រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា នៅខណៈវេលាព្រឹកថ្ងៃទី១០ ខែឧសភា ឆ្នាំ២០១៨ អភិបាលរាជធានីភ្នំពេញគាត់បានចុះត្រួតពិនិត្យស្ថានភាពប្រព័ន្ធទឹកស្អាត ដើម្បីតភ្ជាប់ជូនប្រជាពលរដ្ឋ នៅក្នុងសង្កាត់ភ្លើងឆេះរទេស ខណ្ឌពោធិ៍សែនជ័យ រាជធានីភ្នំពេញ ។
សេចក្តីរាយការណ៍បន្តថា ប្រជាពលរដ្ឋប្រមាណជា៨ ភូមិ ដែលមានរាប់ពាន់គ្រួសារមិនទាន់មានទឹកស្អាតប្រើទេ ។ នៅខណៈនេះអភិបាលរាជធានីភ្នំពេញ និងមន្ត្រីជំនាញរដ្ឋាករទឹកកំពុងតែពិនិត្យស្ថានភាពផងដែរ ។
អភិបាលរាជធានីភ្នំពេញ និងមន្ត្រីបានអះអាងថា នៅឆ្នាំ២០១៩ខាងមុននេះប្រជាពលរដ្ឋនៅសង្កាត់ភ្លើងឆេះរទេសនឹងមានទឹកស្អាតប្រើប្រាស់ ដោយបច្ចេកទេសនៅចុងឆ្នាំ២០១៨នេះនឹងមានការរៀបចំប្រព័ន្ធទុយោ តពីក្បាលរ៉ូម៉ាណេប្រព័ន្ធចែកចាយទឹកនឹងចូលទៅតំបន់ភ្លើងឆេះរទេស ។
បញ្ជាក់ ៖ ខណៈពេលអភិបាលរាជធានីភ្នំពេញចុះទៅដើម្បីដោះស្រាយ និងជួយសម្រួលដល់ប្រជាពលរដ្ឋមួយផ្នែក ដែលអត់ទឹកនោះមាន៨ភូមិ ចឹងអភិបាលរាជធានីភ្នំពេញ កំពុងតែសិក្សាមើលថា ត្រូវដឹកទឹកជូនពួកគាត់ ដើម្បីលក់ក្នុងតម្លៃថោក (ដូចតម្លៃរដ្ឋ) ប៉ុន្តែមិនទាន់ភ្ជាប់ទុយោទាន់ពេល ។ ជាចុងក្រិយអភិបាលរាជធានីភ្នំពេញ សម្រេចថា ជួយសម្រួលដឹកទឹកជួនប្រជាពលរដ្ឋ ដោយគិតក្នុងតម្លៃដូចរដ្ឋដដែល ៕
ចែករំលែកព័តមាននេះ