រាជធានីភ្នំពេញ ៖ បុរសម្នាក់បានជិះម៉ូតូចេញពីកន្លែងផឹកស៊ីទៅផ្ទះដល់មុខផ្ទះមួយ ហើយក៍ឈប់បត់ជើងតូច ស្រាប់តែលេចមុខជនសង្ស័យមួយក្រុមបានធ្វើសកម្មភាពកាច់កម៉ូតូ ពេលម្ចាស់ឃើញទាន់ក៏គំរាមថា «បើហ៊ានស្រែកប្រយត្ន័អញបាញ់ស្លាប់» រួចក្រុមជនសង្ស័យយកម៉ូតូជិះគេចខ្លួនដោយសុវត្ថិភាព ហេតុការណ៍ខាងលើនេះបានកើតឡើងកាលពីវេលាម៉ោង២រំលងអធ្រាត្រឈានចូលថ្ងៃ៦ ខែឧសភា…
រាជធានីភ្នំពេញ ៖ បុរសម្នាក់បានជិះម៉ូតូចេញពីកន្លែងផឹកស៊ីទៅផ្ទះដល់មុខផ្ទះមួយ ហើយក៍ឈប់បត់ជើងតូច ស្រាប់តែលេចមុខជនសង្ស័យមួយក្រុមបានធ្វើសកម្មភាពកាច់កម៉ូតូ ពេលម្ចាស់ឃើញទាន់ក៏គំរាមថា «បើហ៊ានស្រែកប្រយត្ន័អញបាញ់ស្លាប់» រួចក្រុមជនសង្ស័យយកម៉ូតូជិះគេចខ្លួនដោយសុវត្ថិភាព ហេតុការណ៍ខាងលើនេះបានកើតឡើងកាលពីវេលាម៉ោង២រំលងអធ្រាត្រឈានចូលថ្ងៃ៦ ខែឧសភា ឆ្នាំ២០១៨ នៅចំណុចមុខផ្ទះលេខ៥៣ ផ្លូវលេខ៣២២ សង្កាត់បឹងកេងកង១ ខណ្ឌចំការមន ។
ម្ចាស់ម៉ូតូឈ្មោះទុយ ទេវន្ត័ អាយុ២៣ឆ្នាំ បានឱ្យដឹងថា មុនពេលកើតហេតុ គាត់បានផឹកស៊ីនៅក្នុងហាងមួយកន្លែង ពេលផឹករួចគេក៍ចេញទៅរកផ្ទះមិត្តភក្តិដេកមួយយប់សិន ពេលកំពុងធ្វើដំណើរ គាត់ក៏បានឈប់នៅមុខផ្ទះមួយ ហើយបត់ជើងតូច ស្រាប់តែមានជនសង្ស័យមួយក្រុមជិះមកជិតបានធ្វើសកម្មភាពកាច់កម៉ូតូ ពេលនោះគាត់ឃើញទាន់ តែត្រូវជនសង្ស័យគំរាមថា «បើហ៊ានស្រែកប្រយ័ត្នអញបាញ់» ។
ហេតុការណ៍ខាងលើ សមត្ថកិច្ចកំពុងតែធ្វើការសាកសួរ និងដុតដៃដុតជើងតាមដានករណីមួយនេះ ៕
ចែករំលែកព័តមាននេះ