ខេត្តប៉ៃលិន ៖ ដោយសារតែមេឃបង្អុរភ្លៀងធ្លាក់ជោកជាំរាល់ថ្ងៃអស់រយៈពេលជាង១អាទិត្យមកហើយជាហេតុធ្វើឱ្យជំនន់ទឹកភ្លៀងលិចផ្លូវលំ និងផ្លូវជាតិជាច្រើនកន្លែងជាពិសេសស្ថិតនៅមុខអនុសាលាកាកបាទក្រហមស្រុកសាលាក្រៅ ក្នុងភូមិអូររអិល ឃុំស្ទឹងកាច់ ស្រុកសាលាក្រៅ ដែលមានទឹកហូរចូលច្រើនបណ្តាលឱ្យដក់ និងស្ទះហូរកាត់ផ្លូវជាតិ ទើបកាលពីព្រឹកថ្ងៃទី០៥…
ខេត្តប៉ៃលិន ៖ ដោយសារតែមេឃបង្អុរភ្លៀងធ្លាក់ជោកជាំរាល់ថ្ងៃអស់រយៈពេលជាង១អាទិត្យមកហើយជាហេតុធ្វើឱ្យជំនន់ទឹកភ្លៀងលិចផ្លូវលំ និងផ្លូវជាតិជាច្រើនកន្លែងជាពិសេសស្ថិតនៅមុខអនុសាលាកាកបាទក្រហមស្រុកសាលាក្រៅ ក្នុងភូមិអូររអិល ឃុំស្ទឹងកាច់ ស្រុកសាលាក្រៅ ដែលមានទឹកហូរចូលច្រើនបណ្តាលឱ្យដក់ និងស្ទះហូរកាត់ផ្លូវជាតិ ទើបកាលពីព្រឹកថ្ងៃទី០៥ ខែមេសា ឆ្នាំ២០១៨ អាជ្ញាធរបានរៀបចំដាក់ប្រព័ន្ធលូដើម្បីរំដោះទឹកការពារកុំឱ្យជន់លិចផ្លូវជាតិ ។
ប្រភពព័ត៌មានពីលោក មាស សាវ៉ាត មេភូមិផ្សារព្រំបានឱ្យដឹងថា បន្ទាប់ពីភ្លៀងឥតឈប់អស់រយៈពេលជាច្រើនថ្ងៃកន្លងមកនេះធ្វើឱ្យទឹកលិចច្រកអន្តរជាតិព្រំលិចផ្លូវចូលទៅចំណុចសំបុកចាបថ្មី ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ហើយក៏ទឹកភ្លៀងក៏បានលិចដល់ប្រឡាយមុខអនុសាខាកាកបាទក្រហមខេត្តប៉ៃលិនទើបខាងសាខាកាកបាទក្រហមខេត្តបានឱ្យលោកទិញលូចំនួន១១កង់ស្មើនឹង១១ម៉ែត្រ យកទៅដាក់នៅត្រង់ចំណុចខាងលើការពារកុំឱ្យទឹកលិចផ្លូវចូលអនុសាខា និងហៀរហូរដល់ផ្លូវជាតិលំបាកក្នុងការធ្វើដំណើរ ។
លោកបន្តទៀតថា បន្ទាប់ពីដាក់ប្រព័ន្ធលូរួចលោកនឹងឱ្យរថយន្តដឹកដីយកទៅចាក់បំពេញដើម្បីឱ្យពង្រាបឱ្យស្មើរួចបង្កើតសួនច្បារដាំដើមផ្កា លម្អផ្លូវចូល និងរៀបចំក្រាលឥដ្ឋ បង្កើតជាទេសភាពស្រស់ស្អាតនៅក្បែរផ្លូវជាតិផងដែរ ៕
ចែករំលែកព័តមាននេះ