតជនរងគ្រោះនៅតែរងគ្រោះដដែល ព្រោះកាមេរ៉ាសុវត្ថិភាពផ្ទះសំណាក់នោះមើលមិនច្បាស់រូបភាព ។ បើទោះជាជនសង្ស័យបានរៀបគម្រោងជាមុនដោយយកទូរស័ព្ទជនរងគ្រោះលុបរូបផ្សេងៗដែលពាក់ព័ន្ធ និងទូរស័ព្ទរបស់ខ្លួនគេផ្ទាល់ បានបិទ ប៉ុន្តែពេលនេះរូបភាព២សន្លឹករបស់ជនសង្ស័យត្រូវបានស្ត្រីរងគ្រោះរកឃើញ ខណៈថ្ងៃមុននាងបានបញ្ជូនទៅឲ្យក្មួយស្រីតាមឆាតហ្វេសប៊ុក ។
ជនរងគ្រោះប្រាប់តាមទូរស័ព្ទថា នាងបានទៅដាក់ពាក្យបណ្តឹងឲ្យសមត្ថកិច្ចជួយស្រាវស្រាវរកជនសង្ស័យរួចហើយ កាលពីថ្ងៃទី២០ ខែឧសភា នៅប៉ុស្តិ៍រដ្ឋបាលនគរបាលសង្កាត់ប៉ោយប៉ែត ។
នាយប៉ុស្តិ៍រដ្ឋបាលនគរបាលសង្កាត់ប៉ោយប៉ែតលោកអ៊ឹមសុភារៈប្រាប់តាមទូរស័ព្ទថា ស្ត្រីរងគ្រោះបានទៅដាក់ពាក្យបណ្តឹងទាមទាររកយុត្តិធម៌នៅប៉ុស្តិ៍រដ្ឋបាល លោកពិតប្រាកដមែន កាលពីព្រឹកថ្ងៃទី២៩ ឧសភា ហើយលោកថា ពេលនេះសមត្ថកិច្ចកំពុងតាមស្រាវស្រាវរកជនសង្ស័យផងដែរ ៕
ចែករំលែកព័តមាននេះ