អាមេរិកអាចលែងលក់យន្តហោះគ្មានមនុស្សបើក និងសម្ភារយោធាឯទៀត
ប្រទេសឥណ្ឌា ៖ សមាជិកសភាអាមេរិកមួយរូបលោក WILLIAM MCCLELLAN THORNBERRY ថ្លែងកាលពីថ្ងៃទី២៨ ឧសភា ប្រាប់ទូរទស្សន៍ឥណ្ឌា NDTV…
ប្រទេសឥណ្ឌា ៖ សមាជិកសភាអាមេរិកមួយរូបលោក WILLIAM MCCLELLAN THORNBERRY ថ្លែងកាលពីថ្ងៃទី២៨ ឧសភា ប្រាប់ទូរទស្សន៍ឥណ្ឌា NDTV ថា ការទិញមីស៊ីលការពារអាកាស S-400 TRIUMPH រុស្ស៊ីដោយប្រទេសឥណ្ឌា អាចមានផលវិបាកជាអវិជ្ជមាននានា ដល់កិច្ចសហប្រតិបត្តិការយោធារបស់ខ្លួន ជាមួយសហរដ្ឋអាមេរិក។
យោងតាមទូរទស្សន៍ NDTV ថា ការពោលបែបនោះ អាចមានន័យថា សហរដ្ឋអាមេរិកនឹងអាចបដិសេធលែងផ្ដល់ឲ្យឥណ្ឌាបណ្ដាអាវុធទំនើបៗ ពិសេសបណ្ដាយន្តហោះគ្មានមនុស្សបើកប្រយុទ្ធ។ ក្រុងញូវដែល្លី កាលពីមុននេះធ្លាប់ស្នើដល់ក្រុងវ៉ាស៊ីនតោន ឲ្យផ្ដល់ដល់ខ្លួន នូវយន្តហោះគ្មានមនុស្សបើកស៊ើបការណ៍ និងប្រយុទ្ធធុន PREDATOR C AVENGER រវាងពី៨០ទៅ១០០គ្រឿងដែលមានទឹកប្រាក់ដល់ទៅ៨ពាន់លានដុល្លារ។
លោក THORNBERRY យល់ថា ម្យ៉ាងទៀតក្រុងវ៉ាស៊ិនតោនអាចប្រកាន់យកការដាក់ទណ្ឌកម្មប្រឆាំងក្រុងញូវដែល្លី ដោយសារកិច្ចសហប្រតិបត្តិការរបស់ខ្លួនជាមួយក្រុងមូស្គូ ក្នុងវិស័យយោធា។ លោកបន្តថា ការទិញមីស៊ីល S-400 អាចធ្វើឲ្យប៉ះពាល់ដល់កិច្ចសហប្រតិបត្តិការរបស់យើង នាពេលអនាគត។
ឥណ្ឌាជាប្រទេសមួយក្នុងចំណោមបណ្ដាប្រទេសនាំចូលអាវុធច្រើនទាំងឡាយនៃពិភពលោក។ ឥណ្ឌាទិញគ្រឿងសពា្វវុធ ព្រមទាំងសម្ភារយោធាពីប្រទេសជាច្រើន ពិសេសរុស្ស៊ី អាមេរិក អ៊ីស្រាអែល និងបារាំង៕
ចែករំលែកព័តមាននេះ