រាជធានីភ្នំពេញ ៖ រថយន្តមួយគ្រឿងបុកម៉ូតូកង់បីដែលឈប់តាមចិញ្ចើមផ្លូវពេញទំហឹងបណ្តាលអោយរងការខូចខាត ខណៈអ្នកបើកម៉ូតូចុះទៅផឹកទឹកមួយភ្លែត ។ ហេតុការណ៍នេះបានកើតឡើងកាលពីវេលាម៉ោង៩និង៤០នាទីយប់ថ្ងៃទី៩ ខែមេសា ឆ្នាំ២០១៨ ត្រង់ចំណុចខាងមុខវិទ្យាល័យបាក់ទូក តាមបណ្តោយផ្លូវ១៦៩…
រាជធានីភ្នំពេញ ៖ រថយន្តមួយគ្រឿងបុកម៉ូតូកង់បីដែលឈប់តាមចិញ្ចើមផ្លូវពេញទំហឹងបណ្តាលអោយរងការខូចខាត ខណៈអ្នកបើកម៉ូតូចុះទៅផឹកទឹកមួយភ្លែត ។ ហេតុការណ៍នេះបានកើតឡើងកាលពីវេលាម៉ោង៩និង៤០នាទីយប់ថ្ងៃទី៩ ខែមេសា ឆ្នាំ២០១៨ ត្រង់ចំណុចខាងមុខវិទ្យាល័យបាក់ទូក តាមបណ្តោយផ្លូវ១៦៩ ស្ថិតក្នុងវាល់វង់ ខណ្ឌ៧មករា។
តាមប្រភពព័ត៌មានពីកន្លែងកើតហេតុបានអោយដឹងថា នៅមុនពេលកើតហេតុ គេឃើញបុរសជនជាតិចិនម្នាក់បើកបររថយន្តមួយគ្រឿងម៉ាក ឡិចស៊ីស RX៣៣០ ពណ៌ស្ករ ពាក់ស្លាកលេខ ភ្នំពេញ២AI-១២៤៧ ធ្វើដំណើរតាមបណ្តោយផ្លូវ១៦៩ ក្នុងទិសដៅពីត្បូងទៅជើង និងក្នុងល្បឿនលឿន លុះមកដល់ចំណុចកើតហេតុស្រាប់តែរេចង្កូតទៅខាងស្តាំទៅបុកគូទម៉ូតូកង់បីមួយគ្រឿងម៉ាកបាចា ពណ៌ក្រហម ពាក់ស្លាកលេខ ភ្នំពេញ១GV-៩៩៨៨ បើកបរដោយបុរសម្នាក់កំពុងតែឈប់ចតផឹកទឹកនៅចិញ្ចើមផ្លូវបុកចំពីក្រោយចំហៀងខាងឆ្វេងពេញទំហឹង បណ្តាលឲ្យម៉ូតូកង់បីរុលឡើងទៅលើឃឿនរងការខូចខាតក្រពឹតផ្នែកខាងក្រោយចំហៀងខាងឆ្វេង ចំណែករថយន្តរងការខូចខាតក្រពឹតកាងផ្នែកខាងមុខចំហៀងខាងស្តាំ តែមិនបានបណ្តាលអោយមនុស្សណាម្នាក់រងរបួសទេ។
ក្រោយពេលកើតហេតុ សមត្ថកិច្ចមូលដ្ឋាននិងសមត្ថកិច្ចជំនាញបានចុះមកដល់កន្លែងកើតហេតុ និងបានឲ្យភាគីទាំងពីរចរចាដោះស្រាយគ្នា ដោយភាគីខាងរថយន្តព្រមចេញសំណងចំនួន៣៥០ដុល្លារអោយទៅភាគីខាងម៉ូតូកង់បីដើម្បីបញ្ចប់រឿងនៅនឹងកន្លែងកើតហេតុ៕
ចែករំលែកព័តមាននេះ