រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា បុរសម្នាក់ដែលជាមេជាងសំណង់បានប្រចណ្ឌ និងវាយធ្វើបានប្រពន្ធដោយឆក់ខ្សែភ្លើងដាក់ប្រពន្ធ ហើយឆក់ខ្លួនឯងសម្លាប់ តែសំណាងល្អប្រពន្ធរត់គេចខ្លួនរួច នៅតែខ្លួនឯងឆក់ស្លាប់នៅបន្ទប់ជួល ។ ហេតុការនេះបង្កឲ្យមានការភ្ញាក់ផ្អើលកាលពីវេលាម៉ោង៨និង៥០នាទីព្រឹកថ្ងៃទី១១…
រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា បុរសម្នាក់ដែលជាមេជាងសំណង់បានប្រចណ្ឌ និងវាយធ្វើបានប្រពន្ធដោយឆក់ខ្សែភ្លើងដាក់ប្រពន្ធ ហើយឆក់ខ្លួនឯងសម្លាប់ តែសំណាងល្អប្រពន្ធរត់គេចខ្លួនរួច នៅតែខ្លួនឯងឆក់ស្លាប់នៅបន្ទប់ជួល ។ ហេតុការនេះបង្កឲ្យមានការភ្ញាក់ផ្អើលកាលពីវេលាម៉ោង៨និង៥០នាទីព្រឹកថ្ងៃទី១១ ខែនេះ នៅភូមិទួលខ្មាន់ សង្កាត់ទួលសង្កែ២ ខណ្ឌឬស្សីកែវ ។
សេចក្តីរាយការណ៍បន្តថា បុរសដែលប្រើហិង្សានោះមានឈ្មោះ សូត ថ្លឹង អាយុ៣៦ឆ្នាំ ជាមេជាងសំណង់ ស្នាក់នៅកន្លែងកើតហេតុខាងលើ និងមានស្រុកកំណើតនៅភូមិអង្គាដី ស្រុកស្វាយជ្រុំ ខេត្តស្វាយរៀង ។ ដោយឡែកស្ត្រីជាប្រពន្ធគឺឈ្មោះ អ៊ោក បាន អាយុ៣៤ឆ្នាំ មុខរបរធ្វើការនៅតាមហាងខារ៉ាអូខេ ។
ទាក់ទងនឹងមូលហេតុនេះគឺ បុរសជាប្តីប្រចណ្ឌប្រពន្ធ ហើយទាមទាឲ្យប្រពន្ធឈប់ធ្វើការនៅហាងការ៉ាអូខេនោះ បន្ទាប់មកស្ត្រីជាប្រពន្ធក៏បានឯកភាពថា ឈប់ ហើយក៏ឈប់ធ្វើការតាំងពីថ្ងៃទី១០ មកម្ល៉េះ ។
ដោយយប់ម្សិលមិញនេះស្ត្រីជាប្រពន្ធបានទៅធ្វើការបាត់ពីផ្ទះមួយយប់ទល់ភ្លឺ ហើយនៅវេលាម៉ោង៧ព្រឹកទើបស្ត្រីជាប្រពន្ធបានត្រឡប់មកវិញ ហើយត្រូវប្តីចាក់សោទ្វាជាប់ប្រពន្ធ និងគាត់នៅបន្ទប់ រួចបានវាយធ្វើបាបនាង ដោយវាយក្បាលនាង៤ញញូរសម្លាប់ផង និងវាយនៅអង្រែ១ ព្រមទាំងបានយកខ្សែភ្លើងរុំឆក់ប្រពន្ធ និងខ្លួនឯង ឲ្យស្លាប់ទាំង២នាក់តែម្តង តែដោយប្រពន្ធបានរត់ចេញពីបន្ទប់ទាន់ស្រែកឲ្យគេជួយ ។ ចំណែកបុរសជាប្តីបានឆក់ស្លាប់ខ្លួនឯងតែម្តង ។ រឿងនេះផ្តើមចេញពីរឿងប្រចណ្ឌប្រពន្ធធ្វើការនៅហាងការ៉ាអូខេ ។
បញ្ជាក់ ៖ ២នាក់ប្តីប្រពន្ធនេះបានរស់នៅជាមួយគ្នាជាអស់យៈពេលជាង១០ឆ្នាំទៅហើយ ដោយមានកូន២នាក់ ហើយមានកូនប្រុសអាយុ១៣ឆ្នាំ និងកូនស្រីមានអាយុ៨ឆ្នាំ ៕
https://www.youtube.com/watch?v=sM9nxp9ERMg
ចែករំលែកព័តមាននេះ