បើនិយាយពី World Cup នោះគេនឹងនឹកឃើញដល់អ៊ុយរូហ្គាយមិនខាន ព្រោះប្រទេសនេះគឺជាម្ចាស់ផ្ទះដំបូងគេចាប់តាំងពីព្រឹត្តិការណ៍ប្រកួតដណ្តើមពានរង្វាន់ពិភពលោកដ៏ធំមួយនេះបង្កើតឡើងនាឆ្នាំ១៩៣០មកម៉្លេះ ហើយពេលនោះពួកគេក៏ជាអ្នកលើកពានផងដែរ ។ រដូវកាលថ្មី២០១៨ នេះជាការបង្ហាញខ្លួនលើកទី១៣ក្នុងប្រវត្តិសាស្ត្ររបស់ក្រុមជម្រើសជាតិអ៊ុយរូ ហ្គាយ…
បើនិយាយពី World Cup នោះគេនឹងនឹកឃើញដល់អ៊ុយរូហ្គាយមិនខាន ព្រោះប្រទេសនេះគឺជាម្ចាស់ផ្ទះដំបូងគេចាប់តាំងពីព្រឹត្តិការណ៍ប្រកួតដណ្តើមពានរង្វាន់ពិភពលោកដ៏ធំមួយនេះបង្កើតឡើងនាឆ្នាំ១៩៣០មកម៉្លេះ ហើយពេលនោះពួកគេក៏ជាអ្នកលើកពានផងដែរ ។ រដូវកាលថ្មី២០១៨ នេះជាការបង្ហាញខ្លួនលើកទី១៣ក្នុងប្រវត្តិសាស្ត្ររបស់ក្រុមជម្រើសជាតិអ៊ុយរូ
ហ្គាយ ដែលធ្លាប់បានឡើងដល់វគ្គផ្តាច់ព្រ័ត្រ២លើក និងឈ្នះពានជើងឯកទាំងពីរលើកអំឡុង
ឆ្នាំ១៩៣០ និង១៩៥០ ។
ក្រុមជម្រើសជាតិដែលបច្ចុប្បន្នឈរនៅចំណាត់ថ្នាក់លេខ២១ក្នុងតារាង FIFA ខាងលើ ក៏ធ្លាប់ឡើងដល់វគ្គពាក់កណ្តាលផ្តាច់ព្រ័ត្រ៣លើកផងដែរ ប៉ុន្តែបានត្រឹមទទួលចំណាត់ថ្នាក់លេខ៤ទាំង៣លើក (១៩៥៤, ១៩៧០ និង២០១០)ប៉ុណ្ណោះ ។ វត្តមានចុងក្រោយនៅ World Cup ឆ្នាំ២០១៤ ក្រុមដែលមកពីទ្វីបអាមេរិកខាងត្បូងមួយនេះ មិនអាចឆ្លងផុតវគ្គ១៦ក្រុមបានឡើយ បន្ទាប់ពីចាញ់កូឡុំប៊ីក្នុងលទ្ធផល២ទល់នឹង០ ។
ក្តីរំពឹង ៖ មានតែប្រេស៊ីលប៉ុណ្ណោះដែលឈរនៅកំពូលតារាងលើអ៊ុយរូហ្គាយក្នុងការប្រកួតជម្រុះ World Cup នៅតំបន់អាមេរិកខាងត្បូង ។ នេះបង្ហាញថា ក្រុមដែលមានបទពិសោធន៍ជោកជាំ និងចាស់វស្សានៅ World Cup ហាក់រស់ឡើងវិញជាមួយនឹងសមត្ថភាពខ្លាំងជាងមុនគួរឱ្យកត់សម្គាល់ ។ ម្យ៉ាងទៀតរដូវកាលនេះ ក៏ជាសម័យកាលសម្រាប់កីឡាករក្មេងៗជំនាន់ក្រោយរបស់ពួកគេបញ្ចេញស្នាដៃផងដែរ ។ ស្ថិតនៅពូល A ជាមួយរុស្ស៊ី អារ៉ាប៊ីសាអូឌីត និងអេហ្ស៊ីប ធ្វើឱ្យអ៊ុយរូហ្គាយប្រឈមនឹងព្យុះភ្លៀងច្រើនដើម្បីសម្រេចក្តីបំណងរបស់ខ្លួនមុនឡើងទៅវគ្គបន្ត ។
គ្រូបង្វឹក ៖ អតីតគ្រូបង្វឹកក្លិបAC Milan លោក Oscar Tabarez បានមកដឹកនាំក្រុមជម្រើសជាតិអ៊ុយរូហ្គាយជាលើកទី២នៅឆ្នាំ២០០៦ និងបន្តរហូតមកទល់សព្វថ្ងៃ ខណៈការដឹកនាំដំបូងរបស់គ្រូបង្គោលវ័យ៧១ឆ្នាំរូបនេះគឺអំឡុងឆ្នាំ១៩៨៨ ដល់១៩៩០ ។ ក្រោមការចង្អុលបង្ហាញរបស់លោក Tabarez នាពេលកន្លងមក បានជួយឱ្យអ៊ុយរូហ្គាយឈ្នះពានរង្វាន់អាមេរិកខាប់ Copa America តែម្តងប៉ុណ្ណោះកាលពីឆ្នាំ២០១១ ។
កីឡាករ Super Star ប្រចាំក្រុម ៖ ខ្សែប្រយុទ្ធដ៏ឆ្នើមមួយរូបមិនថានៅក្លិបBarcelona និងក្រុមជម្រើសជាតិ Luiz Suarez គឺជាកីឡាករដែលតែងរកគ្រាប់បាល់បានច្រើនជាងគេនៅអ៊ុយរូហ្គាយ ។ កីឡាករវ័យ៣១ឆ្នាំរូបនេះ បានចូលលេងឱ្យក្រុមជម្រើសជាតិឈុតធំនៅឆ្នាំ២០០៧ ដោយបង្ហាញខ្លួនបានចំនួន៩៧ដង និងស៊ុតបាន៥០គ្រាប់ ។
រីឯវត្តមាននៅក្លិប Barcelona ១២៧ប្រកួត Suarez រកបាន១០៩គ្រាប់ ។ ជ័យជម្នះរបស់អ៊ុយរូហ្គាយកាលពីលើកពាន Copa America ឆ្នាំ២០១១ ក៏ជាចំណែកមួយនៃការខិតខំប្រឹងប្រែងរបស់ខ្សែប្រយុទ្ធស្នូលខាងលើនេះផងដែរ ។
បញ្ជីឈ្មោះសមាសភាពកីឡាករសរុប(បណ្តោះអាសន្ន) ៖
-អ្នកចាំទី ៖ Fernando Muslera (Galatasaray), Martín Silva (Vasco), Martín Campaña (Independiente), Esteban Conde (Nacional) ។
-ខ្សែការពារ ៖ ប្រធានក្រុម Diego Godín និង María Giménez (Atletico), Sebastián Coates (Sporting CP), Gastón Silva (Independiente), Guillermo Varela (Peñarol), Maxi Pereira (Porto) ។
-ខ្សែបម្រើ ៖ Cristian Rodríguez (Peñarol), Gastón Ramírez និង , Lucas Torreira (Sampdoria), Carlos Sánchez (Monterrey), Matías Vecino (Inter), De Arrascaeta (Cruzeiro), Nahitan Nández (Boca Juniors), Rodrigo Bentancur (Juventus), Diego Laxalt (Genoa) ។
-ខ្សែប្រយុទ្ធ ៖ Luis Suárez (Barcelona), Edinson Cavani (Paris SG), Cristhian Stuani (Girona), Maxi Gómez (Celta Vigo), Diego Rolan (Malaga), Abel Hernández (Hull) ៕
ចែករំលែកព័តមាននេះ