ករណី​ហិង្សា​នៅ​ទីលាន​ប្រជាធិបតេយ្យ​សាលាឧទ្ធរណ៍​សម្រេច​តម្កល់​ទោស


រាជធានី​ភ្នំពេញ ៖ ប្រធាន​ចៅក្រម​ជំនុំជម្រះ​លោក ប្លង់ សំណាង អនុប្រធាន​សាលាឧទ្ធរណ៍​កាលពី​ព្រឹក​ថ្ងៃ​១០ ខែឧសភា ឆ្នាំ​២០១៨​នេះ បាន​សម្រេច​ប្រកាស សាលដីកា​តម្កល់​ទោស​លោក មា​ជ សុ​វ​ណ្ណា​រ៉ា និង​បក្ខពួក​១០​នាក់​ទៀត​នៅ​ដដែល ពាក់ព័ន្ធ​ករណី​ហិង្សា​នៅ​ទីលាន​ប្រជាធិបតេយ្យ កាលពី​ឆ្នាំ​២០១៤ ។

ជនជាប់ចោទ​ទាំង​១១​នាក់​នេះ​រួម​មាន​ទី​១- មា​ជ សុ​វ​ណ្ណា​រ៉ា ទី​២- អឿ ណា​រិ​ត ទី​៣- ឃិ​ន រឿ​ន ត្រូវ​បាន​ផ្តន្ទាទោស ជាប់​ពន្ធនាគារ​កំណត់​ម្នាក់​ៗ២០​ឆ្នាំ ។ រីឯ​ទី​៤- នាង សុ​ឃុន ទី​៥- សាន គឹ​ម ហេង ទី​៦- ស៊ុ ពុ​ទ្ធី ទី​៧ – កែ ឃី​ម ហៅ​វិ​ន ឌី ទី​៨- ទេព ណា​រិ​ន ទី​៩- អាន បឋម ទី​៩- សាន សីហៈ និង​ទី​១១ – អ៊ុ​ក ពេជ្រ​សំណាង ត្រូវ​បាន​ផ្តន្ទាទោស​ឲ្យ​ជាប់​ពន្ធនាគារ​កំណត់​ម្នាក់​ៗ៧​ឆ្នាំ ។

គួរ​រំលឹក​ថា កាលពី​អំឡុង​ឆ្នាំ​២០១៥ កន្លង​ទៅ​សាលាដំបូង​រាជធានី​ភ្នំពេញ បាន​ផ្តន្ទាទោស​សកម្មជន និង​មន្ត្រី​គណបក្ស​សង្គ្រោះ​ជាតិ​ចំនួន​១១​រូប ចន្លោះ​ពី​៧​ឆ្នាំទៅ​២០​ឆ្នាំ ក្រោម​ការ​ចោទប្រកាន់​ពី​បទ​ចូលរួម​ក្នុង​ចលនា​កុបកម្ម​តាម​មាត្រា​៤៥៧ នៃ​ក្រមព្រហ្មទណ្ឌ និង​បទ​ដឹកនាំ​កុបកម្ម​តាម​មាត្រា​៤៥៩ នៃ​ក្រមព្រហ្មទណ្ឌ ប្រព្រឹត្ត​កាលពី​ថ្ងៃ​ទី​១៥ ខែកក្កដា ឆ្នាំ​២០១៤​នៅ​ស្ពាន​នាគ​ក្បែរ​ទីលាន​ប្រជាធិបតេយ្យ ក្នុង​សង្កាត់​វត្ត​ភ្នំ ក្នុង​ខណ្ឌដូនពេញ រាជធានី​ភ្នំពេញ ៕

Facebook Google Twitter Email

ព័ត៌មាន​ជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

ការស្ទង់មតិគេហទំព័រថ្មី




សូម​អរគុណ