ខេត្តកំពង់ធំ ៖ បុរសម្នាក់ធ្លាក់ពីលើរទេះក្របី បណ្តាលឲ្យស្លាប់យ៉ាងអណោចអធម៌ដែលបានបង្កឲ្យមានការភ្ញាក់ផ្អើលមួយកើតឡើងកាលពីយប់កាលពីថ្ងៃទី០៤ ខែឧសភា ឆ្នាំ២០១៨ នៅចំណុចថ្លុកគ្រើល ស្ថិតក្នុងភូមិល្អក់ ឃុំកំពង់ថ្ម ស្រុកសន្ទុក…
ខេត្តកំពង់ធំ ៖ បុរសម្នាក់ធ្លាក់ពីលើរទេះក្របី បណ្តាលឲ្យស្លាប់យ៉ាងអណោចអធម៌ដែលបានបង្កឲ្យមានការភ្ញាក់ផ្អើលមួយកើតឡើងកាលពីយប់កាលពីថ្ងៃទី០៤ ខែឧសភា ឆ្នាំ២០១៨ នៅចំណុចថ្លុកគ្រើល ស្ថិតក្នុងភូមិល្អក់ ឃុំកំពង់ថ្ម ស្រុកសន្ទុក ខេត្តកំពង់ធំ ។
សមត្ថកិច្ចបានឲ្យដឹងថា ជនរងគ្រោះមានឈ្មោះ ខាត់ ពៅ ហៅសុខ ភេទប្រុស អាយុ៤៦ឆ្នាំ ជនជាតិខ្មែរ មុខរបរកសិករនៅភូមិឃុំកើតហេតុខាងលើ បើយោងតាមការបំភ្លឺរបស់ឈ្មោះ ឡេង ឃឿន ភេទស្រី អាយុ៣៥ឆ្នាំ ត្រូវជាប្រពន្ធសពបានឲ្យដឹងថា ប្តីរបស់នាងដែលជាជនរងគ្រោះឈ្មោះ ខាត់ ពៅ កន្លងមកតែងទៅតំបន់ត្រពាំងឫស្សីនៅខាងជើងភូមិល្អក់ ដែលមានចំងាយប្រហែលជាងមួយពាន់ម៉ែត្រពីភូមិ ដោយបរទេះក្របី ដែលមានកូនក្របីតូចធំ៥ក្បាល ចងពីក្រោយរទេះមានកង់ចាស់មួយ និងមងដើម្បីរកត្រី និងឃ្វាលក្របីនៅទីនោះដល់ពេលល្ងាចទើបត្រឡប់មកផ្ទះវិញ ពុំដែលខាននោះទេ ។
រីឯក្របីរបស់គាត់នោះកន្លងមកនៅពេលដែលយកមកទឹមរទេះវាតែងផ្អើលអូសទាំងរទេះធ្លាក់មនុស្សចំនួនពីរលើករួចមកហើយ លុះនៅយប់ថ្ងៃកើតហេតុខាងលើបាត់ប្តីមិនឃើញត្រឡប់មកផ្ទះវិញដូចសព្វដង រូបគាត់ក៏បានទៅពឹងឈ្មោះ ហុន ផល្លា ភេទប្រុស អាយុ២៩ឆ្នាំ ជាអ្នកជិតខាងឲ្យជួយជូនទៅចំណុចត្រពាំងឫស្សីខាងលើបានដើរទៅរកតាមផ្លូវដល់ចំណុចថ្លុកគ្រើលក៏បានប្រទះឃើញរទេះក្របីនៅទីនោះ ឃើញតែក្របីម្ខាងខាងស្តាំ បាត់ខាងឆ្វេងមិនឃើញក៏នាំគ្នាបន្តដើរររកប្តីនាងទៀត រហូតដល់កន្លែងដាក់មងនៅតែមិនឃើញក៏នាំគ្នាមកកន្លែងរទេះវិញ ស្រាយក្របីដឹកយកទៅផ្ទះនៅពេលទៅដល់ផ្ទះដោយមានការមិនអស់ចិត្តសោះបាត់ប្តីមិនដឹងទៅណាឃើញតែរទេះ និងក្របីក៏បបូលបងប្អូនជិតខាងបានបួនដប់នាក់ទៅជួយរកម្តងទៀតទៅរកនៅម្តុំកន្លែងរទេះដោយយប់ងងឹតនាំគ្នាកាន់ពិលដើររកមួយសន្ទុះ ក៏ប្រទះឃើញសពប្តីរបស់នាងដេកស្លាប់ក្បែរផ្លូវរទេះក៏នាំគ្នាលើកសពដាក់លើរទេះ រួចអូសយកទៅតម្កល់លើផ្ទះ ។
ក្រោយបានដឹងព័ត៌មានកម្លាំងជំនាញយើងបានសហការណ៍ជាមួយលោកនាយប៉ុស្តិ៍កំពង់ថ្មចុះទៅដល់កន្លែងកើតហេតុ និងបានលោកមេភូមិល្អក់ និងប្រជាពលរដ្ឋនៅទីនោះចូលរួម ដើម្បីពិនិត្យកន្លែងកើតហេតុ ឃើញនៅលើក្បាលប៉ែកខាងក្រោយរបស់សពមានស្នាមពក លើទងត្រចៀកខាងស្តាំមានស្នាមមុត ក្រៅពីនេះពុំមានស្លាកស្នាមអ្វីកត់សំគាល់ឡើយទើបធ្វើការសនិដ្ឋានថា ជនរងគ្រោះពិតជាស្លាប់ដោយសារធ្លាក់ពីលើរទេះផ្ងារក្រោយ ដោយបោកក្បាលនឹងដី ។ មូលហេតុ ក្របីដែលបរនោះវាផ្អើលក្រោយពិនិត្យយើងបានប្រគល់សពជូនក្រុមគ្រួសារយកធ្វើបុណ្យតាមប្រពៃណី ៕
ចែករំលែកព័តមាននេះ