សិក្ខាសាលាមួយស្ដីអំពី «សុវត្ថិភាពកុមារក្នុងវិស័យទេសចរណ៍»
- កំពង់ឆ្នាំង
ខេត្តកំពង់ឆ្នាំង ៖ លោក ហោ សារុន អនុរដ្ឋលេខាធិការក្រសួងទេសចរណ៍ បានសំណូមពរដល់ម្ចាស់ផ្ទះសំណាក់ សណ្ឋាគារ ភោជនីយដ្ឋាន និងអាជីវកម្មនានា…
ខេត្តកំពង់ឆ្នាំង ៖ លោក ហោ សារុន អនុរដ្ឋលេខាធិការក្រសួងទេសចរណ៍ បានសំណូមពរដល់ម្ចាស់ផ្ទះសំណាក់ សណ្ឋាគារ ភោជនីយដ្ឋាន និងអាជីវកម្មនានា…
ខេត្តកំពង់ឆ្នាំង ៖ លោក ហោ សារុន អនុរដ្ឋលេខាធិការក្រសួងទេសចរណ៍ បានសំណូមពរដល់ម្ចាស់ផ្ទះសំណាក់ សណ្ឋាគារ ភោជនីយដ្ឋាន និងអាជីវកម្មនានា សូមរួមគ្នាទប់ស្កាត់ការជួញដូរកុមារ ដើម្បីឈានទៅកុមារមិនត្រូវបានរងគ្រោះក្នុងវិស័យទេសចរណ៍ឡើយ ។ ថ្លែងបែបនេះនៅក្នុងពិធីសិក្ខាសាលាមួយស្ដីអំពី «សុវត្ថិភាពកុមារក្នុងវិស័យទេសចរណ៍» នៅសណ្ឋាគាររស្មីសុខាញូយ៉ក ក្រុងកំពង់ឆ្នាំង កាលពីព្រឹកថ្ងៃទី២៧ ខែមេសា ឆ្នាំ២០១៨ ។
លោកបានបន្តថា កិច្ចការពារកុមារ គឺជាការងារចាំបាច់បំផុតរបស់ក្រសួងទេសចរណ៍ ក៏ដូចជាក្រសួងពាក់ព័ន្ធ ពិសេសក្រសួងទេសចរណ៍ដែលកំពុងតែមានការអភិវឌ្ឍន៍រីកចម្រើនធ្វើយ៉ាងណាមិនឲ្យប៉ះពាល់ដល់កុមារមានន័យថា កុមារមិនត្រូវបានរងគ្រោះក្នុងវិស័យទេសចរណ៍ឡើយ ។ បច្ចុប្បន្ន យើងមានគណៈកម្មការជាតិប្រយុទ្ឋប្រឆាំងទៅនឹងការជួញដួរ ដែលមានលោកស្រី ជូ ប៊ុនអេង ជាអនុប្រធានអចិន្ត្រៃយ៍ និងមានលេខាធិការដ្ឋានទាំងអស់នៅតាមបណ្តារាជធានីខេត្ត ។ ដោយឡែកក្រសួងទេសចរណ៍ ក៏បានបង្កើតគណៈកម្មការមួយទៀតឈ្មោះថា គណៈកម្មជាតិសុវត្ថិភាពកុមារក្នុងវិស័យទេសចរណ៍ ផងដែរ ។ គណៈកម្មការនេះ មានមុខងារទុបស្កាត់ផលប៉ះពាល់អវិជ្ជមាន ក្នុងវិស័យទេសចរណ៍ ដែលទន្ទឹមនឹងវិស័យនេះ កំពុងតែរីកចម្រើន យើងក៏បានគិតគូរផលប៉ះពាល់ជាអវិជ្ជមាន ដូចជាករណីគ្រឿងញៀន ឧក្រិដ្ឋកម្ម បេស្យាចារ្យ ការជួញដូរ ពិសេសសំដៅទៅលើការជួញដូរផ្លូវភេទលើកុមារនេះតែម្តង ។ ដូច្ឆេះសិក្ខាសាលាថ្ងៃនេះ ក៏ចង់ឲ្យម្ចាស់អាជីវកម្មទាំងអស់ដែលពាក់ព័ន្ធនឹងទេសចរណ៍ រួមទាំងសិក្សានុសិស្សទាំងអស់ ត្រូវចួលរួមទុបស្កាត់ការពារកុមារ ដែលជាសសរទ្រូងដល់ប្រទេសជាតិ ។ ជាមួយគ្នានេះដែរ លោកក៏បានណែនាំដល់ម្ចាស់អាជីវកម្មដែលពាក់ព័ន្ធដល់វិស័យទេសចរណ៍ ត្រូវធ្វើយ៉ាងណាឲ្យភ្ញៀវទេសចរចូលមកស្រុកយើងដោយការពេញចិត្ត និងមានភាពកក់ក្តៅ ហើយពេលគេត្រលប់ទៅវិញ គេជួយផ្សព្វផ្សាយឲ្យយើងថែមទៀត ។
ក្នុងឱកាសនោះដែរ លោក ស៊ុន សុវណ្ណារិទ្ឋ អភិបាលរងខេត្តកំពង់ឆ្នាំង ក៏បានលើកឡើងពីការងាររីកចម្រើនក្នុងខេត្ត និងការងារចំពោះមុខលើវិស័យភ្ញៀវទេសចរណ៍ ដោយខេត្តកំពុងរៀបចំដើម្បីត្រៀមធ្វើបុណ្យទន្លេ ក្នុងខែមិនា ឆ្នាំ២០១៩ ខាងមុខនេះ ដោយរៀបចំចាក់ខឿនធ្វើច្រាំងទន្លេ ធ្វើសួនច្បារ កន្លែងធ្វើវេទិការជាដើម ។ ក្នុងខេត្តនឹងធ្វើផ្លូវបេតុងពីចំណុចស្ពានថ្ម ដល់ចុងកោះផ្សារក្រោម និងចាក់ដីបំពេញមុខ វត្តយាយទេព ប្រវែង១០០ម៉ែត្រ គុណនិង១៥០ម៉ែត្រ ជាមួយគ្នានេះនឹងចាក់បេតុងច្រាំងទន្លេ ពីចំណុចមុខវត្តយាយទេពដល់ដើមពោធិ៍ និងបន្តចាក់ដល់ចុងកោះ ជាមួយគ្នានេះ នឹងធ្វើផ្លូវថ្មីពីចំណុចចុងកោះ ដល់ស្ថានីយ៍ប្រេងតូតាល់ផ្លូវជាតិលេខ៥ផងដែរ ៕
ចែករំលែកព័តមាននេះ