ជិះម៉ូតូដួលខ្លួនឯងសន្លប់ស្ដូកស្ដឹង ខណៈបើកបរក្នុងស្ថានភាពស្រវឹងជោគ
- កែប
ខេត្តកែប ៖ បុរសម្នាក់បានរងរបួសយ៉ាងធ្ងន់ធ្ងរ សន្លប់ស្តូកស្តឹងនៅកន្លែងកើតហេតុ កាលពីវេលាម៉ោង៣ និង៣៥នាទី រសៀលថ្ងៃសុក្រ ១១កើត ខែជេស្ឋ ឆ្នាំច…
ខេត្តកែប ៖ បុរសម្នាក់បានរងរបួសយ៉ាងធ្ងន់ធ្ងរ សន្លប់ស្តូកស្តឹងនៅកន្លែងកើតហេតុ កាលពីវេលាម៉ោង៣ និង៣៥នាទី រសៀលថ្ងៃសុក្រ ១១កើត ខែជេស្ឋ ឆ្នាំច…
ខេត្តកែប ៖ បុរសម្នាក់បានរងរបួសយ៉ាងធ្ងន់ធ្ងរ សន្លប់ស្តូកស្តឹងនៅកន្លែងកើតហេតុ កាលពីវេលាម៉ោង៣ និង៣៥នាទី រសៀលថ្ងៃសុក្រ ១១កើត ខែជេស្ឋ ឆ្នាំច សំរឹតស័ក ព.ស២៥៦២ ត្រូវនឹងថ្ងៃទី២៥ ខែឧសភា ឆ្នាំ២០១៨នេះ ខណៈបុរសម្នាក់បានបើកម៉ូតូម៉ាកស្គូពីក្នុងស្ថានភាពស្រវឹងស្រាជោគ បណ្តាលឲ្យដួលម៉ូតូខ្លួនឯង លើថ្នល់ជាតិលេខ៣៣ ត្រង់ចំណុចស្ថានីយប្រេង SL ស្ថិតក្នុងភូមិកំពង់ត្រត្រឡាច សង្កាត់ព្រៃធំ ក្រុងកែប។
សមត្ថកិច្ចចរាចរណ៍ក្រុងបានឲ្យដឹងថា មូលហេតុនៃការគ្រោះថ្នាក់ចរាចរណ៍ខាងលើគឺបណ្តាលមកពីកត្តាមនុស្សគឺជនរង គ្រោះខ្លួនឯង ដែលបើកបរម៉ូតូក្នុងស្ថានភាពស្រវឹងខ្លាំង បើកដល់ចំណុចផ្លូវកោងបានដួលខ្លួនឯង ដោយគ្មានអ្នកណាបង្កឡើយ។
ជនរងគ្រោះដែលជួបហេតុការណ៍ខាងលើមានឈ្មោះ សុន សុធី ភេទប្រុស អាយុ៣១ឆ្នាំ មានទីលំនៅភូមិភ្នំលាវ ឃុំពងទឹក ស្រុកដំណាក់ចង្អើរ ខេត្តកែប(មុខរបរកសិករ) បានរងរបួសយ៉ាងធ្ងន់ធ្ងរ ហើយត្រូវបានក្រុមគ្រួសារសាច់ញាតិដឹកទៅសង្គ្រោះនៅមន្ទីរពេទ្យប្រ ទេសវៀតណាម។ ម៉ូតូជនរងគ្រោះម៉ាកស្គូពី ពណ៌ខ្មៅ ពាក់ស្លាកលេខ កណ្តាល ១Q-៧៨៣០ ត្រូវបានសមត្ថកិច្ចប្រគល់ជូនទៅក្រុមគ្រួសារវិញ៕
ចែករំលែកព័តមាននេះ