ខេត្តកំពង់ធំ ៖ គួរឱ្យសង្វេគក្រៃលែង ក្រោយពីកូនប្រុសបានប្រទះឃើញម្តាយរបស់ខ្លួនដេកស្លាប់នៅលើផ្ទះគួរឱ្យអាណោចអាធ័មពន់ពេក ហេតុការណ៍នេះបានបង្កឲ្យមានការភ្ញាក់ផ្អើលកាលពីព្រឹកថ្ងៃទី០១ ខែឧសភា ឆ្នាំ២០១៨ នៅលើផ្ទះជនរងគ្រោះ ស្ថិតក្នុងភូមិពោធិ៍ ឃុំបន្ទាយស្ទោង…
ខេត្តកំពង់ធំ ៖ គួរឱ្យសង្វេគក្រៃលែង ក្រោយពីកូនប្រុសបានប្រទះឃើញម្តាយរបស់ខ្លួនដេកស្លាប់នៅលើផ្ទះគួរឱ្យអាណោចអាធ័មពន់ពេក ហេតុការណ៍នេះបានបង្កឲ្យមានការភ្ញាក់ផ្អើលកាលពីព្រឹកថ្ងៃទី០១ ខែឧសភា ឆ្នាំ២០១៨ នៅលើផ្ទះជនរងគ្រោះ ស្ថិតក្នុងភូមិពោធិ៍ ឃុំបន្ទាយស្ទោង ស្រុកស្ទោង ខេត្តកំពង់ធំ។
បើតាមសមត្ថកិច្ចប្រាប់ថា ជនរងគ្រោះខាងលើឈ្មោះ ស៊ត ឈត ភេទស្រី អាយុ៤៩ឆ្នាំ រស់នៅភូមិ-ឃុំខាងលើ ចំណែកកូនប្រុសបង្កើតឈ្មោះមី ធារ៉ា ភេទប្រុស អាយុ១៦ឆ្នាំ ។
បើតាមការបំភ្លឺពីកូនប្រុសធារ៉ា ប្រាប់ថា ម្តាយរបស់ខ្លួនគាត់មានជំងឺលើសឈាម គាត់លេបថ្នាំគ្រាប់ជាប្រចាំ ហើយនៅថ្ងៃទី៣០ មេសា ម៉ោងប្រហែល១១និង៣០នាទីរសៀល ពេលរូបគេត្រឡប់មកពីសាលារៀនវិញឃើញម្តាយដើរច្របាច់កញ្ចឹង.ក រួចក៏សួរគាត់ថា «ម៉ែកើតអីហ្នឹង?» គាត់ប្រាប់ថា «គាត់វិលមុខ និងងងឹតមុខឈឹងតែម្តង» ។ ក្រោយមកម្តាយក៏ប្រាប់រូបគេឱ្យទិញប្រេងកូឡាមួយដបយកមកកោសខ្យល់ឲ្យគាត់ ពេលកោសរួចគាត់ក៏សម្រាន្តនៅគ្រែក្រោមផ្ទះ រហូតដល់ម៉ោងប្រហែល២រសៀលខ្លួនក៏ទៅសាលាបាត់ លុះម៉ោង៨និង៣០នាទីយប់ខ្លួនត្រឡប់មកវិញឃើញម្តាយកំពុងសម្រាន្តនៅលើផ្ទះក៏យកភួយទៅដណ្តប់ឱ្យគាត់ លុះព្រឹកឡើងស្រាប់តែឮបងប្រុសរបស់គេស្រែកហៅឪពុករបស់ពួកគេដែលដេកនៅក្រោមផ្ទះយ៉ាងខ្លាំងៗថា «ម៉ែស្លាប់បាត់ហើយ» រូបគេក៏ភ្ញាក់ឡើងហៅម្តាយ តែជាអកុសលណាស់ គាត់បានស្លាប់បាត់ទៅហើយ មិនដឹងគាត់ស្លាប់ពីថ្មើណាទេ ។
បន្ទាប់ពីទទួលបានព័ត៌មានខាងលើនេះ កម្លាំងជំនាញសហការជាមួយអាជ្ញាធរមូលដ្ឋានភូមិ-ឃុំ និងសាច់ញាតិចុះទៅធ្វើពិនិត្យសពឃើញថា ពុំមានស្លាកស្នាមអ្វីឡើយ ជនរងគ្រោះពិតជាបានស្លាប់បណ្តាលមកពីជំអឺលើសឈាមពិតប្រាកដមែន៕
ចែករំលែកព័តមាននេះ