អីក៏សាហា.វម្ល៉េះដល់ទៅផ្ទះ១៥ខ្នង
- កណ្តាល
ខេត្តកណ្ដាល ៖ ករណីភ្លៀងមួយមេ លាយឡំខ្យល់កន្ត្រាក់បានបោកបក់មកចំលើឃុំចំនួនពីរ ក្នុងស្រុកពញាឮ កាលពីម៉ោង២រសៀលថ្ងៃទី៩ ខែឧសភា បណ្ដាលឲ្យផ្ទះ១២ខ្នងប៉ើងដំបូល និងមួយខ្នងរលំ ។…
ខេត្តកណ្ដាល ៖ ករណីភ្លៀងមួយមេ លាយឡំខ្យល់កន្ត្រាក់បានបោកបក់មកចំលើឃុំចំនួនពីរ ក្នុងស្រុកពញាឮ កាលពីម៉ោង២រសៀលថ្ងៃទី៩ ខែឧសភា បណ្ដាលឲ្យផ្ទះ១២ខ្នងប៉ើងដំបូល និងមួយខ្នងរលំ ។
លោកដួង តេង អធិការនគរបាលស្រុកពញាឭបានឲ្យដឹងថា នៅវេលាកើតហេតុខាងលើមានភ្លៀងមួយមេ លាយឡំ និងខ្យល់កន្ត្រាក់បានបោកបក់មកចំឃុំពីរ គឺឃុំភ្នំបាត និងឃុំទំនប់ធំ ស្រុកពញាឮ បណ្ដាលឲ្យផ្ទះប៉ើងដំបូល និងរលំផ្ទះ១៥ខ្នង ។ នៅភូមិបន្ទាយតូច ឃុំភ្នំបាត ស្រុករងការខូចខាតចំនួន៧ខ្នងផ្ទះ រួមមានទី១ – ផ្ទះមួយខ្នងប្រក់ស័ង្កសី ដួលរាបដល់ដី ទំហំ ៦គុណ៩ម៉ែត្រ និងសម្ភារខូចខាតទាំងស្រុង ដែលម្ចាស់ផ្ទះឈ្មោះ ព្រំ ឆុង ភេទប្រុស ។ ទី២- ផ្ទះទំហំ៦គុណ៩ម៉ែត្រសង់ពីឈើប្រក់ស៊ីប្រូ របើកដំបូលចំនួន២៥សន្លឹក ម្ចាស់ផ្ទះឈ្មោះ ណៃ រ៉ា ភេទប្រុស ។ ទី៣- ផ្ទះទំហំ៦គុណ៩ម៉ែត្រ សង់ពីឈើលើ ថ្មក្រោមប្រក់ក្បឿង របើកក្បឿងចំនួន១០០សន្លឹក និងស៊ីប្រូមួយចំនួន ម្ចាស់ផ្ទះឈ្មោះ សាន សឺម ភេទប្រុស ។ ទី៤- ផ្ទះទំហំ៦គុណ១២ម៉ែត្រសង់ពីឈើប្រក់ស័ង្កសី របើកដំបូលចំនួន២៥សន្លឹក ម្ចាស់ផ្ទះឈ្មោះ សាន វណ្ណា ភេទប្រុស ។ទី៥ -ផ្ទះទំហំ៦គុណ៧ម៉ែត្រ សង់ពីឈើប្រក់ស័ង្កសី របើកដំបូលចំនួន២៥សន្លឹក ម្ចាស់ផ្ទះឈ្មោះ សូត្រ ទិត ភេទប្រុស ។ ទី៦- ផ្ទះទំហំ៦គុណ៧ម៉ែត្រ សង់ពីឈើប្រក់ស័ង្កសី របើកដំបូលចំនួន៥សន្លឹក ម្ចាស់ផ្ទះឈ្មោះ ហុំ គីម ភេទប្រុស ។ ទី៧- ផ្ទះទំហំ៥គុណ៦ម៉ែត្រសង់ពីឈើប្រក់ស័ង្កសី របើកដំបូលចំនួន៥សន្លឹក ម្ចាស់ផ្ទះឈ្មោះ ឃុត ឃួន ភេទប្រុស ។
នៅភូមិត្រពាំងអណ្ដូង ឃុំទំនប់ធំ រងការខូចខាតផ្ទះចំនួន៥ខ្នង ផ្ទះបាយ១ខ្នង រោងគោ១ និងរោងដាក់ចំបើង១រួម មាន៖ ផ្ទះទំហំ៤គុណ៥ម៉ែត្រ សង់ពីឈើប្រក់ស័ង្កសី របើកជញ្ជាំង និងដំបូលចំនួន៣សន្លឹក ម្ចាស់ផ្ទះ ឈ្មោះ នួន សុខណេង ភេទប្រុស ។ ផ្ទះទំហំ៦គុណ៨ម៉ែត្រ សង់ពីឈើប្រក់ក្បឿងរបើកដំបូលចំនួន២៧សន្លឹក ម្ចាស់ផ្ទះឈ្មោះ ហុន ជៀស ភេទប្រុស ។ ផ្ទះទំហំ៦គុណ៩ម៉ែត្រ សង់ពីឈើប្រក់ក្បឿងរបើកដំបូលចំនួន១៥សន្លឹក ម្ចាស់ផ្ទះឈ្មោះគង់ ខុន ភេទប្រុស ។ ផ្ទះទំហំ៦គុណ៧ម៉ែត្រសង់ពីឈើប្រក់ស័ង្កសីរបើ កដំបូលចំនួន៤សន្លឹក ម្ចាស់ផ្ទះឈ្មោះ ញឹង ចក់ ភេទប្រុស ។ ផ្ទះទំហំ៤គុណ៥ម៉ែត្រ សង់ពីឈើប្រក់ស័ង្កសីរបើកដំបូលចំនួន៥សន្លឹក ម្ចាស់ផ្ទះឈ្មោះ ពត ផាន ភេទប្រុស ។ រោងគោទំហំ៦គុណ៥ម៉ែត្រសង់ពីឈើប្រក់ស័ង្កសី ដួលរលំ ម្ចាស់ឈ្មោះ ទិល ម៉ូញ ភេទប្រុស ។ រោងសម្រាប់ដាក់ចំបើង សង់ពីឈើប្រក់ស័ង្កសី របើកដំបូល ម្ចាស់ឈ្មោះ ហម ជៀប ភេទប្រុស ។ ផ្ទះបាយទំហំ៣គុណ៤ម៉ែត្ររបើកដំបូលចំនួន៣សន្លឹក ម្ចាស់ផ្ទះឈ្មោះ ប្រាក់ សាមិត្ត ភេទស្រី ។
សរុបរងការខូចខាតរួមមានផ្ទះចំនួន១៥ខ្នង ផ្ទះបាយ១ខ្នង រោងគោ០១ និងរោងដាក់ចំបើង១ ។ ករណីខាងលើពុំបណ្ដាលឲ្យមានគ្រោះថ្នាក់ដល់មនុស្សទេ ៕
ចែករំលែកព័តមាននេះ