ខេត្តបាត់ដំបង ៖ សេចក្តីរាយការណ៍ឱ្យដឹងថា យុវជនម្នាក់ត្រូវសមត្ថកិច្ចស្វែងរកឃើញ និងបានឃាត់ខ្លួន នៅរសៀលថ្ងៃទី១០ ឧសភា នៅនឹងផ្ទះរបស់ខ្លួនស្ថិតក្នុងភូមិកែវមុនី ឃុំបាសាក់ ស្រុករុក្ខគិរី ដែលជាប់ពាក់ព័ន្ធក្នុងករណីល្បួងប្អូនស្រីជីដូនមួយទើបអាយុ១២ឆ្នាំ យកទៅលាក់ទុកនៅផ្ទះខ្លួន ដើម្បីរួមភេទ ។
សេចក្តីរាយការណ៍បន្តថា ជនសង្ស័យឈ្មោះង៉ាម កុកងឺ ហៅពេជ្រ សោភា អាយុ២០ឆ្នាំ រស់នៅភូមិ,ឃុំខាងលើ ។ រីឯក្មេងស្រីអាយុ១២ឆ្នាំ ដែលត្រូវជាបងប្អូនជីដូនមួយនឹងគ្នា ។ ឪពុកជនរងគ្រោះ ឈ្មោះពេជ្រ រតន: អាយុ៤៨ឆ្នាំ បានដាក់ពាក្យបណ្ដឹងនៅអធិការនគរបាលស្រុកសង្កែហើយ កាលពីថ្ងៃទី០២ ឧសភា កន្លងមក ក្រោយពីបាត់កូនស្រីគាត់ពីផ្ទះ ដោយគ្មានដំណឹង ។
បើតាមឪពុកក្មេងស្រីប្រាប់សមត្ថកិច្ចថា កូនស្រីគាត់បាត់ពីផ្ទះតាំងពីយប់ថ្ងៃទី២៩ មេសា កន្លងទៅថ្មីៗនេះ ដោយគ្មានដំណឹងឡើយ ។ រូបលោក និងសមត្ថកិច្ចបានស្វែងរកកូនស្រីអស់រយះពេលជាងមួយសប្ដាហ៍ទើបទទូលបានតម្រុយដ៏អកុសលនេះ។ គាត់និយាយថា តាមពិតកូនស្រីគាត់ដែលទើបមានអាយុ១២ឆ្នាំ ត្រូវក្មួយប្រុស គាត់នាំយកទៅលាក់ទុកនៅផ្ទះ ដើម្បីលូងលោមរួមភេទ។ ក្រោយពីដឹងតម្រុយនេះ ទើបនៅព្រឹកថ្ងៃទី១០ ឧសភា លោកបានស្នើឲ្យសមត្ថកិច្ចស្រុកសង្កែ និងសមត្ថកិច្ចស្រុករុក្ខគិរី ចុះឃាត់ខ្លួនក្មួយប្រុសកំហូចរូបនេះតែម្ដង។
ក្រោយពេលឃាត់ខ្លួនជនសង្ស័យបានសារភាពថា ខ្លួនពិតជាបានពង្រត់ប្អូនស្រីជីដូនមួយ នាំយកទៅនៅផ្ទះខ្លួនមែន ហើយក៏បានរួមភេទជាច្រើនលើកជាមួយនាងដែរ ។
ព័ត៌មានលម្អឹតនឹងមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ