AFP ពីក្រុងញូវដេលីប្រទេសឥណ្ឌាផ្សាយថា លោកស៊ូនីល វ៉ើម៉ា (Sunil Verma) កូនកំលោះអាយុ២៥ឆ្នាំ ត្រូវគ្រាប់នៅត្រង់ដើមទ្រូងក្នុងពេលរៀបការតាមទំនៀមទម្លាប់របស់សាសនាហិណ្ឌូ កាលពីយប់ថ្ងៃទី២៩ មេសា២០១៨…
AFP ពីក្រុងញូវដេលីប្រទេសឥណ្ឌាផ្សាយថា លោកស៊ូនីល វ៉ើម៉ា (Sunil Verma) កូនកំលោះអាយុ២៥ឆ្នាំ ត្រូវគ្រាប់នៅត្រង់ដើមទ្រូងក្នុងពេលរៀបការតាមទំនៀមទម្លាប់របស់សាសនាហិណ្ឌូ កាលពីយប់ថ្ងៃទី២៩ មេសា២០១៨ ។
នៅក្នុងវីដេអូឃ្លីបបានបង្ហាញឲ្យឃើញមនុស្សម្នាក់ជាមិត្តរបស់កូនកំលោះកំពុងកាន់កាំភ្លើងនៅដៃ ហើយគ្រាប់បានផ្ទុះឡើងភ្លាមនោះកូនកំលោះក៏យកដៃក្ដោបដើមទ្រូង និងដួលផ្កាប់មុខ ។
លោក Ghanshyam Chaurasiya ប៉ូលិសនៅក្រុងLakhimpur Kheri ថ្លែងថា ជនសង្ស័យបានសារភាពថា ជាអ្នកបាញ់ ប៉ុន្តែកំពុងស៊ើបអង្កេតបន្ត ។
ជាដំបូងជនសង្ស័យបានគេចខ្លួន ប៉ុន្តែប៉ូលិសតាមចាប់កាលពីថ្ងៃទី១ មេសាកន្លងមក ដោយទទួលការចោទប្រកាន់ពីបទធ្វើឃាត ហើយកាំភ្លើងនោះចុះបញ្ជីត្រឹមត្រូវ និងបាញ់ចំនួន២គ្រាប់ ។ ទោះបីជាមានច្បាប់ហាមឃាត់នៅឥណ្ឌាក៏ដោយ ប៉ុន្តែការបាញ់ជាកិច្ចអបអរនៅក្នុងពិធីរៀបអាពាហ៍ពិពាហ៍ ឬពិធីបុណ្យផ្សេងៗ ចាត់ទុកថា ជារឿងប្រក្រតីនៅក្នុងប្រទេសនេះ ហើយក៏មានពេលខ្លះកើតមានរឿងហេតុគួរឲ្យតក់ស្លុតផងដែរ ៕
ចែករំលែកព័តមាននេះ