ប្រទេសអ៊ីស្រាអែល ៖ កងទ័ពអ៊ីស្រាអែល បានប្រកាសនាព្រឹកថ្ងៃទី២៩ ឧសភានេះថា ពួកគេបានស្ទាក់វាយកម្ទេចគ្រាប់រ៉ុក្កែត២០គ្រាប់ ដែលបានបាញ់ចេញមកពីជ្រោយហ្គាហ្សា។ គ្រាប់រ៉ុក្កែតទាំងនេះ បានស្ទាក់កម្ទេចដោយប្រព័ន្ធការពារ DOME DE FER របស់អ៊ីស្រាអែល។
ក្នុងសេចក្ដីប្រកាសមួយ កងទ័ពអ៊ីស្រាអែល និយាយថា គ្រាប់ផ្លោង២៥គ្រាប់បាញ់សំដៅទីតាំងជាច្រើនក្នុងដែនដីអ៊ីស្រាអែល។ គ្រាប់ទាំងនេះភាគច្រើនត្រូវស្ទាក់កម្ទេច ដោយប្រព័ន្ធការពារអាកាស DOME DE FER។
ភាពតានតឹងមានខ្លាំងបំផុតនៅតាមព្រំដែនជ្រោយហ្គាហ្សាជាមួយអ៊ីស្រាអែល ហើយកាលពីថ្ងៃទី២៨ ឧសភា រថក្រោះអ៊ីស្រាអែលបានសម្លាប់យុទ្ធជនក្រុមហាម៉ាស់ម្នាក់ នៅប៉ុស្តិ៍ព្រំដែនមួយ ចំណែកកងទាហានអ៊ីស្រាអែលបានដេញតាម និងចាប់ខ្លួនយុទ្ធជនប៉ាឡេស្ទីន២នាក់ ដែលប៉ុនប៉ងចូលក្នុងដែនដីអ៊ីស្រាអែល។
ជនប៉ាឡេស្ទីនយ៉ាងតិច១១៦នាក់ស្លាប់ ហើយច្រើនពាន់នាក់ទៀតរងរបួស ដោយសារការបាញ់គ្រាប់ពិតលើពួកបាតុករ ក្រោយការផ្ទេរស្ថានទូតអាមេរិកពីទីក្រុងតែលអាវីវ មកកាន់ទីក្រុងហ្សេរុយសាឡឹម៕
ចែករំលែកព័តមាននេះ