រាជធានីភ្នំពេញ ៖ ក្រុមយុវសិស្សកម្ពុជាដែលបានប្រកួតប្រជែងលើវិញ្ញាសារមនុស្សយន្ត តំបន់អាស៊ាន «2018 ASEAN Regional Robotics Competition» ហើយទទួលបានជ័យលាភីជាម្ចាស់ពានរង្វាន់លេខ១…
រាជធានីភ្នំពេញ ៖ ក្រុមយុវសិស្សកម្ពុជាដែលបានប្រកួតប្រជែងលើវិញ្ញាសារមនុស្សយន្ត តំបន់អាស៊ាន «2018 ASEAN Regional Robotics Competition» ហើយទទួលបានជ័យលាភីជាម្ចាស់ពានរង្វាន់លេខ១ នៅប្រទេសឥណ្ឌូណេស៊ី ក្នុងចំណោម៤ប្រទេស បានមកដល់ប្រទេសកម្ពុជាហើយកាលពីរសៀលថ្ងៃទី០១ ឧសភា កន្លងទៅនេះ ។
ក្រុមយុវសិស្សកម្ពុជាដែលដណ្តើមបានជ័យលាភីលេខ១ជូនជាតិនេះត្រូវបានលោក ច័ន្ទ រ័ត្ន ប្រធាននាយកដ្ឋានស្រាវជ្រាវវិទ្យាសាស្ត្រក្រសួងអប់រំ យុវជន និងកីឡា និងក្រុមយុវសិស្សរាប់សិបនាក់បានទៅទទួលស្វាគមន៍ដល់ព្រលានយន្តហោះភ្នំពេញជាមួយនឹងបាច់ផ្កាកិត្តិយស ។
លោក ច័ន្ទ រ័ត្ន ប្រធាននាយកដ្ឋានស្រាវជ្រាវវិទ្យាសាស្ត្រ ក្រសួងអប់រំ យុវជន និងកីឡា ដែលបានអញ្ជើញមកទទួលយុវសិស្សជ័យលាភីម្ចាស់ពានរង្វាន់លេខ១ថ្នាក់ជាតិដល់ព្រលានយន្តហោះ មានប្រសាសន៍ថា ក្នុងនាមក្រសួងអប់រំ យុវជន និងកីឡា លោកពិតជារីករាយយ៉ាងខ្លាំង ចំពោះយុវសិស្សកម្ពុជាយើងដែលដណ្តើមបានជ័យលាភីនេះ ។
គួររំឭកថា យុវសិស្សជ័យលាភីគឺជាម្ចាស់ពានរង្វាន់លេខ១ថ្នាក់ជាតិបានរៀបចំឡើងលើកទី១ នៅក្នុងព្រឹត្តិការណ៍មហោស្រពវិទ្យាសាស្ត្រ និងគណិតវិទ្យាលើកទី៤ កាលពីខែមីនាកន្លងទៅហើយយុវសិស្សដែលបានពន្យល់យ៉ាងក្បោះក្បាយពីមនុស្សយន្តដោយទាញយករូបមន្តគណិតវិទ្យាមកធ្វើជាអំណះអំណាងនោះគឺយុវសិស្សឈ្មោះ តេង ទិត្យវិទូ ភេទប្រុស អាយុ១៧ឆ្នាំ ដែលជាសិស្សរៀននៅថ្នាក់ទី១១ នៃវិទ្យាល័យទួលទំពូង និងមានលំនៅក្នុងសង្កាត់ បឹងត្របែក ខណ្ឌចំការមន ៕
ចែករំលែកព័តមាននេះ