ខេត្តត្បូងឃ្មុំ ៖ បើតាមសេចក្តីរាយការណ៍បឋមមុននេះបន្តិចបានឱ្យដឹងថា ទីតាំងសង្វៀនបញ្ជល់មាន់បង្ក្រប់ដោយអាប៉ោងខុសច្បាប់មួយកន្លែងបានបើកលេងយ៉ាងគគ្រឹកគគ្រេងជាច្រើនខែមកហើយ ដោយមិនមានស្ថាប័នណាមួយចុះបង្ក្រាបទេ ទីតាំងនេះស្ថិតនៅក្នុងចំការចំប៉ី ត្រង់ចំណុចជ្រោយចង្ហា ក្នុងឃុំមង់រៀវ ស្រុកត្បូងឃ្មុំ ខេត្តត្បូងឃ្មុំ។…
ខេត្តត្បូងឃ្មុំ ៖ បើតាមសេចក្តីរាយការណ៍បឋមមុននេះបន្តិចបានឱ្យដឹងថា ទីតាំងសង្វៀនបញ្ជល់មាន់បង្ក្រប់ដោយអាប៉ោងខុសច្បាប់មួយកន្លែងបានបើកលេងយ៉ាងគគ្រឹកគគ្រេងជាច្រើនខែមកហើយ ដោយមិនមានស្ថាប័នណាមួយចុះបង្ក្រាបទេ ទីតាំងនេះស្ថិតនៅក្នុងចំការចំប៉ី ត្រង់ចំណុចជ្រោយចង្ហា ក្នុងឃុំមង់រៀវ ស្រុកត្បូងឃ្មុំ ខេត្តត្បូងឃ្មុំ។
សេចក្តីរាយការណ៍បន្តទៀតថា បើតាមសម្តីប្រជាពលរដ្ឋបានប្រាប់ឱ្យដឹងនៅព្រឹកថ្ងៃទី១៤ ឧសភានេះថា ទីតាំងលេងល្បែងខុសច្បាប់ខាងលើនេះ គឺបានបើកលេងជាច្រើនខែមកហើយ ដោយលេងរាល់ថ្ងៃតែម្តង ។ ជាមួយនោះគេឃើញក៏អ្នកញៀនល្បែងមកពីគ្រប់ទិសទីចូលមកលេងយ៉ាងគគ្រឹកគគ្រេងផងដែរចាប់តាំងពីព្រឹករហូតដល់ល្ងាច ។
ប្រភពដដែលបន្តថា ជាមួយនោះពួកគាត់មានក្តីព្រួយបារម្ភយ៉ាងខ្លាំង ខ្លាចមានអំពើចោរកម្ម ឬក៏បទល្មើសផ្សេងៗកើតឡើងនៅក្នុងភូមិឋានរបស់គាត់ ព្រោះកន្លងមកនេះ ក៏ធ្លាប់មានចោរលួចម៉ូតូរបស់ប្រជាពលរដ្ឋដែលដាក់នៅក្នុងចំការម្តុំទីតាំងលេងល្បែងខាងលើនេះផង ដែលគេសង្ស័យថា ចោរទាំងនោះអាចមានប្រភពចេញពីក្រុមអ្នកលេងល្បែងនេះតែម្តង។
ជាមួយនោះផងដែរ ពួកគាត់ក៏បានសំណូមពរឱ្យសមត្ថកិច្ចគ្រប់លំដាប់ថ្នាក់ សូមជួយមានវិធានការចុះបង្ក្រាប និងបិទទីតាំងល្បែងស៊ីខាងលើនេះផង ។
ព័ត៌មានលម្អិតនឹងមានផ្សាយជូនបន្តលើទំព័រកាសែតកោះសន្តិភាព
ចែករំលែកព័តមាននេះ