ខេត្តបន្ទាយមានជ័យ ៖ កម្លាំងនគរបាលរួមជាមួយមន្ត្រីនឹងប្រជាពលរដ្ឋប្រមាណ២០នាក់បានធ្វើស្ពានឆ្លងផ្លូវសម្រាប់ប្រជាពលរដ្ឋ៤ភូមិឆ្លងកាត់នៅថ្ងៃទី២ ខែឧសភា ឆ្នាំ២០១៨ ស្ថិតភូមិកូបតូច ឃុំគុត្តសោធ ស្រុកអូរជ្រៅ។ លោកវរៈសេនីយ៍ទោ សេស…
ខេត្តបន្ទាយមានជ័យ ៖ កម្លាំងនគរបាលរួមជាមួយមន្ត្រីនឹងប្រជាពលរដ្ឋប្រមាណ២០នាក់បានធ្វើស្ពានឆ្លងផ្លូវសម្រាប់ប្រជាពលរដ្ឋ៤ភូមិឆ្លងកាត់នៅថ្ងៃទី២ ខែឧសភា ឆ្នាំ២០១៨ ស្ថិតភូមិកូបតូច ឃុំគុត្តសោធ ស្រុកអូរជ្រៅ។
លោកវរៈសេនីយ៍ទោ សេស វិបុល អធិការនគរបាលស្រុកអូរជ្រៅបានប្រាប់ថា ស្ពានឈើដែលត្រូវធ្វើបណ្តុះអាសន្ននេះមានប្រវែង៩ម៉ែត្រនិងទទឹង៤ម៉ែត្រដែលតភ្ជាប់សម្រាប់ប្រជាពលរដ្ឋ៤ភូមិធ្វើដំណើរឆ្លងកាត់មាន ភូមិកូបតូច ភូមិគុត្តសោធ ភូមិយាយអោត ភូមិយាយអតស្ថិតក្នុងឃុំគុត្តសោធស្រុកអូរជ្រៅ។
លោកបានបញ្ជាក់ថា ស្ពានឈើដែលត្រូវធ្វើបណ្តោះអាសន្ននេះគឺខូចអស់រយៈពេលជាច្រើនឆ្នាំមកហើយ ទើបឃុំ-សង្កាត់មានគម្រោងកសាងស្ពាន ព្រោះពេលដែលមានភ្លៀងធ្លាក់ បណ្តាលទឹកលិចផ្លូវធ្វើអោយប្រជាពលរដ្ឋ៤ភូមិជួបការលំបាកក្នុងការធ្វើដំណើរ ។ ដោយឃើញពីទុក្ខលំបាកទាំងអស់នេះ ទើបលោកឧត្តមសេនីយ៍ទោ អាត់ ខែម ស្នងការនគរបាលខេត្ត រួមជាមួយនឹងលោក លី សុវណ្ណារិទ្ធ អភិបាលស្រុកអូរជ្រៅ បានដឹកនាំកម្លាំងធ្វើស្ពានឈើបណ្តោះអាសន្ននេះសម្រាប់ប្រជាពលរដ្ឋឆ្លងកាត់។
លោកឧត្តមសេនីយ៍ទោ អាត់ ខែម ស្នងការនគរបាលខេត្តបានបញ្ជាក់ថា ដោយយកចិត្តទុកដាក់ទៅលើការលំបាករបស់បងប្អូនប្រជាពលរដ្ឋ ទើបលោកឧបនាយករដ្ឋមន្ត្រី កែ គឹមយ៉ាន និងជំទាវ ម៉ៅ ម៉ាល័យ បានជួយឧបត្តម្ភថវិកាទិញឈើអោយកម្លាំងនគរបាលស្រុកអូរជ្រៅ និងមន្ត្រីរាជការ រួមនឹងប្រជាពលរដ្ឋបានកសាងស្ពានឈើបណ្តោះអាសន្នសម្រាប់ប្រជាពលរដ្ឋឆ្លងកាត់នៅរដូវវស្សានេះ៕
ចែករំលែកព័តមាននេះ