ខេត្តប៉ៃលិន ៖ តាមសេចក្តីរាយការណ៍បានឱ្យដឹងថា កាលពីវេលាម៉ោង៨និង១៥នាទីព្រឹកថ្ងៃទី៣ ខែឧសភា ឆ្នាំ២០១៨ មានករណីហិង្សាមួយបានកើតឡើងនៅចំណុចចំការដំឡូងមីតាផុន ស្ថិតក្នុងភូមិអូររអិល ឃុំស្ទឹងកាច់ ស្រុកសាលាក្រៅ…
ខេត្តប៉ៃលិន ៖ តាមសេចក្តីរាយការណ៍បានឱ្យដឹងថា កាលពីវេលាម៉ោង៨និង១៥នាទីព្រឹកថ្ងៃទី៣ ខែឧសភា ឆ្នាំ២០១៨ មានករណីហិង្សាមួយបានកើតឡើងនៅចំណុចចំការដំឡូងមីតាផុន ស្ថិតក្នុងភូមិអូររអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដែលបង្កឈ្មោះ ដាត ណាត ហៅប្រុស ភេទប្រុស អាយុ៣៣ឆ្នាំ ត្រូវជាបង បានយកដងស្នារវាយទៅលើឈ្មោះ ដាត នឿន ភេទប្រុស អាយុ៣០ឆ្នាំ ត្រូវជាប្អូន ចំត្រង់ក និងមាត់ បណ្តាលឱ្យរងរបួសសន្លប់នៅនឹងកន្លែង រួចរត់គេចខ្លួនបាត់ ។ ទាំង២នាក់ជាបងប្អូនបង្កើតរស់នៅភូមិកើតហេតុខាងលើ ដោយបច្ចុប្បន្នជនរងគ្រោះ ត្រូវបានក្រុមគ្រួសារបញ្ជូនទៅសង្គ្រោះនៅមន្ទីរពេទ្យបង្អែកខេត្តប៉ៃលិន ។
ប្រភពព័ត៌មានបានឱ្យដឹងថា មុនពេលកើតហេតុ គេឃើញបងប្អូនទាំងពីរនាក់នេះបានឈ្លោះប្រកែកតិចតួចពាក់ព័ន្ធនឹងរឿងច្រណែនគ្នានឹងរបស់ទ្រព្យដែលឪពុកម្តាយចែកឱ្យមិនស្មើគ្នា ហើយអ្នកទាំងពីរក៏នាំគ្នាធ្វើដំណើរទៅចម្ការ ដើម្បីជួយបាញ់ស្មៅឪពុករបស់ខ្លួន ស្រាប់តែនៅបន្តប្រកែកគ្នាចុះឡើងៗនៅទីនោះទៀត ទើបក្រោយមកបងប្រុសទ្រាំមិនបានក៏ទាញដងស្នាវាយទៅលើប្អូន បណ្តាលឱ្យចំក និងមាត់ដួលសន្លប់នៅនឹងកន្លែង ហើយត្រូវបានអ្នកជិតខាងឃើញក៏ស្រែកឆោរឡោ ទើបជនបង្ករត់គេចខ្លួនតែម្តង ។
ក្រោយពេលកើតហេតុ សមត្ថកិច្ចនគរបាលបានចុះទៅដល់កន្លែង រួចតាមចាប់ឃាត់ខ្លួនជនបង្កយកទៅអធិការដ្ឋាននគរបាលស្រុកសាលាក្រៅដើម្បីចាត់ការតាមនីតិវិធី ៕
ចែករំលែកព័តមាននេះ