ខេត្តកំពង់ធំ ៖ ស្ដ្រីម្នាក់ធ្លាក់ពីរ៉ឺម៉ក់គោយន្តកន្ត្រៃកង់ក្រោយកិនស្លាប់យ៉ាងអាណោចអាធ័ម ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង០៧និង១០នាទីព្រឹក ថ្ងៃទី០៩ ខែឧសភា ឆ្នាំ២០១៨ នៅចំណុចលើផ្លូវក្រាលគ្រួសក្រហមមួយខ្សែ ស្ថិតក្នុងភូមិបឹង ឃុំមានរិទ្ធ…
ខេត្តកំពង់ធំ ៖ ស្ដ្រីម្នាក់ធ្លាក់ពីរ៉ឺម៉ក់គោយន្តកន្ត្រៃកង់ក្រោយកិនស្លាប់យ៉ាងអាណោចអាធ័ម ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង០៧និង១០នាទីព្រឹក ថ្ងៃទី០៩ ខែឧសភា ឆ្នាំ២០១៨ នៅចំណុចលើផ្លូវក្រាលគ្រួសក្រហមមួយខ្សែ ស្ថិតក្នុងភូមិបឹង ឃុំមានរិទ្ធ ស្រុកសណ្តាន់ ខេត្តកំពង់ធំ។
ស្ត្រីរងគ្រោះខាងលើឈ្មោះ លន ខោន ភេទស្រី អាយុ២៥ឆ្នាំ មានទីលំនៅ ភូមិបឹង ឃុំមានរិទ្ធ ស្ត្រីរងគ្រោះមានកូនចំនួន៣នាក់ ក្នុងនោះប្រុស២នាក់ ចំណែកប្តីឈ្មោះ ថោង ម៉ៅ អាយុ៣០ឆ្នាំត្រូវជាប្ដី ។
បើតាមសមត្ថកិច្ចបានឱ្យដឹងថា នៅមុនពេលកើតហេតុបុរសជាប្តីកំពុងបើកគោលយន្តកន្ត្រៃតាមផ្លូវ ស្រាប់តែស្ត្រីរងគ្រោះត្រូវជាប្រពន្ធធ្លាក់ពីលើរ៉ឺម៉កគោយន្តកន្ត្រៃ បណ្ដាលឲ្យកង់ខាងក្រោយកិនស្លាប់យ៉ាងអាណោចអាធ័មនៅនិងកន្លែងកើតហេតុតែម្តង ។
ក្រោយពេលកើតហេតុ សមត្ថកិច្ចបានធ្វើកំណត់ហេតុ និងប្រគល់សពស្ត្រីរងគ្រោះឲ្យទៅប្ដី និងក្រុមគ្រួសារ ដើម្បីចាត់ចែងធ្វើបុណ្យតាមប្រពៃណី៕
ចែករំលែកព័តមាននេះ