​ថៅកែយួន​មិន​​​ស្ថិតនៅ​​ទីតាំង​បង្ក្រាប​​ ដែល​រក​ឃើញ​ផលិតថ្នាំជីប៉ះ​ពាល់​សុខ​ភាព​ខ្លាំង​


ខេត្តកណ្តាល ៖ សមត្ថកិច្ច​នាយកដ្ឋាន​ប្រឆាំង​បទល្មើស​សេដ្ឋកិច្ច​ក្រសួងមហាផ្ទៃ ​ដោយ​បាន​សហការ​ជាមួយ​ការិយាល័យ​ប្រឆាំង​បទល្មើស​សេដ្ឋកិច្ច​ខេត្ត ដោយ​មានការ​សម្របសម្រួល​ពី​លោក ហេង ផេង ព្រះរាជ​អាជ្ញា​​រង​អម​សាលាដំបូង​ខេត្ត បាន​ចុះ​ឆែកឆេរ​ទីតាំង​ផលិត និង​វេច​ខ្ចប់​ថ្នាំពុល​សម្លាប់​សត្វល្អិត និង​ថ្នាំ​ជី​កសិកម្ម​ខុសច្បាប់​មួយ​កន្លែង ថ្ងៃ​ទី​២០ ឧសភា វេលា​ម៉ោង​១​និង​៣០​នាទី​រសៀល នៅ​ចំណុច​ភូមិ​ព្រែក​សំរោង​២ សង្កត់​តា​ខ្មៅ ក្រុង​តា​ខ្មៅ ។

លោក​ឧត្តមសេនីយ៍ទោ ឡុ​ង ស្រេង អនុប្រធាន​នាយកដ្ឋាន​ប្រឆាំង​បទល្មើស​សេដ្ឋកិច្ច​ក្រសួងមហាផ្ទៃ​បាន​ឱ្យ​ដឹង​ថា បន្ទាប់​ពី​ធ្វើការ​ឆែកឆេរ​នេះ​មក កម្លាំង​ជំនាញ​បាន​ស្រាវជ្រាវ​រយៈពេល​ជិត​មួយ​ខែ​មក​ហើយ លើ​ទីតាំង​នេះ​ គឺ​មានច្បាប់​ទម្លាប់​ត្រឹមត្រូវ​ពី​ក្រសួងកសិកម្ម​ សម្រាប់​ការ​នាំ​ចូល​នូវ​ជី និង​ថ្នាំ​កសិកម្ម​ចំនួន​៣៤​​ប្រភេទ ហើយ​ក្រសួងកសិកម្ម​ក៏​អនុញ្ញាត​ឱ្យ​គាត់​នាំ​ចូល​ ដើម្បី​ចែកចាយ​នៅ​ទីផ្សារ​ក្នុង​ព្រះរាជាណាចក្រ​កម្ពុជា​សម្រាប់​ថ្នាំ​កសិកម្ម ។ លោក​ថា តែ​ក្រោយមក​ យើង​រក​ឃើញ​កន្លែង​ដែល​គាត់​លួច​ផលិត​វេច​ខ្ចប់​ទាំង​​អស់ ហើយ​គាត់​យក​បញ្ជី​ការ​ដែល​ក្រសួងកសិកម្ម​អនុញ្ញាត​ឱ្យ​នេះ ​យក​ទៅ​បិទ​នៅ​កន្លែង​ដែល​គាត់​លួច​ផលិត និង​វេច​ខ្ចប់​ដោយ​ខុសច្បាប់ ។

លោក​ឧត្តមសេនីយ៍ទោ​បន្ត​ថា ក្នុង​ប្រតិបត្តិការ​នេះ ​យើង​រក​ឃើញ​វត្ថុធាតុដើម​ខុសច្បាប់ និង​កន្លែង​ផលិត កន្លែង​​លាយ កន្លែង​វេច​ខ្ចប់ គឺ​គ្មាន​អ្នកបច្ចេកទេស​ត្រឹមត្រូវ​ទេ ហើយ​កន្លែង​ផលិត​អត់​មាន​ស្តង់ដារ​ត្រឹមត្រូវ​ឡើយ ។ លោក​បាន​បញ្ជាក់​ថា ថ្នាំ​នេះ​ប៉ះពាល់​សុខភាព​ខ្លាំង​ណាស់​ដល់​ប្រជាពលរដ្ឋ ។ លទ្ធផល​ដែល​កម្លាំង​ចម្រុះ​បង្ក្រាប​មាន​ស្លាក​សញ្ញា​ដែល​ម្ចាស់​ទីតាំង​លួច​ផលិត និង​វេច​ខ្ចប់​ចំនួន​១៤​ស្លាក និង​ថ្នាំ​កសិកម្ម​ដែល​ផលិត​ហើយ​ជិត​១០​តោន និង​ស្លាក​ថ្នាំ​ចំនួន​២​តោន ដែល​មិន​ទាន់​វេច​ខ្ចប់​និង​ផលិត ។

លោក​ឧត្តមសេនីយ៍​បន្ថែម​ទៀត​ថា ទីតាំង​ខាងលើ​ត្រូវ​បាន​លោក ហេង ផេង ព្រះរាជអាជ្ញា​រង​អម​សា​លា​ដំបូង​ខេត្ត បាន​សម្រេច​បិទ​ទីតាំង​នោះ​ហើយ ។ ក្នុង​ប្រតិបត្តិការ​នេះ ​សម្រាប់​ថៅកែ​ជា​ជនជាតិ​វៀតណាម​មិន​បាន​ស្ថិត​នៅ​ទីតាំង​ខាងលើ​នេះ​ទេ ចំណែក​ពួក​កម្មករ​ជា​ច្រើន​នាក់ ​ក៏​បាន​នាំ​គ្នា​រត់គេច​ខ្លួន និង​បាន​​ឃាត់​ខ្លួន​មេការ​មើល​ការ​ខុស​ត្រូវ​ម្នាក់​ជា​ជនជាតិ​វៀតណាម ត្រូវ​បាន​នាំ​ខ្លួន​ទៅ​សាកសួរ មិន​ទាន់​ទទួល​បាន​ព័ត៌​មាន​ជុំវិញ​ការ​ផលិត​ដោយ​ខុសច្បាប់​នេះ​នៅឡើយ​ទេ ៕ ​

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ