គណៈប្រតិភូចុះសួរសុខទុក្ខកងកម្លាំងឈរជើរនៅប៉ុស្តិ៍ច្រកទ្វារទ្វេភាគីកំពង់ក្រសាំង
- តាកែវ
ខេត្តតាកែវ ៖ នៅព្រឹកថ្ងៃទី៩ ខែឧសភា ឆ្នាំ២០១៨ លោក អ៊ុក គឹមលេខ រដ្ឋលេខាធិការក្រសួងមហាផ្ទៃ អមដំណើរដោយ…
ខេត្តតាកែវ ៖ នៅព្រឹកថ្ងៃទី៩ ខែឧសភា ឆ្នាំ២០១៨ លោក អ៊ុក គឹមលេខ រដ្ឋលេខាធិការក្រសួងមហាផ្ទៃ អមដំណើរដោយ គណៈប្រតិភូក្រសួងមហាផ្ទៃ លោក អ៊ូច ភា អភិបាលខេត្តតាកែវ និងលោកឧត្តមសេនីយទោ សុខ សំណាង ស្នងការនគរបាលខេត្តតាកែវ បានអញ្ជើញចុះ ជួបសំណេះសំណាល និងសាកសួរសុខទុក្ខ ដល់មន្ត្រី និងកងកម្លាំងប្រដាប់អាវុធ ដែលឈរជើងនៅប៉ុស្តិ៍ច្រកទ្វារ ទ្វេភាគីកំពង់ក្រសាំង និងពិនិត្យខ្សែបន្ទាត់ព្រំដែនលេខ២៦០ ដែលស្ថិតនៅស្រុកបូរីជលសារ ខេត្តតាកែវ ព្រមទាំងធ្វើការស្វែង យល់ពីស្ថានភាពទូទៅរបស់ប្រជាពលរដ្ឋ ដែលរស់នៅតាមបន្ទាត់ព្រំដែនផងដែរ ។
នៅព្រឹកថ្ងៃដដែលនេះដែរ គណៈប្រតិភូក្រសួងមហាផ្ទៃ ដឹកនាំដោយ លោក អ៊ុក គឹមលេខ នឹងលោក អ៊ូច ភា អភិបាលខេត្ត បានបន្តដំណើរចុះជួបសំណេះសំណាលជាមួយកម្លាំង នគរបាលប៉ុស្តិ៍ច្រកទ្វារអន្តរជាតិភ្នំដិន និងពិនិត្យបង្គោល ព្រំដែនលេខ២៧៥ ព្រំដែនកម្ពុជា-វៀតណាម ដែលស្ថិតនៅស្រុកគីរីវង់ ខេត្តតាកែវ ៕
ចែករំលែកព័តមាននេះ