រាជធានីភ្នំពេញ ៖ បុរសម្នាក់រួមនឹងស្ត្រី៣នាក់ទៀតជាជនជាតិចិនកំពុងតែដើរសំដៅទៅសណ្ឋាគារ ត្រូវជនសង្ស័យ២នាក់ជិះម៉ូតូ២គ្រឿងធ្វើសកម្មភាពឆក់កាបូបបានសម្រេច អស់ទូរស័ព្ទដៃ១គ្រឿងម៉ាក iPhone 6 និងលុយជាង១០០ដុល្លារ ។ ហេតុការណ៍នេះបានកើតឡើងកាលពីវេលាម៉ោង៩និង១០នាទីយប់ថ្ងៃទី២៨…
រាជធានីភ្នំពេញ ៖ បុរសម្នាក់រួមនឹងស្ត្រី៣នាក់ទៀតជាជនជាតិចិនកំពុងតែដើរសំដៅទៅសណ្ឋាគារ ត្រូវជនសង្ស័យ២នាក់ជិះម៉ូតូ២គ្រឿងធ្វើសកម្មភាពឆក់កាបូបបានសម្រេច អស់ទូរស័ព្ទដៃ១គ្រឿងម៉ាក iPhone 6 និងលុយជាង១០០ដុល្លារ ។ ហេតុការណ៍នេះបានកើតឡើងកាលពីវេលាម៉ោង៩និង១០នាទីយប់ថ្ងៃទី២៨ ខែឧសភា ឆ្នាំ២០១៨ តាមបណ្តោយផ្លូវ១២២៨កែងផ្លូវ៦៧ នៅចំណុចម្តុំផ្សារថ្មី សង្កាត់ផ្សារថ្មី១ ខណ្ឌដូនពេញ ។ 
សាក្សីដែលឃើញហេតុការណ៍បានអោយដឹងថា មុនពេលកើតហេតុ គេបានឃើញជនជាតិចិន៤នាក់ ក្នុងនោះមានស្រី៣នាក់ និងបុរសម្នាក់កំពុងតែដើរនៅលើផ្លូវ១២៨ គោលបំណងដើរទៅសណ្ឋាគារ ខណៈពេលគាត់ដើរមកដល់ចំណុចកើតហេតុខាងលើ ក៏ស្រាប់តែលេចមុខជនសង្ស័យ២នាក់ជិះម៉ូតូ២គ្រឿង មួយគ្រឿងម៉ាកហុងដាឌ្រីម ពណ៌ខ្មៅ ស៊េរីឆ្នាំ២០១៨ អត់មានស្លាកលេខ និងមួយគ្រឿងទៀតម៉ាក SL មិនចាំពណ៌ មិនចាំស្លាកលេខ ។ ដោយម៉ូតូមួយគ្រឿងម៉ាកហុងដាឌ្រីមបានជិះទៅជិតជនជាតិចិនទាំងនោះ រួចក៏ធ្វើសកម្មភាពឆក់កាបូបស្ត្រីជនជាតិចិនបានសម្រេច ហើយជិះម៉ូតូរត់គេចខ្លួន ភ្លាមនោះត្រូវបានអ្នកឃើញហេតុការណ៍ជិះដេញតាមពីក្រោយដែរ ប៉ុន្តែដោយសារជនសង្ស័យបើកលឿនពេកតាមអត់ទាន់ ។
នៅក្នុងកាបូបរបស់ស្ត្រីជនជាតិចិនដែលជនសង្ស័យឆក់យកទៅបាត់នោះមានលុយ១០០ដុល្លារ និងទូរស័ព្ទដៃ ម៉ាកiPhone 6មួយគ្រឿង ។
ក្រោយពេលកើតហេតុ ជនរងគ្រោះជាជនជាតិបានទៅដាក់ពាក្យបណ្តឹងនៅប៉ុស្តិ៍នគរបាលរដ្ឋបាលផ្សារថ្មី២ដើម្បីអោយសមត្ថកិច្ចតាមចាប់ជនសង្ស័យមកផ្តន្ទាទោសតាមផ្លូវច្បាប់ ៕
ចែករំលែកព័តមាននេះ