រាជធានីភ្នំពេញ ៖ នៅព្រឹកថ្ងៃទី១០ ខែឧសភា ឆ្នាំ២០១៨ សកម្មភាពមន្រ្តីកាំកុងត្រូលផែស្ងួតចុងទីភ្នំពេញដោយទទួលបញ្ជាពីលោក គឹម មាសសុខសីហា អគ្គនាយករងកាំកុងត្រូលឱ្យចូលរួម ជាមួយ កម្លាំងប្រតិបត្តិការពិសេស នៃគណៈកម្មាធិការប្រយុទ្ធប្រឆាំងផលិតផលក្លែងក្លាយ ដែលបង្កគ្រោះថ្នាក់មានហនិភ័យខ្ពស់ដល់សុខភាព និងសុវត្ថិភាពសង្គម ហៅកាត់ គ.ប.ផ.ក ចុះត្រួតពិនិត្យសិប្បកម្មធ្វើ ទឹកម្ទេស ទឹកសៀង ទឹកប្រេងខ្យង ទឹកស៊ីអ៊ីវ ទឹកខ្មេះ មានច្បាប់ និងអត់ច្បាប់ស្ថិតនៅ ផ្ខះលេខ៧ ផ្លូវ៤២៨ ក្នុងសង្កាត់បឹងត្របែក ខណ្ឌចំការមន ។

ក្រោយពីការត្រួតពិនិត្យឃើញថា សិប្បកម្មនេះពុំទាន់មានច្បាប់ត្រឹមត្រូវទេ គណៈកម្មាធិការសំរេចឱ្យផ្អាកលក់បណ្តោះនូវផលិតផលទឹកម្ទេស ទឹកប្រេងខ្យងសិន រហូតតដល់មានច្បាប់គ្រប់គ្រាន់ទើបឱ្យដំណើរការឡើងវិញ ។

យើងបានយកគំរូចំនូន៥គំរូបញ្ជូនទៅមន្ទីរពិសោធន៍អគ្គនាយកដ្ឋានកាំកុងត្រូលដើម្បីរកសារធាតុគីមីហាមឃាត់ ។ ចំពោះវត្ថុតាងទាំងអស់ត្រូវបានរក្សាទុកនៅទីតាំងខាងលើដដែល ៕