ខេត្តបន្ទាយមានជ័យ ៖ កម្លាំងជំនាញអធិការដ្ឋាននគរបាលស្រុកថ្មពួកបានសហការជាមួយកម្លាំងជំនាញការិយាល័យប្រឆាំងគ្រឿងញៀន ចុះបង្ក្រាបមុខសញ្ញាចែកចាយ និងប្រើប្រាស់គ្រឿងញៀនបានចំនួន ១៣នាក់ ក្នុងនោះស្រី២នាក់ ។ លោកឧត្តមសេនីយ៍ត្រី ចាប…
ខេត្តបន្ទាយមានជ័យ ៖ កម្លាំងជំនាញអធិការដ្ឋាននគរបាលស្រុកថ្មពួកបានសហការជាមួយកម្លាំងជំនាញការិយាល័យប្រឆាំងគ្រឿងញៀន ចុះបង្ក្រាបមុខសញ្ញាចែកចាយ និងប្រើប្រាស់គ្រឿងញៀនបានចំនួន ១៣នាក់ ក្នុងនោះស្រី២នាក់ ។
លោកឧត្តមសេនីយ៍ត្រី ចាប សុផារឹទ្ធ ស្នងការរងបានឱ្យដឹងកាលពីថ្ងៃទី១០ ឧសភានេះថា ជនសង្ស័យក្នុងចំណោម១៣នាក់នោះមានជនសង្ស័យទាំង៦នាក់ ១- ឈ្មោះហាប ហៀង ភេទប្រុស អាយុ២០ឆ្នាំ, ២-ឈ្មោះរ៉ាត់រ៉ូ ភេទប្រុស អាយុ២០ឆ្នាំ ៣- ឈ្មោះអ៊ិន ឆើត ភេទប្រុស អាយុ១៩ឆ្នាំ, ៤-ឈ្មោះ ជីន ជួយ ភេទប្រុស អាយុ៣៣ឆ្នាំ, ៥- ឈ្មោះ ហុង សុខ ភេទប្រុស អាយុ២២ឆ្នាំ និង៦- ឈ្មោះបួង ខេមម៉ា ភេទស្រី អាយុ២០ឆ្នាំ ។ ទាំង៦នាក់នេះ ជាអ្នកចែកចាយផង សេពផង និងរស់ក្នុងភូមិឃុំគោករមៀត និងឃុំថ្មពួក ស្រុកថ្មពួក រីឯ៧នាក់ទៀតជាអ្នកប្រើប្រាស់គ្រឿងញៀន។
លោកវរសេនីយ៍ត្រីថា អធិការរងទទួលបន្ទុកនៃអធិការដ្ឋាននគរបាលស្រុកឱ្យដឹងថា ការបង្ក្រាបកាលពីថ្ងៃទី៨ និង៩ ឧសភា នៅឃុំគោករមៀត និងឃុំថ្មពួកនេះ ជាការអនុវត្តតាមបទបញ្ជារបស់លោកឧត្តមសេនីយ៍ទោ អាត់ ខែម ស្នងការនគរបាលខេត្ត ។ ហើយការបង្ក្រាបនេះ កម្លាំងដកហូតវត្ថុតាងដូចជា គ្រឿងញៀន សម្ភារ:ប្រព្រឹត្តឹបទល្មើស គ្រាប់កាំភ្លើងបានមួយចំនួន។
ក្រោយពេលឃាត់ខ្លួនសមត្ថកិច្ចកសាងសុំណុំរឿងបញ្ជូនជនសង្ស័យ៦នាក់ទៅកាន់តុលាការខេត្ត រីឯ៧នាក់ផ្សេងទៀតបានបញ្ជូនទៅមណ្ឌលជីវិតថ្មីភ្នំបាក់ ដើម្បីព្យាបាលគ្រឿងញៀន៕
ចែករំលែកព័តមាននេះ