ខេត្តកំពង់ចាម ៖ ក្រោមការយកចិត្តទុកដាក់របស់អាជ្ញាធរខេត្តក៏ដូចជា ស្ថាប័នពាក់ព័ន្ធបានខិតខំ
កសាងទំនប់បេតុងច្រាំង ទន្លេមេគង្គចាប់ពីមុខសណ្ឋាគារមេគង្គដល់ត្រង់ចំណុកំពង់សាឡាង ហើយដែលមានប្រវែងជាង៦០០ម៉ែត្រ បានចំណាយថវិការចូលខ្ទង់លានដុល្លារហើយ ។ ប្រយោជន៏ដើម្បីឲ្យមានមានសោភ័ណ្ឌភាព និងជារបាំងការពារទឹកមិនឲ្យហូរជន់លិច ចូលក្រុងកំពង់ចាមនោះទេ ។
អ្នកស្រី មុច ស្រឿន អាយុ៦៥ឆ្នាំ នៅភូមិពើក ឃុំថ្មពេជ្រ ស្រុកត្បូងឃ្មុំ ប្រាប់ឲ្យដឹងនៅរសៀលថ្ងៃទី១០
ឧសភា ២០១៨ថា កាលពីមុននៅមាត់ទន្លេក្រុងកំពង់ចាម មានតែព្រៃត្រែង និងច្រាំងបាក់ តែប៉ុណ្ណោះ
តែក្រោយមកទៀត ដោយមានការយកចិត្តទុកដាក់ពីសំណាក់អាជ្ញាធរខេត្តក៏បានចាប់ផ្តើមធ្វើការអភិវ
ឌ្ឈន៍បន្តិចម្តងៗនៅតាមបណ្តោយច្រាំងទន្លេមេគង្គក៏ចាប់ផ្តើមមានភាពស្រស់ស្អាត ។
អ្នកស្រី មុច ស្រឿន ប្រាប់បន្តថា នៅថ្ងៃទី១០ ឧសភា ២០១៨ គាត់បានធ្វើដំណើរចេញពីស្រុកកំណើត
មកកាន់ក្រុងកំពង់ចាម ជាមួយនឹងចៅស្រី ដើម្បីរបស់របរមួយចំនួនសម្រាប់យកទៅប្រើប្រាស់ ហើយ
ឆ្លៀតនាំចៅដើរដង្ហែរតាមមាត់ទន្លេក៏បានឃើញសួនច្បារនៅពីក្រោយរបាំងបេតុង ការពារទឹកទន្លេមិន
ឲ្យហូរចូលក្រុងកំពង់ចាម ។ ដោយមានចំងាយដល់ទៅរាប់រយម៉ែត្រមានចាក់បេតុង និងផ្កាលំអរពិតជាស្រស់ស្អាត គួរឲ្យចាប់អារម្មណ៍ ហើយពេលដែលដើរបណ្តើរខ្យល់ជំនោរទន្លេបោកបក់មកធ្វើឲ្យគាត់មានអារម្មណ៍ដូចជា បានធូរស្រាលពីទុក្ខកង្វល់មួយចំនួនផងដែរ ។ ពីមួយអាណត្តិទៅមួយអាណត្តិត្រូវបានអាជ្ញាធរខេត្តខិតខំប្រឹងប្រែងអភិវឌ្ឍន៍នៅតាមជួរដងទន្លេមេគង្គ ដោយមានភាពស្រស់ស្អាត ហើយនៅថ្ងៃក្រោយប្រសិនបើទំនេរ គាត់នឹងនាំកូនចៅមកលេងក្រុងកំពង់ចាមបន្តទៀតព្រោះថាបើតាមកត់សំគាល់មិនចាញ់នៅខេត្តផ្សេងៗនោះទេ ។
យុវតីឈ្មោះ ស្រី លីន អាយុ១៦ឆ្នាំ រៀនថ្នាក់ទី១០ ស្រុកព្រៃឈរប្រាប់ថា ដោយទំនេរពីការសិក្សានោះពួកនាងមានគ្នាជិត១០នាក់ បានធ្វើដំណើរមកលេងនៅសួនច្បារក្រុងកំពង់ចាមឃើញមានរបាំងបេតុងមួយខ្សែប្រវែងរាប់រយម៉ែត្រ ដែលជាផ្នែកមួយការពារមិនឲ្យទឹកទន្លេឡើងមកលិចក្រុងកំពង់ចាម ក្នុងរដូវវស្សានោះទេ ចំណែកនៅខាងក្នុងវិញមានដាក់បង់សម្រាប់ឲ្យអង្គុយលំហែរកាយ និងសួនច្បារពិតជាស្រស់ស្អាតមែន ។
លោកអ៊ុំ វិបុល ប្រធានមន្ទីរធនធានទឹក និងឧតុនិយមខេត្តវិញប្រាប់ឲ្យដឹងដែរថា កាលពីមុនច្រាំងទន្លេ
ត្រង់ចំណុចមុខសណ្ឋាគារមេគង្គក្រុងកំពង់ចាមបានបាក់ស្រុតច្រាំងទន្លេដែលបង្កឲ្យមានក្តីព្រួយបា រម្ភ
ហើយត្រូវបានប្រមុខរាជរដ្ឋាភិបាលកម្ពុជាសម្តេចតេជោសែន បានចាត់ឲ្យក្រសួងធនធានទឹកចាត់ឲ្យ
មន្ត្រីចុះមកសិក្សា និងសាងសង់របាំងបេតុងទាន់ពេលវេលា ដើម្បីការពារផ្ទះប្រជាពលរដ្ឋមិនឲ្យបាក់លិចចូលទៅក្នុងទន្លេនោះទេ ។ និងបានកសាងជាបន្តបន្ទាប់មកទៀតរហូតមកដល់រដូវប្រាំងឆ្នាំ២០១៨នេះបានបន្តធ្វើរបាំងការពារទឹកបន្តទៀតក្រោមស្ពានគីហ្សុណា សរុបបានជាង៦០០ម៉ែត្រដោយបានចំណាយប្រាក់អស់រាប់ពានលានរៀល គោលដៅនឹងធ្វើបន្តដល់ប្រឌឹសកោះប៉ែនតែម្តង ៕
ចែករំលែកព័តមាននេះ