ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនខេត្ត សហការជាមួយកម្លាំងអធិការនគរបាលស្រុកស្វាយលើ បានចុះបង្ក្រាបករណីរជួញដូរ និងប្រើប្រាស់នូវសារធាតុញៀន ឈានដល់ធ្វើការឃាត់ខ្លួនបានជនសង្ស័យជាបន្តបន្ទាប់ចំនួន៩នាក់ រួចយកមកសួរនាំនៅការិយាល័យជំនាញ ដើម្បីរៀបចំកសាងសំណុំរឿងបញ្ជូនបន្ត ទៅតុលាការខេត្ត…
ខេត្តសៀមរាប ៖ កម្លាំងការិយាល័យប្រឆាំងគ្រឿងញៀនខេត្ត សហការជាមួយកម្លាំងអធិការនគរបាលស្រុកស្វាយលើ បានចុះបង្ក្រាបករណីរជួញដូរ និងប្រើប្រាស់នូវសារធាតុញៀន ឈានដល់ធ្វើការឃាត់ខ្លួនបានជនសង្ស័យជាបន្តបន្ទាប់ចំនួន៩នាក់ រួចយកមកសួរនាំនៅការិយាល័យជំនាញ ដើម្បីរៀបចំកសាងសំណុំរឿងបញ្ជូនបន្ត ទៅតុលាការខេត្ត ។ ការឃាត់ខ្លួនក្រុមជនជួញដូរ និងប្រើប្រាស់ថ្នាំញៀននោះធ្វើឡើងកាលពីថ្ងៃទី៧ ខែឧសភា ឆ្នាំ២០១៨ស្ថិតនៅភូមិត្រពាំងខ្នារ ឃុំស្វាយលើ ស្រុកស្វាយលើ ខេត្តសៀមរាប។
តាមប្រភពពីសមត្ថកិច្ចនគរបាលជំនាញបានឱ្យដឹងថា ជនសង្ស័យចំនួន៩នាក់ដែលសមត្ថកិច្ចនគរបាលជំនាញធ្វើការឃាត់ខ្លួនក្នុងនោះបានដកហូតវត្ថុតាងរួមមាន ម្សៅមេតំហ្វេតាមីនប្រភេទទឹកកកចំនួន៧កញ្ចប់ស្មើនឹងទម្ងន់២ក្រាម ទូរស័ព្ទដៃ២គ្រឿង និងឧបករណ៍ប្រើប្រាស់គ្រឿងញៀនមួយចំនួនទៀត។
បច្ចុប្បន្ន ជនសង្ស័យទាំង៩នាក់ រួមនឹងវត្ថុតាងត្រូវបានកម្លាំងនគរបាលជំនាញកសាងសំណុំរឿង បញ្ចូនទៅសាលាដំបូងខេត្ត ដើម្បីចាត់ការទៅតាមនីតិវិធីច្បាប់៕
ចែករំលែកព័តមាននេះ