រាជធានីភ្នំពេញ ៖ រថយន្តដឹកប្រហិតមួយគ្រឿង បើកបរដោយខ្វះការប្រុងប្រយ័ត្នបានទៅបុកពីក្រោយ ម៉ូតូធំមួយគ្រឿង មិនបណ្តាលឱ្យម៉ូតូធំដួលនោះទេ តែបានបាក់កន្ទុយម៉ូតូផ្នែកខាងក្រោយរងកាខូតខាតយ៉ាងដំណំផងដែរ។ ក្នុងហេតុការណ៍នោះមិនមានមនុស្សណាម្នាក់រងគ្រោះថ្នាក់ឡើយ ។ …
រាជធានីភ្នំពេញ ៖ រថយន្តដឹកប្រហិតមួយគ្រឿង បើកបរដោយខ្វះការប្រុងប្រយ័ត្នបានទៅបុកពីក្រោយ
ម៉ូតូធំមួយគ្រឿង មិនបណ្តាលឱ្យម៉ូតូធំដួលនោះទេ តែបានបាក់កន្ទុយម៉ូតូផ្នែកខាងក្រោយរងកាខូតខាតយ៉ាងដំណំផងដែរ។ ក្នុងហេតុការណ៍នោះមិនមានមនុស្សណាម្នាក់រងគ្រោះថ្នាក់ឡើយ ។
ករណីគ្រោះថ្នាក់ចរាចរណ៍នេះដែរ បានកើតឡើងកាលពីវេលាម៉ោង៣និង៣០នាទីរសៀលថ្ងៃទី៦ ខែឧសភា ឆ្នាំ ២០១៨ នៅចំណុចផ្លូវលេខ២៧១កែងនិងផ្លូវលេខ៤៣២ ក្នុងសង្កាត់ទួលទំពូងទី២ ខណ្ឌចំការមន។
តាមប្រភពព័ត៌មានពីសមត្ថកិច្ចបានឱ្យដឹងថា មុនពេលកើតហេតុ ម៉ូតូធំពណ៌ខ្មៅ ពាក់ស្លាកលេខ ភ្នំពេញ១FG- ៧៧៧៧ មួយគ្រឿង ដែលបើកបរដោយបុរសម្នាក់ធ្វើដំណើរតាមបណ្តោយផ្លូវលេខ២៧១ ក្នុងទិសដៅពីត្បូងទៅជើង។ លុះមកដល់ចំណុចកើតហេតុខាងលើ ស្រាប់តែមានរថយន្តដឹកប្រហិតមូយគ្រឿង ពណ៌លឿង ពាក់ស្លាកលេខភ្នំពេញ ២AA-៤៦៨៦ បើកបរក្នុងទិសដៅស្របទិសគ្នាមកបុកម៉ូតូធំពីក្រោយ តែមិនបានបណ្តាលអោយម៉ូតូធំនោះដួលទេ ហើយក៏មិនបានបង្កអោយអ្នកបើកបររងរបួសដែរ។
ក្រោយពេលកើតហេតុ កម្លាំងសមត្ថកិច្ចមូលដ្ឋាន និងជំនាញចរាចរណ៍ខណ្ឌចំការមនក៏បានចុះមកដល់ធ្វើការវាស់វែង និងយកទាំងរថយន្តបង្ក និងម៉ូតូធំរងគ្រោះទៅធ្វើការដោះស្រាយគ្នា ដោយភាគីខាងរថយន្តបង្កចេញថ្លៃជួសជុលទៅអោយភាគីម៉ូតូធំ ដើម្បីបញ្ចប់រឿងនៅនឹងកន្លែងកើតហេតុភ្លាមៗផងដែ ៕
ចែករំលែកព័តមាននេះ