រាជធានីភ្នំពេញ ៖ មានករណីបើករថយន្តបុកក្បាលនាគពុះចែកទ្រូងផ្លូវបាក់អស់មួយកង់ ហើយម្ចាស់រថយន្តបានយកក្រណាត់គ្រប់រថយន្តជិត ដើម្បីកុំឲ្យឃើញស្លាកលេខ ផ្អើលរថយន្តសង្គ្រោះគ្លីនិកឯកជនមកដឹកអ្នករងរបួសយកទៅព្យាបាល ។ គ្រោះថ្នាក់នេះកើតឡើងនៅវេលាម៉ោង១២និង១០នាទីរំលងអធ្រាត្រឈានចូលថ្ងៃទី០៦ ខែឧសភា ឆ្នាំ២០១៨…
រាជធានីភ្នំពេញ ៖ មានករណីបើករថយន្តបុកក្បាលនាគពុះចែកទ្រូងផ្លូវបាក់អស់មួយកង់ ហើយម្ចាស់រថយន្តបានយកក្រណាត់គ្រប់រថយន្តជិត ដើម្បីកុំឲ្យឃើញស្លាកលេខ ផ្អើលរថយន្តសង្គ្រោះគ្លីនិកឯកជនមកដឹកអ្នករងរបួសយកទៅព្យាបាល ។ គ្រោះថ្នាក់នេះកើតឡើងនៅវេលាម៉ោង១២និង១០នាទីរំលងអធ្រាត្រឈានចូលថ្ងៃទី០៦ ខែឧសភា ឆ្នាំ២០១៨ នៅចំណុចស្តុបដេអិន តាមផ្លូវ២១៥កែងផ្លូវ១៣៨ សង្កាត់មិត្តភាព ខណ្ឌ៧មករា ។
ប្រភពព័ត៌មានបានប្រាប់ថា រថយន្តកាមរីពណ៌ស្ករ បើកបរបោះពួយយ៉ាងលឿន ទិសដៅពីកើតទៅលិច លុះមកដល់ចំណុចកើតហេតុមិនដឹងថា ស្ត្រី ឬបុរសអ្នកបើកបរស្រវឹង ឬមូលហេតុអ្វីទេ ជ្រុលទៅបុកទ្រូងពុះចែកផ្លូវបាក់អស់មួយកង់ ស្រាប់តែមានបុរសម្នាក់ចេញពីក្នុងរថយន្តបានយកក្រណាត់គ្របរថយន្តទៅគ្របរថយន្តពីលើ ធ្វើឲ្យអ្នកឃើញហេតុការណ៍សង្ស័យថា មានអ្នករបួសធ្ងន់ផ្អើលរថយន្តសង្គ្រោះបន្ទាន់គ្លីនិកឯកជនមកដឹកអ្នករងរបួសផងដែរ តាមពិតគ្មានអ្នករបួសសោះ ម្ចាស់រថយន្តគ្រប ដើម្បីកុំឲ្យអ្នកយកព័ត៌មានថតជាប់ស្លាកលេខរថយន្តរបស់គាត់តែប៉ុណ្ណោះ ។
ក្រោយកើតហេតុម្ចាស់រថយន្តរត់គេចខ្លួនបាត់ នៅសល់តែរថយន្តប្រគល់ឲ្យការិយាល័យ នគរបាលចរាចរណ៍ផ្លូវគោកស្នងការរាជធានីភ្នំពេញចាត់ការតាមច្បាប់ ៕
ចែករំលែកព័តមាននេះ