រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា នៅខណៈព្រឹកនេះសមត្ថកិច្ចចម្រុះចុះអនុវត្តសាដីកាតុលាការកំពូល ហើយក៏មានការផ្ទុះការតវ៉ា ដោយអ្នកចាញ់ស្រែកថា អយុត្តិធម៌ និងបានត្រៀមកង់ឡាន ដើម្បីដុតផងដែរ ដែលមានទីតាំងភូមិគោកឃ្លាំង…
រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា នៅខណៈព្រឹកនេះសមត្ថកិច្ចចម្រុះចុះអនុវត្តសាដីកាតុលាការកំពូល ហើយក៏មានការផ្ទុះការតវ៉ា ដោយអ្នកចាញ់ស្រែកថា អយុត្តិធម៌ និងបានត្រៀមកង់ឡាន ដើម្បីដុតផងដែរ ដែលមានទីតាំងភូមិគោកឃ្លាំង សង្កាត់សែនសុខ ។
សាដីកាដែលត្រូវអនុវត្តគឺលេខ៣១៧ «ញ» ចុះថ្ងៃទី២០ តុលា ឆ្នាំ២០១៧ រវាងដើមបណ្តឹងឈ្មោះ ស៊ុយ លាង ភេទស្រី អាយុ៦៣ឆ្នាំ និងចុងចម្លើយ គឺបាន សារុំ អាយុ៥០ឆ្នាំ ។
នៅក្នុងប្រតិបត្តិការណ៍នេះដឹកនាំដោយលោកហ៊ឹង ប៊ុនថន ព្រះរាជអាជ្ញារងអមសាលាដំបូង និងលោកម៉ោង សុភាព អាជ្ញាសាលានៃសាលាដំបូង ។
នៅពេលសមត្ថកិច្ចចុះទៅ គឺដើម្បីរឹបអូសដីទំហំ១១០ម៉ែត្រការ៉េ ដែលជាឈ្មោះ បានសារុំ ជាអ្នកចុងចម្លើយ បានសាងសង់លើដីអ្នកឈ្នះ ហើយទោះបីជាយ៉ាងណាប្រជាពលរដ្ឋរួមទាំងអ្នកចាញ់ គឺប្រមាណជា៣០ ទៅ៤០នាក់ បានផ្ទុះការតវ៉ា ហើយស្រែកថា អយុត្តិធម៌ ។
បញ្ជាក់ ៖ ការអនុវត្តសាដីកាតុលានេះពុំបានសម្រេចទេ បន្ទាប់ពីប្រជាពលរដ្ឋធ្វើការតវ៉ា ដោយស្រែកថា អយុត្តិធម៌ និងត្រៀមកងឡានដើម្បីដុតនោះ ។ នៅពេលនោះមន្ត្រី និងអាជ្ញាធរក៏បានពន្យាពេល និងដកថយវិញផងដែរ ៕
ចែករំលែកព័តមាននេះ