សមាគមជំងឺបេះដូងអាមេរិកនិយាយថា ធ្មេញរបស់មនុស្សយើងប្រហែលជាសញ្ញាដ៏ល្អមួយសម្រាប់សុខភាពបេះដូង ។ តាមការសិក្សាថ្មីមួយដែលផ្តោតសំខាន់ទៅលើការបាក់ធ្មេញក្នុងរយៈពេលពាក់កណ្តាលជីវិតបានរកឃើញថា អ្នកដែលបាក់ធ្មេញចំនួនពីរឡើងទៅក្នុងរយៈពេលសិក្សានេះ គឺមានការប្រឈមនឹងជំងឺបេះដូងសរសៃឈាម ២៣ភាគរយ ។ ការប្រឈមខ្ពស់នេះក៏កើតឡើងដោយមិនគិតអំពីកត្តាប្រឈមនឹងជំងឺបេះដូង ផ្សេងៗទៀតដែរដូចជា…
សមាគមជំងឺបេះដូងអាមេរិកនិយាយថា ធ្មេញរបស់មនុស្សយើងប្រហែលជាសញ្ញាដ៏ល្អមួយសម្រាប់សុខភាពបេះដូង ។ តាមការសិក្សាថ្មីមួយដែលផ្តោតសំខាន់ទៅលើការបាក់ធ្មេញក្នុងរយៈពេលពាក់កណ្តាលជីវិតបានរកឃើញថា អ្នកដែលបាក់ធ្មេញចំនួនពីរឡើងទៅក្នុងរយៈពេលសិក្សានេះ គឺមានការប្រឈមនឹងជំងឺបេះដូងសរសៃឈាម ២៣ភាគរយ ។
ការប្រឈមខ្ពស់នេះក៏កើតឡើងដោយមិនគិតអំពីកត្តាប្រឈមនឹងជំងឺបេះដូង ផ្សេងៗទៀតដែរដូចជា ការលើសសម្ពាធឈាម លើសជាតិខ្លាញ់ក្នុងឈាម ឬជំងឺទឹកនោមផ្អែម។ អ្នកស្រាវជ្រាវម្នាក់និយាយថា ហេតុផលមួយចំនួនសម្រាប់ការប្រឈមកាន់តែខ្ពស់នេះប្រហែលជារួមមាន ការរលាក ការញ៉ាំអាហារ ឬការផ្លាស់ប្តូរសមាសធាតុបាក់តេរីក្នុងមាត់ ឬប្រព័ន្ធក្រពះពោះវៀន ។ ការសិក្សានេះត្រូវបានធញវើឡើងដោយ Tulane School of Public Health and Tropical Medicine and Harvard University’s T.H. Chan School of Public Health. វេជ្ជបណ្ឌិត Ann Bolger សាស្ត្រាចារ្យខាងជំងឺទូទៅនៅឯសាកលវិទ្យាល័យ California ក្នុងទីក្រុង San Francisco ដែលលោកមិនបានចូលរួមក្នុងការសិក្សានេះទេ តែលោកបាននិយាយថា មាត់របស់មនុស្សយើងអាចជាកន្លែងផ្តល់ព័ត៌មានព្រមានយ៉ាងល្អមួយ ។ អ្នកដែលមានជំងឺរលាកជុំវិញធ្មេញ ច្រើនតែមានការប្រឈមមុខដែលមិនមែនកើតឡើងលើមាត់តែមួយមុខទេ តែក៏កើតឡើងលើបេះដូង និងសរសៃឈាមផងដែរ ៕
ស្រង់ពីគេហទំព័រសុខភាព
ចែករំលែកព័តមាននេះ