ខេត្តព្រះសីហនុ ៖ លោកវរសេនីយ៍ឯកស៊ុត សំអុន ប្រធាននគរបាលការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តព្រះសីហនុធ្វើសន្និសិទព័ត៌មានបង្ហាញមុខក្រុមក្មេងទំនើង ជាជនសង្ស័យជាប់ចោទពីបទធ្វើសកម្មភាពលួច ឆក់ មុនបញ្ជូនទៅសាលាដំបូងខេត្ត ។ ក្រុមក្មេងទំនើងចំនួន០៧នាក់…
ខេត្តព្រះសីហនុ ៖ លោកវរសេនីយ៍ឯកស៊ុត សំអុន ប្រធាននគរបាលការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តព្រះសីហនុធ្វើសន្និសិទព័ត៌មានបង្ហាញមុខក្រុមក្មេងទំនើង ជាជនសង្ស័យជាប់ចោទពីបទធ្វើសកម្មភាពលួច ឆក់ មុនបញ្ជូនទៅសាលាដំបូងខេត្ត ។
ក្រុមក្មេងទំនើងចំនួន០៧នាក់ ធ្វើដំណើរមកពីភ្នំពេញជាជនសង្ស័យជាប់ចោទបានធ្វើសកម្មភាពលួច-ឆក់ទ្រព្យសម្បត្តិជនជាតិបរទេសមានស្ថានទម្ងន់ទោស ហើយត្រូវបានកម្លាំងនគរបាលប៉ុស្តិ៍រដ្ឋបាលសង្កាត់លេខ០២ ក្រុង-ខេត្តព្រះសីហនុ សហការណ៍ជាមួយកម្លាំងនគរបាលការិយាល័យព្រហ្មទណ្ឌកម្រិតស្រាលធ្ងន់នៃស្នងការដ្ឋាននគរបាលខេត្តព្រះសីហនុក្របួចបានទាំងចង្កោម បន្ទាប់ពីពួកគេបានធ្វើសកម្មភាពឆក់យកទ្រព្យសម្បត្តិជនជាតិចិនបានសម្រេច ហើយនាំបក្សពួកទៅសម្ងំលាក់ខ្លួននៅក្នុងបន្ទប់ផ្ទះសំណាក់មួយកន្លែងស្ថិតនៅក្នុងសង្កាត់លេខ០២ ក្រុង-ខេត្តព្រះសីហនុ ។
លោកវរសេនីយ៍ឯក ស៊ុត សំអុនប្រធាននគរបាលការិយាល័យព្រហ្មទណ្ឌកម្រិតស្រាលនៃស្នងការរដ្ឋាននគរបាលខេត្តព្រះសីហនុបានឲ្យដឹង នៅក្នុងពេលធ្វើសន្និសិទព័ត៌មានបង្ហាញមុខក្រុមជនសង្ស័យជាក្មេងទំនើងទាំង០៧ខាងលើ កាលពីព្រឹកថ្ងៃទី១៣ ខែឧសភា ឆ្នាំ២០១៨ កន្លងមកនេះថា បន្ទាប់ពីទទួលបានពាក្យបណ្តឹងពីជនរងគ្រោះឈ្មោះ LY YINYU ភេទស្រី អាយុ៣៥ឆ្នាំ ជាជនជាតិចិនជាអ្នកទេសចរណ៍កាន់លិខិតឆ្លងដែនលេខG58770514 ស្នាក់នៅបណ្តោះអាសន្នក្នុងកាស៊ីណូជិនបុរី ដែលមានទីតាំងស្ថិតនៅក្នុងក្រុម១១ ភូមិ០៤ សង្កាត់លេខ០៤ ក្រុង-ខេត្តព្រះសីហនុថា នៅវេលាម៉ោង២ ថ្ងៃទី១១ ខែឧសភា ឆ្នាំ២០១៨កន្លងមកនេះ ខណៈស្ត្រីរងគ្រោះខាងលើធ្វើដំណើរមកដល់ខាងមុខយានដ្ឋានជួសជុលរថយន្តយីហោអារុណរះ ស្ថិតក្នុងភូមិ០២ សង្កាត់០៤ ក្រុង-ខេត្តព្រះសីហនុ ស្រាប់តែមានក្មេងស្ទាវចំនួន០២នាក់ ជិះម៉ូតូមួយគ្រឿងមិនចាំម៉ាកបានជិះម៉ូតូមកអែបជិត រួចក៏ធ្វើសកម្មភាពឆក់យកកាបូបរបស់គាត់បានដោយសុវត្ថិភាព ហើយក៏ជិះម៉ូតូរត់គេចទៅសម្ងំលាក់ខ្លួននៅឯផ្ទះសំណាក់ ។
បន្ទាប់ពីទទួលបានបណ្តឹងខាងលើរួចមក និងទទួលបានបទបញ្ជាដ៏ម៉ឺងម៉ាត់ពីលោកឧត្តមសេនីយ៍ទោជួន ណារិន្ទ ស្នងការនគរបាលខេត្តព្រះសីហនុ ធ្វើយ៉ាងណាស្វែងរកអត្តសញ្ញាណជនសង្ស័យឈានទៅបង្ក្រាបឲ្យខាងតែបាន ។ ពេលនោះកម្លាំងជំនាញនៃផែននគរបាលព្រហ្មទណ្ឌកម្រិតស្រាលធ្ងន់ សហការណ៍ជាមួយកម្លាំងនគរបាលប៉ុស្តិ៍រដ្ឋបាលសង្កាត់០២ បានធ្វើការស្រាវជ្រាវរកកន្លែងស្នាក់នៅក៏ប្រទះឃើញនៅក្នុងផ្ទះសំណាក់មួយកន្លែងដែលមានទីតាំងស្ថិតនៅតាមបណ្តោយវិថីបុរីកម្មករ វិថី(C.T) ទើបឈានដល់ការឃាត់ខ្លួនបានក្រុមក្មេងទំនើងដែលបានធ្វើសកម្មភាពលួច-ឆក់ដែលមានឈ្មោះដូចខាងក្រោមនេះ
ទី១- ឈ្មោះរ៉ា ណារ៉ាន់ ភេទប្រុស អាយុ១៥ឆ្នាំ មុខរបរមិនពិតប្រាកដ មានទីលំនៅភូមិសំបូរមាស ឃុំសំបូរមាស ស្រុកមុខកំពូល ខេត្តកណ្តាលជាជនដៃដល់ ។ ទី២ – ឈ្មោះ គឹម កុសល ភេទប្រុស អាយុ១៥ឆ្នាំ មុខរបរមិនពិតប្រាកដមានទីលំនៅគីឡូលេខ១០ សង្កាត់ច្រាំងចំរេះ ខណ្ឌឬស្សីកែវ ជាជនដៃដល់ ។ ទី៣- ឈ្មោះ សុខ វណ្ណឌី ភេទប្រុស អាយុ១៥ឆ្នាំ មុខរបរមិនពិតប្រាកដ មានទីលំនៅភូមិវត្តទួល ខណ្ឌឬស្សីកែវ រាជធានីភ្នំពេញ (សមគំនិត) ទី៤-ឈ្មោះ បៃ សុគន្ធបញ្ញា ភេទប្រុស អាយុ១៤ឆ្នាំ មុខរបរមិនពិតប្រាកដ មានទីលំនៅសង្កាត់ស្ទឹងមានជ័យ ខ័ណ្ឌដង្កោ រាជធានីភ្នំពេញ (សមគំនិត) ។ ទី៥ – លី ប៊ុនណាងភេទប្រុស អាយុ១៦ឆ្នាំមុខរបរជាសិស្ស មានទីលំនៅភូមិព្រែកព្នៅ ខណ្ឌព្រែកព្នៅ រាជធានីភ្នំពេញ (សមគំនិត) ។ ទី៦-ឈ្មោះក្រី រ៉ាវី ហៅចន្ទដាវី ភេទប្រុស អាយុ១៥ឆ្នាំ មុខរបរមិនពិតប្រាកដ មានទីលំនៅភូមិវត្តទួល ខណ្ឌឬស្សីកែវ រាជធានីភ្នំពេញ (សមគំនិត) ទី៧-ឈ្មោះ ម៉ាច វុទ្ធី ភេទប្រុស អាយុ១៤ឆ្នាំ មុខរបរសិស្សមានទីលំនៅភូមិវត្តទួល ខណ្ឌឬស្សីកែវ រាជធានីភ្នំពេញ (សមគំនិត) ។
វត្ថុតាងដែលសមត្ថកិច្ចដកហូតបានមានកាបូបដៃពណ៌ខ្មៅ០១ លុយដុល្លារ១៥០ដុល្លារ លុយចិន៥០០ yuan លិខិតឆ្លងដែន០២ច្បាប់ ប័ណ្ណបើកបរ០២សន្លឹកនាឡិកាដៃពណ៌លឿង០១គ្រឿង ទូរស័ព្ទដៃម៉ាកphone7 plush ០១គ្រឿង កាតមួយចំនួន ។
ម៉ូតូជាមធ្យោបាយសម្រាប់ជិះធ្វើសកម្មភាពចំនួន០៣គ្រឿង ដែលមានភិនភាគដូចខាងក្រោម ១- ម៉ាកហុងដាសេ១២៥ ស៊េរី២០១៦ ពណ៌ខ្មៅ ពាក់ស្លាកលេខ ភ្នំពេញ១FK- 7043 ។ ២- ម៉ាកហុងដាសេ១២៥ ស៊េរី២០១៧ ពណ៌ខ្មៅ ពាក់ស្លាកលេខភ្នំពេញ ១GO-5278 ។ ៣ – ម៉ាកហុងដាសេ១២៥ ស៊េរី២០១៨ ពណ៌ខ្មៅ ពាក់ស្លាកលេខ ភ្នំពេញ១GZ-7495 ។
លោកវរសេនីយ៍ឯកស៊ុត សំអុនបានបញ្ជាក់ជាចុងក្រោយថា នេះជាសកម្មភាពការបង្ក្រាបលើកទី០៣ហើយដែលកម្លាំងនគរបាលនៃស្នងការដ្ឋានខេត្តព្រះសីហនុធ្វើការបង្ក្រាបបានទាន់ពេលវេលាទៅលើជនសង្ស័យមកពីភ្នំពេញមកធ្វើសកម្មភាពលួច-ឆក់ទ្រព្យសម្បត្តិភ្ញៀវទេសចរណ៍មានលក្ខណ:ជាក្រុមៗ ។
ចំពោះជនសង្ស័យ និងវត្ថុតាងកម្លាំងនគរបាលជំនាញនៃការិយាល័យនគរបាលព្រហ្មទណ្ឌកម្រិតស្រាលនៃស្នងការរដ្ឋាននគរបាលខេត្តព្រះសីហនុ កសាងសំណុំរឿងបញ្ជូនទៅសាលាដំបូងខេត្តព្រះសីហនុចាត់ការទៅតាមនីតិវិធីច្បាប់ ៕
ចែករំលែកព័តមាននេះ