ខេត្តស្វាយរៀង ៖ ព្រោះតែហាមឃាត់ម្តាយមិនស្តាប់រឿងទៅទាក់ទងស្នេហាជាមួយបុរសចំណាស់ម្នាក់ ដែលមានប្រពន្ធនិងកូនទៅហើយនោះ ក៏បានទិញសាំងកន្លះលីត្រចាក់ដុតទាំងម្តាយនិងបុរសជាប្រុសស្នេហ៍ នៅក្នុងមុងពេលកំពុងដេកលង់លក់ទាំង២ បណ្តាលឱ្យឆាបឆេះខ្លួនរងរបួសយ៉ាងធ្ងន់ធ្ងរ ហើយត្រូវក្រុមគ្រួសារជួយដឹកពួកគាត់ យកមកសង្គ្រោះនៅមន្ទីពេទ្យ ហេតុការណ៍នេះបង្កឱ្យមានការភ្ញាក់ផ្អើល កាលពីវេលាម៉ោង០៨ និង១០នាទីយប់ថ្ងៃទី៨ ឧសភា ស្ថិតក្នុងភូមិ សំបួរឃុំសំបួរ ស្រុកស្វាយទាប ខេត្តស្វាយរៀង។
សេចក្តីរាយការណ៍ឱ្យដឹងថា បុរសរងគ្រោះឈ្មោះពេជ្រ ឆុន អាយុ៦៧ឆ្នាំ ជាកសិករ (រងរបួសធ្ងន់) និងស្ត្រីជាម្តាយឈ្មោះពេជ្រ សាន់ អាយុ៥៣ឆ្មាំ ជាកសិករ (រងរបួសធ្ងន់ដូចគ្នា) អ្នកទាំងពីររស់នៅភូមិសំបួរ ឃុំសំបួរ ស្រុកស្វាយទាប ខេត្តស្វាយរៀង ។ ដោយឡែក ជនដៃដល់ជាកូនឈ្មោះតូច សាវឿន ហៅទិត្យ អាយុ២៥ឆ្នាំ ។
បើតាមសាច់ញាតិឱ្យដឹងទៀតថា មុននឹងឈានដល់ការដុតម្តាយបង្កើតនិងបុរសនោះ គឺកូនប្រុសនេះធ្លាប់ហាមមិនឱ្យម្តាយខ្លួនទាក់ទងបុរសនេះទេ ព្រោះអីបុរសចំណាស់នោះមានប្រពន្ធនិងកូនរួចទៅហើយ និងមិនទាន់បានលះលែងគ្នាដាច់ស្រេចទៀតផង ម្យ៉ាងវិញទៀតពេលឃើញម្តាយធ្វើដូច្នេះ គឺធ្វើឱ្យកូនប្រុសខ្មាស់គេ ។
ចែករំលែកព័តមាននេះ