ខេត្តក្រចេះ ៖ ពលរដ្ឋរស់នៅក្នុងសង្កាត់កោះទ្រង់ ក្រុងក្រចេះ ប្រមាណជាង៦០%សព្វថ្ងៃ ទទួលបានចំណូលដោយផ្ទាល់តាមរយៈទេសចណ៍ ។ ចំណូលដែលពួកគាត់ទទួលបានពីទេសចរណ៍នោះ រួមមានដូចជា ការបរទេះសេះ និងរទេះគោដឹកភ្ញៀវទេសចរ ការដឹកភ្ញៀវតាមម៉ូតូ ក៏ដូចជាជួលកង់ និងការធ្វើនំចំណីម្ហូបអាហារ សម្រាប់លក់ឱ្យភ្ញៀវទេសចរជាដើម ។
កោះទ្រង់ គឺជាកោះមួយមានទីតាំងនៅកណ្តាលទន្លេមេគង្គ ទល់មុខក្រុងក្រចេះ ។ កោះនេះ ត្រូវបានកាត់
ចូលជាសង្កាត់ក្នុងក្រុងក្រចេះ និងបានចែកចេញជា២ភូមិ គឺភូមិចុងកោះនិងភូមិក្បាលកោះ ។ អត្រាពលរដ្ឋរស់នៅលើដីកោះ មានចំនួន៤២៥គ្រួសារ ស្មើនិង១៨៨៣នាក់ ។ ក្រៅពីមានដី ដែលសំបូរដោយេជីវជាតិ សម្រាប់បង្កបង្កើនផលដំណាំកសិកម្មគ្រប់ប្រភេទ លើផ្ទៃដីទំហំជាង២២៣ហិកតា កោះនេះក៏ផ្តល់នូវសក្តា នុពលអេកូទេសចរណ៍ដ៏សម្បូរបែបផងដែរ ។ សព្វថ្ងៃ ការធ្វើអាជីវកម្មបានមកពីទេសចរណ៍ ត្រូវបានពល រដ្ឋនៅលើកោះចាត់ទុក ជាប្រភពចំណូលចម្បងពីរបរកសិកម្ម។
ប្រធានសហគមទេសចរណ៍ លោក ប៊ុន បាន បានប្រាប់ឱ្យដឹងថា រាល់ការធ្វើអាជីវកម្ម លើវិស័យទេសចរណ៍នៅលើកោះនេះ ត្រូវបានចង់ក្រងរៀបចំធ្វើជាសហគមរួមគ្នាដោយ បែកចែកជាក្រុងផ្សេងៗពីគ្នា ។
ព័ត៌មានលម្អឹតមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ