ខេត្តសៀមរាប ៖ ប៉ូលិសប្រឆាំងគ្រឿងញៀនខេត្តបានសហការជាមួយប៉ូលិសអធិការក្រុង និងប៉ូលិសមូលដ្ឋានចុះបង្ក្រាបករណីជួញដូរ និងចាត់ចែងប្រើប្រាស់គ្រឿងញៀនខុសច្បាប់ឈានដល់ធ្វើការឃាត់ខ្លួនក្រុមញៀនថ្នាំ៧នាក់ជាបន្តបន្ទាប់ក្នុងថ្ងៃតែ១នៅក្នុងក្រុងសៀមរាប រួចបញ្ជូនមកកាន់ការិយាល័យជំនាញដើម្បីសួរនាំហើយបញ្ជូនបន្តទៅតុលាការខេត្តចាត់ការតាមនីតិវិធីច្បាប់ ។
ហេតុការចុះបង្ក្រាបករណីជួញដូរគ្រឿងញៀននោះធ្វើឡើងនៅថ្ងៃទី២៥ ខែឧសភា ឆ្នាំ២០១៨ ស្ថិតនៅចំណុចក្នុងបន្ទប់ជួលស្ថិតនៅក្នុងភូមិតាវៀន សង្កាត់សាលាកំរើក ក្រុងសៀមរាប និងនៅភូមិអារញ្ញ សង្កាត់សៀមរាប ក្រុងសៀមរាប ។
តាមប្រភពពីកម្លាំងនគរបាលជំនាញខេត្តបានប្រាប់ថា ជនសង្ស័យទាំង៧នាក់នោះក្រោយសមត្ថកិច្ចឃាត់ខ្លួនជនជាបន្តបន្ទាប់ ក្នុងនោះធ្វើការដកហូតវត្ថុតាងរួមមាន ម្សៅមេតំហ្វេតាមីន ប្រភេទទឹកកក ចំនួន៣កញ្ចប់ ស្មើនឹងទំងន់៧ក្រាម(ទំងន់សុទ្ធ),ឧបករណ៍ប្រើប្រាស់, សម្ភារវេចខ្ចប់ថ្នាំញៀនមួយចំនួន និងទូរស័ព្ទដៃចំនួន២គ្រឿង ។ បច្ចុប្បន្នជនសង្ស័យទាំង៧នាក់ និងវត្ថុតាង ត្រូវបានកម្លាំងជំនាញរៀបចំកសាងសំណុំរឿងបញ្ចូនទៅសាលាដំបូងដើម្បីចាត់ការទៅតាមនីតិវិធីច្បាប់ ៕
ចែករំលែកព័តមាននេះ