ខេត្តសៀមរាប៖ រយៈពេលមួយថ្ងៃ ក្នុងសង្កាត់គោកចក ត្រូវបានសមត្ថកិច្ចជំនាញខេត្តចុះប្រតិបត្តិសហការ ជាមួយសមត្ថកិច្ចមូលដ្ឋានបង្ក្រាបករណីគ្រឿងញៀន ឃាត់ខ្លួនជនសង្ស័យ ប្រុស ស្រីចំនួន៩នាក់ជាបន្តបន្ទាប់ បញ្ជូនទៅកាន់ការិយាល័យគ្រឿងញៀនសួរនាំ ដើម្បីចាត់ការបញ្ជូនបន្តទៅតុលាការ។…
ខេត្តសៀមរាប៖ រយៈពេលមួយថ្ងៃ ក្នុងសង្កាត់គោកចក ត្រូវបានសមត្ថកិច្ចជំនាញខេត្តចុះប្រតិបត្តិសហការ ជាមួយសមត្ថកិច្ចមូលដ្ឋានបង្ក្រាបករណីគ្រឿងញៀន ឃាត់ខ្លួនជនសង្ស័យ ប្រុស ស្រីចំនួន៩នាក់ជាបន្តបន្ទាប់ បញ្ជូនទៅកាន់ការិយាល័យគ្រឿងញៀនសួរនាំ ដើម្បីចាត់ការបញ្ជូនបន្តទៅតុលាការ។
ហេតុការណ៍ចុះបង្ក្រាបករណីគ្រឿងញៀន និងឃាត់ខ្លួនជនសង្ស័យជាបន្តបន្ទាប់នោះធ្វើឡើងកាលពីថ្ងៃទី២៨ ខែឧសភា ឆ្នាំ២០១៨ នៅទីតាំងលំនៅដ្ឋានមួយកន្លែង ស្ថិតនៅក្នុងសង្កាត់គោកចក ក្រុងសៀមរាប ខេត្តសៀមរាប។
តាមប្រភពពីសមត្ថកិច្ចជំនាញបានឱ្យដឹងថា បន្ទាប់ពីកម្លាំងជំនាញបានឃាត់ខ្លួនប្រុស ស្រី ចំនួន៩នាក់ ក្នុងនោះដកហូតបានវត្ថុតាងរួមមាន ម្សៅមេតំហ្វេតាមីន ប្រភេទទឹកកកចំនួន៧កញ្ចប់ស្មើនឹងទំងន់៦,៦ក្រាម
(ទាំងសំបក) ជញ្ជីងថ្លឹងថ្នាំញៀន១គ្រឿង ឧបករណ៍ប្រើប្រាស់ និងសំភារៈវេចខ្ចប់ថ្នាំញៀនមួយចំនួន និងទូរស័ព្ទដៃចំនួន៤គ្រឿង។
បច្ចុប្បន្ន ជនសង្ស័យប្រុសស្រីទាំង៩នាក់ រួមនឹងវត្ថុតាង ត្រូវបានកម្លាំងជំនាញរៀបចំកសាងសំណុំរឿង
បញ្ជូនទៅសាលាដំបូងខេត្ត ដើម្បីចាត់ការតាមផ្លូវច្បាប់៕
ចែករំលែកព័តមាននេះ