ក្រួសក្នុងថង់ទឹកប្រមាត់គឺជាបញ្ហាឈឺចាប់ទូទៅមួយដែលបណ្តាលមកពីការប្រមូលផ្តុំកូឡេស្តេរ៉ុលដែលកកើតទៅជាក្រួសនៅក្នុងប្លោកនោម (ថង់ទឹកប្រមាត់)។ នេះជាស្ថានភាពដែលតែងជួបប្រទះលើមនុស្សវ័យចំណាស់ និងអ្នកមានបញ្ហាទាក់ទងនឹងទម្ងន់ ឬក្រពះពោះវៀន។ យ៉ាងណាមិញ ការសិក្សាបានបង្ហាញថា គ្រាប់ស្វាយចន្ទី អាចជាផ្នែកមួយនៃរបបអាហារដែលជួយកាត់បន្ថយហានិភ័យនៃការវិវត្តនៃក្រួសនេះ។
យោងតាមការផ្សាយរបស់សារព័ត៌មានបរទេស និងការស្រាវជ្រាវបែបក្រុម បានបង្ហាញថា៖
កាត់បន្ថយហានិភ័យ៖ ការទទួលទានគ្រាប់ស្វាយចន្ទី ឬគ្រាប់ធញ្ញជាតិផ្សេងទៀតជាប្រចាំ ត្រូវបានផ្សារភ្ជាប់ជាមួយនឹង ការថយចុះហានិភ័យ នៃការកកើតក្រួសក្នុងថង់ទឹកប្រមាត់។ ការសិក្សាមួយលើបុរសបានបង្ហាញថា អ្នកដែលទទួលទានគ្រាប់ធញ្ញជាតិ ៥ ដង ឬច្រើនជាងនេះក្នុងមួយសប្តាហ៍ មានហានិភ័យទាបជាងអ្នកដែលមិនសូវញ៉ាំ ឬមិនដែលញ៉ាំ។
យន្តការការពារ៖ គ្រាប់ស្វាយចន្ទីមានផ្ទុកនូវសមាសធាតុដែលមានប្រយោជន៍ដូចជា ជាតិខ្លាញ់មិនឆ្អែត ជាតិសរសៃ និងសារធាតុរ៉ែ ដែលអាចជួយ កាត់បន្ថយកម្រិតកូឡេស្តេរ៉ុលអាក្រក់ (LDL)។ កូឡេស្តេរ៉ុល LDL គឺជាកត្តាចម្បងដែលនាំឱ្យមានការកកើតក្រួសក្នុងថង់ទឹកប្រមាត់។
តាមរយៈការរួមបញ្ចូលគ្រាប់ស្វាយចន្ទីទៅក្នុងរបបអាហារដែលមានតុល្យភាព អាចជួយរក្សាដំណើរការល្អរបស់ប្រមាត់ និងកាត់បន្ថយឱកាសនៃការបង្កើតក្រួស៕
ចែករំលែកព័តមាននេះ