ខេត្តបាត់ដំបង៖ បុរសម្នាក់សមត្ថកិច្ចឃាត់ខ្លួន កាលពីវេលាម៉ោង១០នាទីយប់ថ្ងៃទី២៧ ឧសភា ស្ថិតនៅភូមិទូលស្នូល ឃុំឃ្លាំងមាស ស្រុកបវេល ពាក់ព័ន្ធក្នុងករណីរំលោភសេពសន្ថវ: ។ លោកសុខ…
ខេត្តបាត់ដំបង៖ បុរសម្នាក់សមត្ថកិច្ចឃាត់ខ្លួន កាលពីវេលាម៉ោង១០នាទីយប់ថ្ងៃទី២៧ ឧសភា ស្ថិតនៅភូមិទូលស្នូល ឃុំឃ្លាំងមាស ស្រុកបវេល ពាក់ព័ន្ធក្នុងករណីរំលោភសេពសន្ថវ: ។ លោកសុខ សារិន អធិការស្រុកបវេលបានឲ្យដឹងថា ជនសង្ស័យឈ្មោះស៊ិន សាន អាយុ៣២ឆ្នាំ រីឯនារីរងគ្រោះ អាយុ១៦ឆ្នាំ រស់នៅក្នុងភូមិ-ឃុំជាមួយគ្នា ។
លោកអធិការបានបញ្ជាក់ថា ជនសង្ស័យរូបនេះត្រូវបានឃាត់ខ្លួន បន្ទាប់ពីម្តាយជនរងគ្រោះដាក់ពាក្យប្តឹងចោទប្រកាន់ជននេះថា បានល្បួងកូនស្រីគាត់យកទៅបង្ខំរួមភេទបានសម្រេចរហូត៣លើក ជាមួយនឹងការគំរាមសម្លាប់ ។ លោកបន្តថា បើតាមការបំភ្លឺ គឺជនសង្ស័យចាប់រំលោភនាងបាន៣លើក និងលើកចុងក្រោយ នៅថ្ងៃទី២៣ ឧសភា នៅឯវាលស្រែខាងក្រោយភូមិ លុះបែកធ្លាយដល់ម្ដាយនាងក៏ប្ដឹងតែម្ដង។
បើតាមម្ដាយនារីរងគ្រោះប្រាប់សមត្ថកិច្ចទៀតថា ប៉ុន្មានថ្ងៃចុងក្រោយនេះ គាត់ហាក់ឃើញកូនស្រីមានសភាពចម្លែក ហើយគាត់ក៏បានសួរនាំទើបបែកធ្លាយរឿងអាស្រូវនេះតែម្ដង។ គាត់និយាយថា បើតាមកូនស្រីនិយាយប្រាប់គាត់ គឺឈ្មោះសាន នេះបានល្បួងនាងឲ្យទៅវាលស្រែ ហើយចាប់រំលោភបាន៣លើកជាបន្តបន្ទាប់ គឺលើកចុងក្រោយនៅថ្ងៃទី២៣ឧសភា នៅវាលស្រែ។ ក្រោយពីធ្លាយរឿងនេះទើបគាត់ទៅប្ដឹងសមត្ថកិច្ចតែម្ដងទៅ។
តាមការស្រង់សំដីនារីរងគ្រោះបាននិយាយដែរថា នាងបានស្គាល់គ្នាជាមួយឈ្មោះសាន នេះ តែមិនមានទំនាក់ទំនងស្នេហាអ្វីជាមួយគ្នាទេ។ ឈ្មោះសាន បានបបូលនាងទៅស្រែឆ្ងាយពីភូមិ លុះដល់កន្លែងស្ងាត់ ក៏ចាប់បង្ខំរំលោភនាងតែម្ដង។ នាងបានបញ្ជាក់ថា រាល់លើកឈ្មោះសាន តែងគំរាមសម្លាប់នាងទាំងពូជ បើនាងហ៊ានទម្លាយរឿងនេះ តែនៅពេលម្ដាយនាងសួរនាំខ្លួនក៏និយាយប្រាប់ម្ដាយតែម្ដងទៅ។
ផ្ទុយពីការចោទប្រកាន់របស់នារីខាងលើនេះ បើតាមជនសង្ស័យឈ្មោះមិន សាន ដែលបានសារភាពប្រាប់សមត្ថកិច្ចថា ខ្លួនពិតជាបានរួមមេត្រីជាមួយនាងបានចំនួន៣លើកមែន តែមិនបានចាប់បង្ខំនាងទេ។ ជន
នេះ បាននិយាយថា ខ្លួននិងនាងបានស្រលាញ់គ្នា ហើយបានព្រមព្រៀងគ្នារួមមេត្រី ហើយក៏គ្មានការគំរាមសម្លាប់នាងទាំងពូជ ដូចការចោទប្រកាន់របស់នាងនិងម្ដាយនាងដែរ។
លោកសុខ សារិន អធិការស្រុកបវេលក៏បាននិយាយដែរថា បើតាមចម្លើយនៃភាគីទាំង២ គឺមានការផ្ទុយគ្នា តែយ៉ាងណា ដោយយោងតាមពាក្យបណ្ដឹងរបស់ម្ដាយនារីរងគ្រោះ លោកស្នងការខេត្តបានបញ្ជាឱ្យឃាត់ខ្លួនជនសង្ស័យឈ្មោះស៊ិន សាន យកមកសួរនាំដើម្បីកសាងសំណុំរឿងបញ្ជូនទៅតុលាការហើយ ។
ចែករំលែកព័តមាននេះ